Ríkjasmíði í Sýrlandi og breytt Evrópa

Stríðið í Sýrslandi byrjaði veturinn 2011, hluti af arabíska vorinu, lýðræðisvakningu sem náði til margra landa í þessum heimshluta. Assad forseti gerir allt sem hann getur til að halda völdum og andstæðingar hans eru margklofnir. Þeir hættulegustu eru Riki íslams sem stefnir að kalífaríki þar sem Sýrland og Írak eru nú.

Rússland og Kína styðja Assad forseta. Bandaríkin studdu í öndverðu hófsama uppreisnarmenn en þeir hafa tínt tölunni í stríði þar sem öfgarnar ráða. Íran styður einnig Assad forseta. 

Í sumar var haft eftir Obama Bandaríkjaforseta að líkur á samkomulagi um nýtt Sýrland hafi aukist með því að Rússar og Kínverjar skynjuðu að dagar Assad forseta væru senn taldir. Rússnesk uppbygging í Sýrlandi síðustu vikur bendir til hins gagnstæða.

Aðalritari Sameinuðu þjóðanna Ban Ki-moon viðurkennir að öryggisráðið, þar sem voldugustu ríkin sitja, hafi brugðist Sýrlandi. Játning aðalritarans er liður í viðbrögðum alþjóðasamfélagins við holskeflu flóttamanna frá Sýrlandi.

Arabar eru meginhluti Sýrlendinga. Flestir þeirra eru súnní múslímar, einn af hverjum tíu er kristinn og álíka tilheyrir trúflokki alavíta. Assad forseti og nánustu samverkamenn hans eru alavítar. Ef þeir hverfa frá völdum verður til valdatómarúm sem verður að fylla til að Sýrlandi sé stjórnað.

Vestræn nálgun á málefni Sýrlands er að smíða þurfi nýtt ríki utan um þá hópa sem landið byggja. Fæstir þessara hópa finna til samkenndar með sýrlensku þjóðerni. Ríkjasmíðin verður torsótt og tímafrek. Með flóðbylgju sýrlenskra flóttamanna yfir höfði sér er tíminn knappur á vesturlöndum.

Nýtt Sýrland verður ekki smíðað við samningaborðið á næstunni. Stríðsátök verða á dagskrá og heldur mun flóttamannastraumurinn aukast í bráð fremur en að dragi úr honum.

Flóttamenn frá Sýrlandi munu breyta Evrópu, ekki vegna þess að þeir eru svo margir, heldur af hinu að flæði þeirra inn í ríki Evrópusambandsins sýnir að landamæri ESB virka ekki.

Þegar það rennur upp fyrir íbúum ESB-ríkja að flóttamannavandinn mun aðeins aukast verður að breyta ESB verulega.

Tæknilegt sakleysi og sakleysi er sitthvað

Tæknilegt sakleysi í sakamálum felur í sér að rannsókn leiðir í ljós að ætlað brot mun ekki leiða til sakfellingar. Ástæður fyrir tæknilegu sakleysi geta verið margvíslegar, s.s. skortur á refsiheimildum, ónógar sannanir, óskýr lög og reglugerðir.

Í fáum orðum: maður getur verið sekur eins og syndin en tæknilega saklaus.

Málsvörn forstjóra Samherja í gjaldeyrismálinu er í fyrsta lagi að hann sé saklaus eins og nýfallin mjöll og í öðru lagi að Seðlabankinn láti stjórnast af einhverju öðru en faglegum sjónarmiðum.

Fréttatilkynning Seðlabanka útskýrir málefnalega tæknilegt sakleysi Samherja og forsvarsmanna félagsins.

Seinni liðurinn í málsvörn Samherja, um meintan illvilja Seðlabanka, fær illa staðist þar sem embætti sérstaks saksóknara tók kæru Seðlabanka til efnislegrar meðferðar sem leiddi til niðurstöðu um tæknilegt sakleysi. Ef málefnalegar ástæður væru ekki að baki kæru hefði ekki farið fram rannsókn.

Viðskiptafélagi Þorsteins Más frá tímum útrásar, Jón Ásgeir Jóhannesson, kenndur við Baug, heldur ávallt fram barnslegu sakleysi þegar á hann eru bornar sakir og kennir illvilja um opinberar ákærur. Jón Ásgeir er með fjölmiðla í sinni þjónustu til að undirstrika sakleysi sitt.

Þorsteinn Már ætti að finna sér betri fyrirmynd en Jón Ásgeir.

 

 

Tilraun til að breiða yfir mistök

Árni Páll skilur ekki gjaldmiðla

Rikasta fólkið í Grikklandi heldur dauðahaldi í evruna enda auðvelt að flytja auðæfi úr landi þegar gjaldmiðillinn er alþjóðlegur. Evran veldur fátækt í Grikklandi. Annað hver undir þrítugu er atvinnulaus vegna evrunnar. Og vegna evrunnar eru þjóðarskuldir Grikkja 200 prósent af landsframleiðslu.

Hér heima segir formaður Samfylkingar: ,,krónan er ónýt." En það einmitt með krónuna sem Ísland komst hratt og vel frá kreppunni sem Árni Páll og Samfylking kölluðu yfir okkur 2008. Hér er full atvinnu og Ísland skuldar eitthvað um 60 prósent af þjóðarframleiðslu. Árna Páli finnst það ómögulegt ástand.

Nóbelshagfræðingurinn Paul Krugman skrifar pistil um gjaldmiðla og ber saman dollara fjögurra engilsaxneskra þjóða. Hans niðurstað er að gjaldmiðlar smáþjóða standist vel samanburð við lögeyri stórþjóða og að gengisaðlögun sé mikilvægt tæki efnahagsbúskapar fullvalda þjóða.

Ekkert af þessu skilur Árni Páll Árnason. Líklega er það einmitt þess vegna sem hann er formaður Samfylkingar.

„Þetta snýst ekki um mig“

Bandaríkin klúðra ítrekað utanríkismálum

Afskipti Bandaríkjanna af Afganistan og Írak leiddu til aukins ofbeldis, sem ekki sér fyrir endann á. Í Sýrlandi ætlaðuðu Bandaríkin að steypa stjórn Assad en tókst ekki.

Mistök Bandaríkjanna í Írak og Sýrlandi gáfu öfgasamtökunum Ríki íslams færi á að eflast og leggja undir sig stór landssvæði og flæma milljónir burt frá heimilum sínum. Þær milljónir banka nú á dyr Evrópu.

Í Úkraínu stuðluðu Bandaríkin, ástam ESB, að falli Viktor F. Yanukovych forseta landsins í febrúar 2014. Fall hans markaði endalok Úkraínu sem þjóðríkis. Landið er klofið í vestur- og austurhluta og mun ekki gróa um heilt í fyrirsjáanlegri framtíð.

Í stað þess að Bandaríkin stuðli að friði og öryggi í heiminum er stórveldið ítrekað sekt um skammsýni í utanríkismálum.

Óttast aðkomu Rússa í Sýrlandi

60 manna ársfundur Bjartar Framtíðar

Ef taldir eru fjölskyldumeðlimir kjörinna fulltrúa Bjartar framtíðar á þingi og sveitarstjórnum fást líklega í kringum 60 - sami fjöldi og sótti ársfund flokksins.

Á huggulegum fjölskyldufundi er sjálfsagt að móta stefnu í málefnum lands og þjóðar.

Allur almenningur lætur sér fátt um finnast um fjölskyldufundi Bjartar framtíðar.

Vilja fleiri flóttamenn hingað

RÚV þvingar borgarstjóra til að gefa pólitískt rétt svar

RÚV er orðin að áróðursmiðstöð þeirra sem vilja að Ísland taki við nokkur hundruð flóttamönnum, jafnvel þúsundum. Í hádegisfréttum RÚV var borgarstjóri með rökbrellu þvingaður til að gefa pólitískt rétt svar við spurningu sama fréttamans og tók ráðherra til bæna í gær.

Dagur B. Eggertsson borgarstjóri vildi síður nefna tölu á fjölda flóttamanna. Fréttmaðurinn beitti þá rökbrellunni um þvingað val, en sú brella er þekktust í spurningunni ,,ertu hættur að berja eiginkonuna?" Hvernig sem svarað er þá er barsmiðum játað.

Orðrétt eru samskipti fréttamanns og boragarstjóra þessi:

Fréttamaður:,,Gæti borgin jafnvel tekið á móti nokkur hundruð flóttamönnum?"

Borgarstjóri: ,,Já, ég held það..."

Fréttamaðurinn fer býsna nærri að leggja borgarstjóra orð í munn og leyfir sér síðan að birta frétt með eftirfarandi uppslætti: ,,Borgin gæti tekið á móti nokkur hundruð". Öllum sem heyrðu fréttina skildist að borgarstjóra vildi síður nefna tölur og láta ríkisstjórnina um að ákveða fjölda flóttamanna sem skuli veitt viðtöku. En það hentar ekki RÚV.

RÚV reynir með brellum og afflutningi orða viðmælenda sinna að fá niðurstöðu sem RÚV er fyrirfram búin að gefa sér.

Vinnubrögð RÚV eru fyrir neðan allar hellur.

Sókrates, Samherji og meginstofnanir samfélagsins

Forn-gríski heimspekingurinn Sókrates var dæmdur að ósekju til dauða í Aþenu. Vinir hans gerðu flóttaáætlun. Sókrates hafnaði flótta með þeim rökum að þótt hann væri saklaus af ákærum komst dómstóll 500 Aþenumanna að niðurstöðu. Það væri ekki Sókratesar að vefengja æðsta dómstól borgarinnar sem ól hann og skóp aðstæður fyrir gjöfult líf. Sókrates drakk eiturbikar Aþenumanna af virðingu fyrir heildarhagsmunum.

Seðlabanki Íslands er ásamt alþingi, stjórnarráði og dómstólum meginstofnun samfélagsins. Eftir hrun voru sett á gjaldeyrishöft í þágu almannahagsmuna. Gjaldeyrishöftin urðu ekki til alsköpuð í einu vetfangi heldur þurfti nokkrar tilraunir. Meginmarkmiðið var skýrt. Almenningur skyldi finna sem minnst fyrir höftunum en stórnotendur gjaldeyris skyldu bera hitann og þungann af þeim. Þetta er sanngjarnt sjónarmið og í þágu heildarhagsmuna.

Seðlabankinn beindi sjónum sínum að nokkrum grunsamlegum atvikum um meðferð gjaldeyris, m.a. að einu öflugasta fyrirtæki landsins, Samherja. Mál Samherja fór í rannsókn hjá embætti sérstaks saksóknara, sem þýðir að aðili óháður Seðlabankanum mat málsatvik þannig að þau réttlættu framhald málsins. Nú hefur réttmæt málsmeðferð í lýðræðisríki leitt til þeirrar niðurstöðu að mál gegn Samherja og stjórnendum skuli felld niður.

Eigendur og talsmenn Samherja eiga nú um tvo kosti að velja. Að fagna niðurstöðunni og halda áfram að gera það sem þeir gera best, að veiða fisk og selja. Í öðru lagi geta Samherjamenn troðið illsakir við meginstofnanir samfélagsins með þeim rökum að sakir á hendur þeim voru rangar.

Meginstofnanir samfélagsins sjá til þess að undirkerfin samfélagsins virki. Eitt mikilvægt undirkerfi er fiskveiðistjórnunarkerfið. Það var sett á þegar Samherji sleit barnsskónum sem lítil útgerð á Akureyri um miðjan níunda áratug síðustu aldar. Samherji er orðið að einu stærsta fyrirtæki landsins, þökk sé þeirri staðreynd að meginstofnanir samfélagsins eru starfi sínu vaxnar og undirkerfin tikka eins og til er ætlast.

Við hrunið riðuðu meginstofnanir samfélagsins til falls. Æstur múgur gekk um götur og torg og heimtaði uppstokkun á helstu stofnunum samfélagsins og svo sannarlega vildi múgurinn fiskveiðistjórnarnarkerfið feigt.

Meginstofnanir samfélagsins stóðu af sér atlöguna í kjölfar hrunsins. Ekki síst vegna þess að þær sýndu almenningi með verkum sínum að stofnanir starfa í þágu almannaheilla en ekki þröngra sérhagsmuna.

Áður en eigendur og stjórnendur Samherja gera upp við sig hvort þeir ætla una sáttir við málalok í vegna gjaldeyrishaftanna eða efna til ófriðar ættu þeir að íhuga fordæmi Sókratesar. Enginn biður Þorstein Má og Samherjamenn að drekka eiturbikar enda var hann þeim aldrei réttur; þeir eru sýkn saka. Í fullri vinsemd eru Samherjamenn beðnir að fallast á það sjónarmið að ábyrgir aðilar ættu ekki nema í lengstu lög að leggja til atlögu meginstofnanir samfélagsins með það að markmiði að grafa undan trúverðugleika þeirra.

 

 

Sakamál vegna Samherja fellt niður

Neyðarhjálp þangað sem neyðin er stærst

Neyð flóttamanna í mið-austurlöndum verður ekki leyst með því að veita takmörkuðum fjölda þeirra hælisvist á vesturlöndum. Varanleg lausn á þessum vanda fæst aðeins í heimkynnum þeirra.

Alþjóðleg samtök, Sameinuðu þjóðirnar og Rauði krossinn, svo dæmi séu tekin, sinna margháttaðri aðstoð við flóttamenn.

Neyðaraðstoð er lausn á skammtímavanda. Til lengri tima þarf stefna vesturlanda gagnvart þessum heimshluta að breytast og taka mið af aðstæðum en ekki innfluttum vestrænum hugmyndum umm hvernig stjórnskipun skuli háttað.

Ísland ætti að einbeita sér að veita neyðaraðstoð þar sem neyðin er stærst, í mið-austurlöndum.

Myndir ráði ekki stefnunni

Pútín, fræðimenn og RÚV-klámið

Pútín í Rússlandi talar í sama tón og fræðimenn á vesturlöndum. Flóttamannavandinn í Evrópu er afleiðing mistaka vestrænna ríkja í málefnum mið-austurlanda. New York Times ræðir við sérfræðinga sem efnislega segja það sama og haft er eftir Pútín í Morgunblaðinu:

Hvað er það með þessa stefnu [vesturlanda]? Þetta er inn­leiðing á þeirra eig­in mæli­kvörðum þar sem ekki er tekið til­lit til sögu, trú­ar­bragða, bæði þjóðar- og menn­ing­ar­ein­kenna á þess­um svæðum.

Í New York Times er fjallað um hve hópar sýrlensku flóttamanna eru ólíkir. Sumir eru sterkefnaðir, aðrir í millistétt og enn aðrir fátækir. Sameiginlegt eiga þeir að hafa gefist upp á heimalandi sínu.

Trúbræður og nágrannar Sýrlendinga gera mest lítið fyrir þá eins og kemur fram í frétt á Vísi.

Alvöru fjölmiðlar skýra og upplýsa um flóttamannavandann. RÚV á hinn bóginn stundar tilfinningaklám sem gengur út á að varpa rýrð á íslensk stjórnvöld. Fyrstu fjórar fréttir í hádegisfréttum RÚV gengu allar út á að Ísland taki ekki við nógu mörgum flóttamönnum. Fréttamaður RÚV rak hljóðnemann upp í trýnið á ráðherra og spurði hvenær tala lægi fyrir um fjölda flóttamanna. Ráðherra var gerður tortyggilegur með því að hafa ekki tölu á hraðbergi. 

RÚV er löngu orðið að sértrúarmiðli aðgerðasinna sem sérhæfir sig í áróðri en ekki faglegri umfjöllun um málefni líðandi stundar.  

 

 

Pútín sá vandann fyrir

Stjórnmálakerfið lamar sig sjálft

Allir stjórnmálaflokkar á alþingi hafa verið í ríkisstjórn á síðustu tveim kjörtímabilum. Nema Píratar, sem þó eru með þann foringja í brúnni, Birgittu Jónsdóttur, sem varði ríkisstjórn vinstriflokkanna falli.

Strax eftir hrun komst til valda fyrsta vinstristjórn lýðveldissögunnar. Samfylking og Vinstri grænir ætluðu sér langtum róttækari breytingar á samfélaginu en þeir höfðu umboð til. Jóhönnustjórnin ætlaði sér að bylta stjórnskipuninni, koma Íslandi í ESB og kollvarpa fiskveiðistjórnunarkerfinu.

Vinstristjórnin rann á rassinn með öll sín stóru mál og fékk herfilega útreið í kosningunum 2013, verri en nokkur önnur ríkisstjórn á vesturlöndum hafði fengið.

Í stað þess að draga lærdóma af niðurstöðu lýðræðislegra kosninga tóku vinstriflokkarnir upp bandalag við ýmsa frekjuhópa samfélagsins og reyndi að stjórna lýðveldinu með mótmælafundum á Austurvelli.

Þegar hluti stjórnmálakerfisins segir sig frá meginreglum þess hefur það lamandi áhrif á allt kerfið.

Píratar eru eini flokkurinn sem græðir á upplausnarástandinu. Enda segjast þeir uppreisnarafl.

„Hugsi yfir þessari niðurstöðu“