1918 staða í pólitík

Vinstri grænir eru turninn á vinstri kanti stjórnmálanna með um 20 prósent fylgi. Samfylkingin er dauð með undir 8 prósent fylgi. Vg er afkomandi Alþýðubandalags sem hélt uppi merkjum þjóðernissinnaðra vinstrimanna.

Samfylking rennur frá krötum í Alþýðuflokknum sem kenndu sig við frjálslyndi í alþjóðamálum er þýddi þjónustulund við það stórveldið sem vildi Ísland hverju sinni; Danmörk, Bretland, Bandaríkin og Evrópusambandið.

Vinstri grænir verða forystuafl vinstrimanna eftir næstu kosningar. Raunhæfur möguleiki er að þeir myndi tveggja flokka stjórn með Sjálfstæðisflokknum. Ástæðan fyrir því að slíkt er gerlegt er að ESB-umsókn Samfylkingar og umræðan í kjölfarið sameinaði þjóðina í afstöðunni til utanríkismála. Slíkt hefur ekki gerst síðan 1918 þegar þjóðin sameinaðist um fullveldi.

 

Sjálfstæðiflokkurinn með 31,1% fylgi

RÚV situr uppi með skömmina; verður að biðja SDG afsökunar

RÚV laug fréttum um Sigmund Davíð Gunnlaugsson; verktaki RÚV gerði honum fyrirsát; RÚV þverbraut sínar eigin siðareglur í aðförinni að forsætisráðherra; RÚV stundaði pólitík en ekki fréttamennsku til að koma höggi á forsætisráðherra.

Sigmundur Davíð birtir ítarlegustu upplýsingar um einkafjármál sín og eiginkonu sinnar sem nokkur stjórnmálamaður hefur gert. RÚV finnur hvergi leið að vefengja upplýsingarnar.

Þegar fyrir liggur að öll fjármál Sigmundar Davíðs og fjölskyldu eru á tæru hlýtur RÚV að gera grein fyrir hlut stofnunarinnar að flæma forsætisráðherra úr embætti og biðja Sigmund Davíð opinberlega afsökunar á aðförinni.

 

 

 

Vextir og peningaprentun

Vextir á Íslandi eru alltaf jákvæðir, stundum full jákvæðir. Vextir í útlöndum er síðustu ár neikvæðir, þeir sem eiga peninga í banka tapa á innistæðunni.

Peningaprentun er úrræði sem erlendir seðlabankar reyna þegar neikvæðir vextir hrökkva ekki til að snúa hjólum atvinnulífsins.

Jákvæðir vextir sýna að efnahagskerfið okkar er eðlilegt. Það sama verður ekki sagt um efnahagskerfið í Evrópu og Japan.

Hvers vegna eru vextir hærri hér?

Sigmundur Davíð gerir hreint fyrir sínum dyrum

Ítarlegar upplýsingar sem formaður Framsóknarflokksins og fyrrverandi forsætisráðherra veitir um persónuleg fjármál sín og eiginkonunnar er til fyrirmyndar.

Sigmundur Davíð var flæmdur úr embætti eftir aðför RÚV þar sem blekkingum, klækjum og hreinni lygi var beitt.

Þegar Sigmundur Davíð er búinn að leggja spilin á borðið og sýnt fram á að engin innistæða var fyrir þeim hávaða sem gerður var úr fjármálum þeirra hjóna er ekkert til fyrirstöðu að hann leiði Framsóknarflokkinn í komandi þingkosningum.

Hátt í 400 milljónir í skatta

Ættfærsla peninganna - pólitískar afleiðingar

Til skamms tíma voru nótulaus viðskipti helsta form skattsvika hér á landi. Af umfangi Íslendinga í Panama-skjölunum að dæma eru nótulaus viðskipti barnahjal í samanburði við stórkostlega fjármuni sem fólk mælt á íslenska tungu geymir í aflandi.

Pólitískar afleiðingar af uppljóstrunum Panama-skjalanna er þegar orðnar all nokkrar. Í valnum liggja forseti, forsætisráðherra, borgarfulltrúi, framkvæmdastjóri stjórnmálaflokks og trymbillinn sem var gjaldkeri Samfylkingar.

Horft fram á veginn verður erfiðara fyrir fólk með mikla peninga í kringum sig að sækjast eftir pólitískum áhrifastöðum. Það fólk verður grunað um óheilindi, þótt ,,sökin" sé ein að eiga rúm fjárráð.

 

400 leitir á sekúndu í gærkvöldi

Evrópuófriður 21. aldar - staða Íslands

Af þrem helstu ófriðarsvæðum í heiminum er eitt í Evrópu og annað við dyrastaf álfunnar. Noam Chomsky tengir ófriðarsvæðin við vanmátt Bandaríkjanna að stjórna heiminumm eftir lok kalda stríðsins. Ísland verður að draga réttar ályktanir af aðstæðum sem eiga eftir að versna.

Ófriðarsvæðin tvö munu fyrirsjáanlega valda ófriði í og við Evrópu næstu áratugina. Annað ófriðarsvæðið er Úkraína þar sem Bandaríkin og Evrópusambandið efndu til átaka við Rússland. Baráttan um forræði yfir Mið- og Austur-Evrópu eftir hrun heimsveldis Sovétríkjanna er háð með staðgenglastríði í Úkraínu. Bandaríkin/ESB/Nató styðja stjórnina í Kiev gegn uppreisnarmönnum í austurhluta landsins sem eru á framfæri Rússa.

Hitt ófriðarsvæðið er miðausturlönd en þar kveiktu Bandaríkin ófriðarbál árið 2003 með innrásinni í Írak. Þrjú veigamikil ríki eru þar í algerri upplausn: Írak, Líbýa og Sýrland. Tvær staðbundnar blokkir, byggðar á trúarsannfæringu, takast á og njóta stuðnings Bandaríkjanna annars vegar og hins vegar Rússlands.

Sádi-Arabía og Tyrkland fara fyrir súnnímúslímum með stuðningi Bandaríkjanna en Íran undir shítamúslímum er með Rússland sem bakhjarl. Þeir eldar sem Bandaríkin kveiktu í byrjun aldarinnar í miðausturlöndum verða ekki slökktir í fyrirsjáanlegri framtíð.

Evrópa er sjálfri sér sundurþykk gagnvart ófriði innan og utan álfunnar. Múslímaríkið Tyrkland er komið með Schengen-aðild og aukaaðild að Evrópusambandinu. Rússland, sem er til muna evrópskara en Tyrkland, er gert að óvini og útmálað sem ríki illsku og haturs.

Illskásta staða Íslands í Evrópuófriði næstu áratuga byggir á þríþættu stöðumati. Í fyrsta lagi sameiginlegum hagsmunum í nærumhverfi okkar. Þar eigum við samleið með Grænlendingum, Færeyingum, Norðmönnum og öðrum Norðurlöndum, þó minna eftir því sem fjær dregur. Í öðru lagi að halda okkur fjarri Evrópusambandinu, hætta Schengen-samstarfinu og gefa baneitraðri evru ekki gaum. Í þriðja lagi viðurkenna að enginn valkostur er við ákvörðun sem íslenska ríkisstjórnin tók þegar sumarið 1941, á öðru ári síðasta stórófriðar í Evrópu, og gerði herverndarsamning við Bandaríkin.

Bandaríkin eru ekki jafn sterk og þau voru, ekki síst sökum misheppnaðra hernaðarævintýra í Austur-Evrópu og miðausturlöndum. Evrópa er enn verr stödd en Bandaríkin. Stór samfélög múslíma í Vestur-Evrópu munu láta til sín taka eftir því sem ófriðurinn í miðausturlöndum dregst á langinn. Hryðjuverkaárásir í evrópskum stórborgum síðustu misserin eru aðeins upphafið.

Ísland á enga aðild að Evrópuófriði 21. aldar. Ekki frekar en við áttum aðild að fyrri og seinni heimsstyrjöld. Við verðum að haga utanríkismálum okkar til samræmis við hnattstöðu landsins. Þannig lágmörkum við skaða ófriðarins í Evrópu.

Ekki hægt að treysta á frið í Evrópu

Forysta í leik sem ekki er hafinn

Íþróttamál yfirfært á stjórnmál er stundum til að útskýra með einföldum hætti flókna atburðarás en í öðrum tilvikum flækja einfalt mál.

Kosningabaráttan til forseta Íslands er ekki hafin enda þátttakendur varla komnir á völlinn og einhverjir sem voru innan vallar í gær skiptu sér útaf í dag.

Forysta, sem einhver kann að hafa í upphafi leiks, er öll á pappírunum. Enginn vinnur keppni með því að vera sterkur á blaði.

Guðni Th. með afgerandi forystu

Ólafur Ragnar veitti forystu þegar mest á reið

Frammistaða Ólafs Ragnars Grímssonar eftir hrunið reið baggamuninn fyrir þjóðina í tveim afdrifaríkum málum; Icesave og ESB-umsókninni.

Í báðum tilvikum reyndi óreiðufólk, bæði innan og utan þings, að telja almenningi trú um að skuldir einkabanka yrði að ríkisvæða og að lýðveldið væri búið að vera - við ættum að segja okkur til sveitar hjá ESB.

Ólafur Ragnar lét Icesave-frumvarp vinstristjórnarinnar í þjóðaratvæði og hann talaði máli lýðveldisins.

Ólafur Ragnar Grímsson skipti sköpum á viðsjárverðum tímum.

 

Ólafur Ragnar hættur við framboð

Pólitík er ekki aldur heldur valkostir

Aldursfasismi er kominn á það stig að sérstök frétt er að Steingrímur J. Sigfússon ætli ekki að hætta í pólitík.

Aldursfasisminn á það sameiginlegt með öðrum fordómum að hann er skálkaskjól þeirra sem ekkert efnislegt hafa að segja. Í staðinn kemur upphrópun; hann er gamall.

Pólitík snýst ekki um aldur heldur valkosti. Flokkar og menn standa fyrir áherslur og sýn á þjóðmálin. Það er almennings að meta verðleika málefna og manna.

 

Steingrímur áfram

Davíð er rétti forsetinn 2016 - 2020

Til að sitja Bessastaði, svo að sómi sé af, þarf lífsreynslu, dómgreind og pólitíska kunnáttu. Í ljósi veikrar stöðu alþingis er brýnna en löngum áður að forsetinn kunni skil á innviðum stjórnmálanna.

Bæði sitjandi forseti og Davíð Oddsson uppfylla kröfur sem gerðar eru til forseta. Í tveim stærstu álitamálum seinni ára, Icesave og ESB-umsókninni, voru Davíð og Ólafur Ragnar sammála.

Ólafur Ragnar getur áhyggjulaus gefið keflið til Davíðs og gengið sáttur af vettvangi þjóðmálanna.

Davíð býður sig fram til forseta