Dreggjar útrásar

Laumuspilið í kringum Magma og kaupin á HS Orku er eitt og sér næg ástæða til að stöðva málið. Þegar  bætist við rökstuddur grunur um að farið sé á svig við lög og fjármagn fengið að hluta til með gjaldeyrisbraski er einboðið að stjórnvöld grípi til þeirra ráða sem duga til að stöðva gjörninginn.

Samtökin sem kenna sig við atvinnulífið eru samdauna útrásarsiðleysinu og hafa ekki gert hreint fyrir sínum dyrum eftir hrun. 

Málafylgja SA við skúffufyrirtæki kanadísks raðbraskara segir allt sem segja þarf um samtökin.

SA - kaupin á HS orku lögmæt

Loksins, loksins undanþága handa Íslandi

Evrópusambandið ákveður loksins að veita Íslandi undanþágu frá sameiginlegu lagaverki; Ísland fær eitt ríkja heimild, já skyldu, til að borga ríkisábyrgð á skuldum einkabanka. Önnur ríki á Evrópska efnahagssvæðinu þurfa ekki að hafa áhyggjur - þau verða ekki krafin um ríkisábyrgð á skuldum einkabanka.

Rökin fyrir þessari niðurstöðu er þunnur þrettándi. Valdapólitíkin á bakvið er hins vegar raunveruleg og byggist á því að Bretar og Hollendingar krefjast þess að almenningur á Íslandi borgi Icesave-skuldina.

Bera ekki ábyrgð á innstæðum

Flokksaðild að Evrópusambandinu

Samfylkingin er eini stjórnmálaflokkurinn hér með aðild að Evrópusambandinu á stefnuskrá sinni. Flokkurinn fékk rúm 29 prósent atkvæða í síðustu þingkosningum. Samfylkingin er tíu ára gamall stjórnmálaflokkur og var tilraun til að sameina vinstrimenn í einum flokki og sú tilraun mistókst með Vinstrihreyfingunni grænu framboði.

Eftir því sem umræðan verður meiri minnkar fylgi þjóðarinnar við aðild. Almenningur hefur fengið sig fullsaddan af ævintýramennsku, hvort heldur á vettvangi fjármála eða stjórnmála. Flokkssamþykktir Vg og Sjálfstæðisflokksins taka af öll tvímæli um andstöðu flokkanna við aðild.

Evrópusambandið glímir erfið vandamál og fréttir af þeim vígstöðvum verða ekki jákvæðar næstu misserin.

Flokksaðild að Evrópusambandinu er ekki í boði. Rýrt veganesti Samfylkingar í Evrópuleiðangur getur aðeins endað með ósigri flokksins. Samfylkingin getur lágmarkað skaðann með því að kannast við veruleikann og dregið umsóknina tilbaka.

Undanþága frá veruleikanum

Össur sagði í grein 51 í yfirlýsingu að skapandi hugsun þyrfti til að rúma íslenska hagsmuni í Evrópusambandinu. Á blaðamannafundi sagði Stefan Füle stækkunarstjóri sambandsins að varanlegar undanþágur frá lögum og reglum Evrópusambandsins kæmu ekki til greina.

Lýðveldið Ísland er með utanríkisráðherra sem krefst undanþágu frá veruleikanum.

Jón vill hætta viðræðum

Samtök afneitara vilja Magma-afréttara

Ekki kemur á óvart að Vilhjálmur Egilsson tali enn útrásartungum. Hvorki Vilhjálmur né samtökin hans hafa gert upp við fortíðina þar sem óreiðufólkið stjórnaði ferðinni í efnahagslegri plastveröld. Magma er útrásarafréttari til að fresta timburmönnunum.

Á þingmannsárum sínum barðist Vilhjálmur m.a. fyrir því að sumartími yrði tekinn upp hér á landi til að auðvelda millilandaviðskipti. Framkvæmdastjórinn var trúverðugri í den.

 

„Pólitísk leiktjöld“

Magma á ís

Varfærin viðbrögð við yfirlýsingu ríkisstjórnarinnar um Magma-málið og þjóðareign auðlinda sýnir að fólk treystir stjórninni mátulega. Undir venjulegum kringumstæðum er yfirlýsing ríkisstjórnarinnar nógu skýr til að vera fullnægjandi. Ekki verður betur séð en að fyrirætlun ríkisstjórnar sé að koma í veg fyrir að kaup Magma á HS Orku nái fram að ganga. Eðli málsins samkvæmt þarf orðalagið að taka mið af þeim mörgu lausu endum sem eru á málinu.

Tortryggnin sem ríkisstjórnin mætir er á hinn bóginn skiljanleg. Ríkisstjórn Jóhönnu Sig. er ekki þekkt fyrir hreinskilni.

Grasrótin í VG ánægð

Skapandi hugsun Össurar og ESB

Utanríkisráðherra óskar eftir samstarfi við Evrópusambandið til að  blekkja Íslendinga til fylgilags. Í grein 51. yfirlýsingarinnar segir að það kalli ,,á umtalsvert átak og skapandi hugsun" að finna hagsmunum Íslands stað í Evrópusambandinu.

Eins og fyrri daginn leikur Össur tveim skjöldum. Hér heima gagnrýnir hann kvótakerfið og vill það feigt. Í Brussel segir Össur að ekki megi hrófla við kerfinu þar sem það tryggi sjálfbæra nýtingu og sá hryggstykkið í efnahagskerfinu.

Skemmtilegasta setning yfirlýsingarinnar er eftirfarandi

Íslenska ríkisstjórnin stendur þétt að baki því ferli sem við nú hefjum.

Össur kann sannarlega skapandi hugsun.

Tryggi forræði yfir auðlindum

Ísland, Tyrkland og ESB

Evrópusambandið er félagsskapur mótaður af meginlandsþjóðum vestast á þessum útskaga Asíu. Fyrirmyndin er sótt í ríki Karlamagnúsar sem gerði sér höfuðborg í Aachen skammt frá Brussel. Helsti keppinautur Karlamagnúsar í Evrópu var Býsans þar sem nú er Tyrkland.

Tyrkir sóttu um aðild að Evrópusambandinu fyrir 20 árum en er ekki hleypt inn. David Cameron forsætisráðherra Breta flytur ræðu í dag í Ankara þar sem hann fordæmir útilokun Tyrkja. Þjóðverjar og Frakkar standa gegn inngöngu múslimaþjóðarinnar.

Evrópusambandið útilokar Tyrki vill gjarnan innlima Ísland í sambandið. Ísland á það sameiginlegt með Tyrkjum að tilheyra ekki kjarnasvæði Evrópu. Munurinn á misjafnri viðtöku í Brussel er að Evrópusambandið lítur svo á að Ísland er viðbót við nýja Evrópuríkið en Tyrkland í krafti stærðar tæki sæti við hlið Frakka og Þjóðverja sem forysturíki Evrópusambandsins.

Á dögum ríkis Karlamagnúsar  fluttu vestnorrænir menn til eyju á miðju Atlantshafi. Þar búa þeir enn og vilja sem minnst vita af valdabrölti á meginlandi álfunnar.

 

Útlendingar efast um heilindi Össurar

Lygi til heimabrúks, um að Ísland væri á leið í könnunarviðræður, og lygi á erlendum vettvangi, t.d. að þjóðin standi að baki umsókn Samfylkingar, er starfsaðferð Össurar Skarphéðinssonar utanríkisráðherra. Hér heima hefur Össuri orðið ágengt og á sæti í ríkisstjórn.

Samkvæmt fréttum eru starfsbræður Össurar teknir að efast um heilindi hans.

Líklega eru þrátt fyrir allt takmörk fyrir hversu stjórnmálamenn komast langt á lygavaðli.

Samfylkingin í vörn fyrir Magma-málið

Forysta Samfylkingarinnar hefði betur hlustað á félaga sína suður með sjó sem andmæltu braski bæjarstjóra Reykjanesbæjar, Árna Sigfússonar, með auðlindir almennings. Árni er kominn í sumarfrí og lætur Samfylkinguna um að verja glataðan málstað skúffufyrirtækisins.

Agnar Kristján Þorsteinsson tekur saman yfirlit yfir afstöðu Vg í málinu og af henni má ráða að Samfylkingin lét sér í léttu rúmi liggja andstaða Vg.

Vg stöðvar Magma-málið hér og nú.  Annað er ekki í boði.

 

Þingflokkur VG á fundi