Píratar hafna moðsuðu; bylting eða borgarlegt lýðveldi

Píratar hafna drögum að stjórnarskrár og krefjast uppstokkunar á stjórnskipun lýðveldisins með nýrri stjórnarskrá er hæfi píratísku samfélagi.

Píratar vilja allt eða ekkert, enga hlédræga moðsuðu ættaða úr klíkusamfélagi vinstrimanna.

Píratar skora 1944-lýðveldið á hólm og bjóða í staðinn sérviskulegt nördalýðveldi þar sem ein skoðun gildir í dag en önnur á morgun. Tölvuleikjakynslóðin þekkir ekki málamiðlanir, allt er ,,off" eða ,,on".

Valið vorið 2017 stendur um píratabyltingu eða borgaralegt lýðveldi. Valkostir almennings eru tveir hófsamir hægriflokkar annars vegar og hins vegar byltingarflokkur Píarata. Smáflokkar eins og Samfylking og Vinstri grænir eru mest til skrauts.

Píratar gegn þinglegri meðferð tillagna

Í gær hætti Samfylkingin - þegjandi og hljóðalaust

Framkvæmdastjórn Samfylkingar, æðsta vald flokksins á milli landsfunda, ákvað að segja af sér í gær. Æðsta vald stjórnmálaflokks, sem ákveður að skila inn umboðinu, án þess að nokkur taki við keflinu lýsir sig gagnslaust.

Afsögn framkvæmdastjórnarinnar er ekki pólitík heldur uppgjöf. Ef afsögnin væri pólitík kæmu aðrir félagsmenn til sögunnar sem byðu upp aðra stefnu. Ekkert slíkt er á ferðinni. Framkvæmdastjórnin segir af sér sökum fylgishruns flokksins. Það að enginn valkostur er við fráfarandi framkvæmdastjórn undirstrikar algera og skilyrðislausa uppgjöf flokks á sjálfum sér.

Tvennt annað kostulegt tengist afsögn framkvæmdastjórnarinnar. Í fyrsta lagi að engin umræða var um afsögnina. Fjölmiðlar birtu fréttatilkynninguna en nenntu ekki að fylgja henni eftir. Enginn flokksmaður reyndi að klæða ákvörðunina í pólitískan búning. 

Í öðru lagi er kostulegt að flokkur sem búinn er að afskrifa sjálfan sig skuli efna til formannskosninga. Að kjósa formann Samfylkingarinnar í sumar er nýstárleg aðferð að velja skiptastjóra í þrotabúi. 

Samfylkingin kýs nýja forystu

Píratar toppa of snemma, vinstriflokkar hrynja

Samfylking og Vinstri grænir mælast með 8 prósent fylgi hvor um sig. Þetta eru flokkarnir sem fengu yfir 50 prósent fylgi í kosningunum 2009. Píratar, samkvæmt sömu skoðanakönnun, eru með 38 prósent fylgi og fara minnkandi.

Könnunin sýnir stjórnarflokkana, Framsóknarflokk og Sjálfstæðisflokk, mjakast upp á við miðað við síðustu kannanir.

Píratar toppa, líkt og flest mótmælaframboð, nokkrum mánuðum of snemma. 40 prósent fylgið verður súr brandari annað vor, þegar gengið verður til kosninga.

Vill deyja sem forstjóri Kjörís - í Lettlandi

Markaðsstjóri Kjörís og formaður Samtaka iðnaðarins flutti hjartnæma ræðu um útlenskan starfsmann ísgerðarinnar sem vildi fá að deyja með íslenskt ríkisfang.

Íslenskir atvinnurekendur kunna þau fræði að láta almenning niðurgreiða reksturinn. Núna vilja atvinnurekendur ódýrt erlent vinnuafl - annars er stefnan tekin á láglaunalönd, samanber meðfylgjandi frétt Mbl.is

Útlendingum stendur til boða að verða forstjóri Kjörís í Lettlandi, ef ódýra vinnuaflið er ekki flutt til Íslands og gert að ríkisborgurum.

Iðnaður gæti farið úr landi

Óþol gagnvart ég-á-það-ég-má-það

Umræðan um háar arðgreiðslur tryggingafélaganna til hluthafa er til vitnis um óþol almennings gagnvart 2007-hugsun um fjármagnseigendur séu herrar alheimsins.

Ríkið skaffar tryggingafélögum tekjustreymi með lögum um skyldutryggingar. Tryggingafélögin geta nýtt þetta tekjustreymi í hverskyns fjárfestingar, sem nú um stundir skila góðum arði.

Tekjustreymið kemur frá almenningi fyrst og fremst. Og almenningi er misboðið.

Stjórn Sjóvar gerir rétt í að leggja meira af arðinum til mögru áranna en greiða minna út til hluthafa. Enn betra væri að viðskiptavinir Sjóvá nytu góðærisins í formi lægri iðngjalda.

Sjóvá lækkar arðgreiðslu

Ísland, óttinn og ESB-aðild

Misheppnaður hræðsluáróður Samfylkingar og ESB-sinna eftir hrun, um að Ísland yrði fast í efnahagslegri steinöld án evru og ESB-aðildar, er orðinn að útflutningsvöru.

Breska dagblaðið Telegraph birtir fréttaskýringu um hve illilega hræðsluáróðurinn misheppnaðist. Tilefnið er þjóðaratkvæði í Bretlandi í sumar um hvort landið verði áfram innan ESB eða hætti aðild.

ESB-sinnar í Bretlandi reyna ítrekað að beita hræðsluáróðri fyrir svartnættinu sem myndi taka við utan Evrópusambandsins.

Þegar hræðslan er helsta röksemdin fyrir ESB-aðild er umræðan meira í ætt við trúarbrögð en yfirvegaða ígrundun. Og ESB-aðild er hjátrú sem stenst hvorki rök né reynslu.

Katrín er stór foringi í litlum flokki

Katrín Jakobsdóttir er leiðtogi án stjórnmálahreyfingar. Hún er að nafninu til formaður Vinstri grænna, með Björn Val sér við hlið og Steingrím J. yfir og allt um kring - enda fylgið grjótfast í tíu prósentum.

Vinstrimenn biðluðu til Katrínar að gefa ekki kost á sér til embættis forseta Íslands. Ástæðan er átakanlegur skortur á foringjum á vinstri væng stjórnmálanna.

Vinstrimönnum tekst varla að búa til stjórnmálahreyfingu samboðinni Katrínu fyrir næstu þingkosningar. Kannski á kjörtímabilinu 2017 til 2021. 

 

Katrín ætlar ekki í framboð

Drottningin og Jón Baldvin sammála um ónýtt ESB

Elísabet Bretadrottning er sammála Jóni Baldvini Hannibalssyni um að Evrópusambandið sé ekki æskilegt heimili fyrir fullvalda eyþjóðir Bretlands og Íslands.

Jón Baldvin segir ESB brennandi hús og drottningin telur æskilegt að Bretland yfirgefi þau híbýli.

ESB-flokkur Íslands, Samfylkingin, stendur frammi fyrir tveim valkostum. Að hafna ESB-aðild og éta ofan í sig Evrópustefnuna eða bjóða ekki fram í alþingiskosningunum eftir 15 mánuði.

 

Drottningin sögð hlutlaus gagnvart ESB

Trump er vinstrimaður af gamla skólanum

Vinstriútgáfan Guardian játar: Trump talar fyrir milljónir launþega sem óttast að missa vinnuna vegna samninga um frjálsa verslun, sem flytur störf til fátækra landa til að stórfyrirtæki græði en verkalýðnum blæði.

Trump talar fyrir verkamennina í Indianapolis sem missa vinnuna vegna þess að verksmiðjan verður flutt til Mexíkó. Myndband á Jútúb sýnir forstjóra útskýra að frjáls verslun þýðir atvinnuleysi og fá fokkjú tilbaka.

Vinstrimenn í gamla daga báru hag launþegar fyrir brjósti. En í dag eru þeir jafn sannfærðir og hægrimenn um ágæti frjálsrar verslunar.

Thomas Frank fór í gegnum ræðurnar sem Trump flytur og komast að raun um að hann talar mest um hættuna af lélegum viðskiptasamningum sem Bandaríkin hafa gert við aðrar þjóðir í nafni frjálsrar verslunar.

Pistill Frank í Guardian dregur ekki dul á að Trump stundar kynþáttaníð og stórkarlalegar yfirlýsingar. En á fundum talar Trump um lífsbjörg launamanna. Og fær stuðning þeirra.

 

 

Evangelistar fylkja sér á bak við Trump

Sharía-lög í Danmörku

Sjónvarpsþættir um múslíma í Danmörku og menningu þeirra afhjúpa aðferðir til að halda uppi aga í trúarmenningu múslíma, m.a. með hýðingum og grýtingum.

Þættirnir leiða einnig í ljós að sharía-lög múslíma gilda í sumum samfélögum þeirra í Danmörku.

Umgengni múslíma við líf og limi fólks, trúaðra sem vantrúaðra, er ekki í anda vestrænna hátta. Moskur múslíma virðast undirlagðar klerkum sem boða mannfyrirlitningu í nafni trúar. Hófsamir múslímar eru álíka áberandi í umræðunni og hófsamir Þjóðverjar eftir 1933. 

Spila fótbolta með höfðum fórnarlamba