Veiðiferð skipulögð af RÚV

RÚV, með klækjum og e.t.v. hótunum, atti Seðlabankanum á foraðið þegar bankinn gerði húsleit hjá Samherja 2012.

Fréttamaður RÚV bar fölsuð gögn til Seðlabankans, sem týndust, en þegar þau komu í leitirnar sögðu þau allt aðra sögu en RÚV vildi segja.

Saga RÚV var á þá leið að Samherji skyti gjaldeyri undan höftum. Týndu gögnin, sem síðar fundust, sneru aftur að skiptaverði til sjómanna og höfðu ekkert með gjaldeyrisskil að gera.

RÚV þurfti húsleit hjá Samherja til að búa til frétt - búa til í merkingunni skálda frétt - og af óskiljanlegum ástæðum lagði Seðlabankinn trúnað á gagnafölsun RÚV.

Kannski sveif yfir vötnum hótun RÚV að gera frétt um að Seðlabankinn tæki þátt í yfirhylmingu á glæpum. Á árunum eftir hrun voru stofnanir skíthræddar við RÚV. Í beinu framhaldi af fréttherferð RÚV-ara fylgdu yfirleitt skipulögð mótmæli á Austurvelli. Í beinni útsendingu RÚV - auðvitað.

Samherji hafi orðið fyrir margföldu tjóni

Þöggun drengja - kvenmenning ræður ferðinni

Um 90 prósent kennara í grunnskólum eru konur. Drengir fá ekki karlkyns fyrirmyndir þar. Í framhaldsskólum er brottfall drengja um 30 prósent en stúlkna um 20 prósent. Þegar komið er í háskóla er kynjahlutfall nemenda þannig að karlar eru minnihlutahópur: 70 prósent háskólanema eru konur en minna en þriðjungur karlar.

Ísland á heimsmet í lágu hlutfalli karla í háskóla, segir Hermundur Sigmundsson, prófessor í lífeðlislegri sálfræði.

Hvers vegna? 

Jú, skólakerfið er gegnsósa af kvenmenningu. Þöggun drengja byrjar strax í leikskóla og heldur áfram upp öll skólastig. 

Stúlkum er kennt að vera stoltar en drengjum að skammast sín. Kvenmenningin talar með fyrirlitningu um ,,drengjamenningu" og býr til hugtök eins og ,,eitruð karlmennska."

Yfirtaka kvenna á skólakerfinu getur ekki endað vel.

 

Jesú og Múhameð

Jesú er myndgerður samkvæmt þeirri tísku er ræður ferðinni hverju sinni.

Múhameð spámaður er aftur ekki myndgerður, enda gætu saklausir tapað lífinu.

Fylgjendum frelsarans fækkar á vesturlöndum en múslímum fjölgar.

Hvers megnar sá brjóstgóði andspænis vígóðum hryðjuverkamanni?

 

Brjóstgóður Jesús á götum borgarinnar

RÚV segir Namibíu Úkraínu

RÚV kallaði norska bankann DNB til vitnis um að Samherji stundaði arðrán í Namibíu. Reikningi alþjóðlegs félags, Cape Cod, var lokað hjá DNB en Samherji átti í viðskiptum við félagið.

Ályktun RÚV er að ástæða lokunar reikningsins sé Samherji. Í alræmdum Kveiks-þætti var skjalið sýnt sem átti að sanna rökleiðsluna á Efstaleti.

En sé skjalið lesið kemur fram að reikningi Cape Cod var lokað vegna viðskiptaþvingana er beitt var vegna deilna Rússa og vesturlanda um Úkraínu.

Namibía er sem sagt ríki í Afríku en Úkraína er í Austur-Evrópu. En hvað skiptir landafræði og sannleikur máli þegar RÚV-arar eru í heilagri herferð gegn norðlenskri útgerð.

,,Illvilji eða yfirsjón," segir forstjóri Samherja.

Verðmæti: ungmenni og ferðamaður

Verðmæti erlends ferðamanns er sækir Ísland heim er hægt að reikna út frá meðaltali. Sérhver ferðamaður skilar að meðaltali svo og svo mörgum krónum. En hvert er verðmæti skólagöngu ungmennis?

Unglingur í framhaldsskóla ver drýgstum hluta dagsins í skólanum við nám og samskipti við jafnaldra sína. Ekki er hægt, svo vit sé í, að setja krónur og aura á skólavist unglings.

Það sem af er hausti býr allur þorri íslenskra ungmenna við skerta skólavist. Í flestum tilvikum er skólagangan skert um 50%. Fjarnám bætir upp að nokkru, skólar kenna sama námsefnið. En fjarnám bætir ekki upp glataða samveru jafnaldra. Félagslíf verður ekki stundað í fjarnámi, svo heitið geti.

Því fyrr sem skólastarf kemst í samt horf því betra.

„Þetta er náttúrlega áfall“

Bretar grátbiðja um íslensku leiðina

Yfirmenn 20 stærstu flugvalla á Bretlandi nánast grátbiðja þarlend yfirvöld að taka upp sömu aðferð og Ísland notar, tvöföld skimun flugfarþega og 5 daga sóttkví.

Flugfarþegar til Bretlands sæta núna 14 daga sóttkví. Flugsamsöngur eru þar á heljarþröm. Yfirmennirnir 20 telja að 4 ár taki að vinna upp þá stöðu sem farþegaflug var í  fyrir farsóttina.

Breska blaðið Telegraph greinir frá.

Nær allar lendingarheimildir afbókaðar

Ferðamenn, íslenskir og erlendir

Ein regla gildir um ferðamenn sem koma til landsins, tvöföld skimun og 5 daga sóttkví. Hagmundir ferðaþjónustunnar eru að breyta sóttkví erlendra ferðamanna í heimkomusmitgát.

Erlendir ferðamenn eru síður líklegir en íslenskir að valda smiti. Þeir erlendu fara til dæmis ekki í íslenska skóla. Íslensk hjón með þrjá unglinga er koma úr helgarferð frá útlöndum geta valdið smiti sem myndi loka tveim til þrem grunn- og framhaldsskólum. Og jafnvel, ef þannig stendur á, lokun heimsókna á hjúkrunarheimil.

Á yfirborðinu sýnist nærtæk lausn að leyfa erlendum ferðamönnum að viðhafa heimkomusmitgát (þótt þeir séu alls ekki heima hjá sér) en skylda þá íslensku í sóttkví. En þá myndi blasa við sú hrollvekja að Íslendingar sættu strangari sóttvörn í heimalandi sínu en útlendingar. Í vissum skilningi yrðu Íslendingar annars flokks borgarar í eigin landi. Engin stjórnvöld með nokkra vitglóru í kollinum myndu bjóða borgurum í lýðfrjálsu ríki upp á slíkt.

Sóttkví ferðamanna er raunhæf leið til að stemma stigu við nýgengi smita. Reynslan sýnir þetta. Nágrannaríki okkar glíma enn við alloft mikla útbreiðslu farsóttarinnar. Á meðan það ástand varir er óvarlegt að slaka á þeirri vörn sem skimun og sóttkví ferðamanna veitir.

Segir Jón Ívar „snúa hlutum á hvolf“

Kynþokki öfganna í augum miðaldra fólks

Dagblöðum með ranga skoðun á meintum loftslagsbreytingum af mannavöldum var lokað af öfgahópi er kennir sig við útrýmingu og uppreisn. Gerðist í höfuðborg Bretlands.

Douglas Murray í Telegraph vekur athygli á tvennu. Dagblöðin sem voru skotmörkin eru öll til hægri í pólitíska litrófinu. Í öðru lagi er stórt hlutfall aðgerðasinna í útrýmingu og uppreisn miðaldra fólk í þokkalegum efnum.

Þessu fólki leiðist, segir Murray, og finnur tilgang í lífinu í öfgahópi með trúarívafi.

Líffræðin virkar þannig að upp úr miðjum aldri dofnar kynhvötin. Tilgangur lífsins verður óskýrari þegar fólk hættir barneignum. Óstabílir einstaklingar, yfirleitt vinstrimenn, finna sér tilgang í trúarkreddum, einkum ef hún felur í sér heimsendi.

Í einni setningu: glötuð gredda verður kredda.

 

Mótmæltu meintum mistökum fjölmiðla

Farsóttin kallar á sveigjanlega stefnu

Kurlin eru ekki öll komin til grafar með kórónuveiruna. Langtímaáhrif veikinda eru meiri en ætlað var í fyrstu þótt dánarlíkur hafi lækkað. 

Ákall um skýra stefnu við farsótt sem enn er óútreiknanleg er misráðið.

Stefna stjórnvalda er nægilega skýr, að koma böndum á nýgengi smita eftir því sem kostur er og hafa innanlandshöft sem vægust. Ferðamenn til og frá landinu sæta tvöfaldri skimun og fimm daga sóttkví. 

Allt er þetta eins skýrt og verða má.

Reglur eru sveigjanlegar, uppfærðar á tveggja vikna fresti. Þjóðin stendur með sóttvarnarstefnu stjórnvalda. 

Stundum verður einfaldlega að lifa með óvissu.

Segir þörf á skýrri stefnu stjórnvalda

Eftirspurn eftir svörtu

Þeldökkir Bandaríkjamenn njóta ýmissa fríðinda, fyrir utan þau sem borgaralegu réttindi sem allir bandarískir borgarar búa við. Þeldökkir fá styrki, aðgengi í skóla og á vinnumarkað umfram hvíta og gula og fólk af rómönsku bergi brotið.

Helst eru það frumbyggjar, sem Kólumbus kallaði indíána en Leifur skrælingja, er fá sambærileg forréttindi og svartir.

Sumir hvítir vilja öðlast hlutdeild í forréttindum svartra og frumbyggja og ljúga til húðlit og menningu sem þeir eiga ekki tilkall til. Svipað og píratískir þingmenn á Fróni stela sér háskólagráðum.

Ef upp kemst er alltaf hægt að bæta gráu ofan á svart og segja að manni hafi verið misþyrmt í æsku og gangi ekki heill til skógar.

Fávitum er allt fyrirgefið.

 

Viðurkenndi að hún væri ekki svört