Læknar og hjúkkur hóta - ósmekklegt

Páll forstjóri Landspítala sagði í sjónvarpsfréttum RÚV að heilbrigðisstarfsfólk héldi lífi í þjóðinni. Ekki alveg nafni, fólk fæddist og dó löngu áður en nokkur spítali var í landinu.

Stórmennskubrjálæði heilbrigðisstarfsfólks er orðið giska þreytandi. Hótanir þeirra að hætta að sinna sjúkum og veikum nema fá fleiri krónur í launaumslagið eru ósmekklegar ef ekki siðlausar.

Vinnið ykkar vinnu og hættið þessu væli. Enginn hlustar, nema kannski Samfylkingin, sem sérhæfir sig í aumingjum.

 

„Hryggjarstykkið í heilbrigðisþjónustunni“

Hetjur og skúrkar á tímum veiru

Fjölmennar stéttir opinberra starfsmanna eru án samninga og hafa lengi verið. Opinberir starfsmenn voru látnir bíða allan Eflingar-tímann sem það tók að semja á almennum vinnumarkaði.

Hjúkrunarfræðingar eru verðugir launa sinna en það eru líka aðrir opinberir starfsmenn sem búa við meira álag og vandræði en gengur og gerist.

Það er fremur fáfengilegt að horfa upp á fjölmiðla og fimbulfambara á samfélagsmiðlum búa til hetjur og skúrka vegna þess að ekki hefur tekist að semja við eina tiltekna stétt opinberra starfsmanna.

 

Afsláttur af lífskjörum er óhjákvæmilegur

Efnahagssamdráttur verður líklega á bilinu fimm til tíu prósent árið 2020. Lífskjör versna sem því nemur. 

Krónan í gegnum lægra gengi jafnar byrðunum að einhverju leyti. Ríkissjóður verður rekinn með halla til að borga laun fyrirtækja án tekna.

Ef Eflingar-línan verður ráðandi í ASÍ-félögum verður atvinnuleysi meira en ella. 

Stundum eru aðeins vondir kostir. Þá er að velja þann illskásta.

Gefi ekki afslátt af kjörum félagsmanna

Veiran er ekki farfugl, Gulli

Gulli utanríkis virðist halda að kórónuveiran sé farfugl er virði engin landamæri.

Einhver sem kláraði leikskóla, og vinnur hjá utanríkisráðuneytinu, ætti að hnippa í Gulla og segja honum að veiran smitast á milli fólks.

Þess vegna eru landamæri Evrópuríkja lokuð og samkomubann á Íslandi. Annars myndu menn bara skjóta fuglana.

„Veiran virðir engin landamæri“

Leiðtogar styrkjast - alþjóðahyggja veikist

Veiran styrkir þjóðarleiðtoga í sessi. Sameiginlegur andstæðingur gerir kraftaverk fyrir forystumenn.

Um leið og leiðtogar þjóða styrkjast minnkar alþjóðahyggjan. Nýfengið pólitískt kapítal verður ekki framselt til alþjóðastofnana. Það væri eins og að kasta perlum fyrir svín.

Farsóttin verður kveðinn í kútinn með staðbundnu valdi, ekki á alþjóðlegum ráðstefnum þar sem hver syngur með sínu nefi.

 

Veiran eykur vinsældir Trumps og Johnsons

Samfylkingin leitar að aumingjum, finnur þá í Viðskiptaráði

Efnahagslega verkefnið vegna farsóttarinnar er að milda höggið sem fyrirtæki og launþegar verða fyrir vegna samdráttar í atvinnulífinu. Stærsta einstaka aðgerðin er að ríkið setur um 20 milljarða í rekstur fyrirtækja, til að borga laun.

Samfylkingin, nánast einn flokka, telur ekki nóg að gert og auglýsir eftir aumingjum til að væla aðeins meira en efni standa til. Þetta er sérgrein Samfylkingar, að gera ljótt ástand enn verra.

Viðskiptaráð tók áskorun Samfylkingar, hrein eins og stunginn grís og krafðist gjafa frá ríkissjóði. 

Til að vega upp á móti gjafapeningum til skjólstæðinga sinna, stórfyrirtækja landsins, lagði Viðskiptaráð til að laun opinberra starfsmanna yrðu lækkuð.

Opinberir starfsmenn eru einmitt fjölmennasti kjósendahópur Samfylkingar.

Það verður upplit á forystu Samfylkingar þegar kjósendur flokksins leggja saman tvo og tvo. Og fá út að Samfylkingin er mesti auminginn.

 

RÚV hræðir fólk með dauðafrétt

Aðalfrétt RÚV í hádeginu var um ótímabært andlát konu á fimmtugsaldri. RÚV byggði fréttina á nafnlausum heimildum, eingöngu.

Fréttin er til þess fallin að hræða fólk um að veikir fái ekki umönnun, það sé stórhættulegt að leggjast inn á spítala.

Það er eins og RÚV-fréttamenn geri sér sérstakt far um að skilja dómgreindina eftir heima þegar þeir fara í vinnuna.

Minni peningar, meira líf

Peningar stjórna lífi okkar að verulegu leyti. Nær allir vilja meira af þeim og fæstum finnst þeir eiga nóg. Deilur og álitamál í samfélaginu snúast að stórum hluta um peninga. 

Nú blasir við að minna verður til af peningum næstu misserin og það gildir yfir alla línuna. 

Þegar minna verður af peningum í lífi okkar verður meira pláss fyrir annað. Það eru ekki nema 24 stundir í sólarhring og æviskeið aðeins tiltekinn stundafjöldi. Á grafarbakkanum eru það ekki peningar sem efstir eru í huga.

Fremur en vangaveltur um fjármál leita aðrar spurningar svara á efsta degi. Til dæmis: Breytti ég rétt í lífinu?

Óígrundað líf er einskins virði, kenndi Sókrates fyrir margt löngu. Peningaleysið gefur okkur tíma til að íhuga vegferðina áður en henni lýkur. Margt verra en það.

Hundruð milljarða eru í húfi

Efnahagsaðgerðir fyrir rauðhærða, líka bláeyga

Viðreisn segir efnahagsaðgerðir ríkisstjórnarinnar ,,karllægar" og vill sérsniðin úrræði.

Spurning að veita rauðhærðum efnahagspakka, þeim sem eru í meðalþyngd annan og svo má ekki gleyma hávöxnum.

Tillögur hljóta að koma á færibandi frá Viðreisn um efnahagsaðgerðir á hvern kjaft í landinu.

Aðgerðirnar sem slíkar mjög karllægar

Endalok frjálslyndrar fjölmenningar

Til að verja íbúa sína fyrir kórónuveirunni loka ríki landamærum. Opin landamæri, hvað þá engin landamæri, eru bannorð. Frjálslynd fjölmenning byggði á þeirri forsendu að sérhver einstaklingur ætti þau mannréttindi að búa hvar hann vildi. Sú hugmynd er komin á ruslahaug sögunnar.

Þjóðverjar líta til stjórnlyndra ríkja eins og Suður-Kóreu, Japan, Hong Kong og Singapúr í leit að fyrirmynd til að berjast gegn farsóttinni.

Nágrannaríki Þýskalands, Ítalía og Spánn, eru aftur fordæmi til að varast.

Asíuríkin sem þykja fyrirmynd eru einsleitari en Evrópuríkin. Fjölmenning er þeim framandi hugtak. Það gefur auga leið að farsóttarvarnir eru einfaldari og árangursríkari í einsleitum þjóðríkjum.

Ísland er þar skínandi gott dæmi.

Ströng skilyrði fyrir inngöngu í Þýskaland