Skáldskapur í einkalífi og einkalíf i skáldskap

Einkalíf æ fleiri er skáldskapur á samfélagsmiðlum. Fólk birtir myndir af sér og lýsir aldeilis frábærum augnablikum í lífi sínu. Lesendur/áhorfendur trúa að augnablikið sé sannleikurinn um líf viðkomandi. Og fyllast leiða yfir sínu lífi í grámyglunni.

Samhliða þessari þróun eru deilur í fjölmiðlum um að rithöfundar nýti sér einkalíf fólks til að skrifa skáldverk.

Við búum sem sagt á tímum þar sem einkalíf er skáldskapur og skáldskapur einkalíf. Engin furða að áleitnasta viðfangsefni samfélagsrýna og heimspekinga er staðleysuveruleiki. New York Times segir okkur þyrsta í skáldskap klæðskerasaumaðs sannleika þar sem satt og ósatt skiptir ekki máli. Við trúum augnablikinu, engu öðru.  

Athugasemdir

[Jón Þórhallsson, 19.1.2017 kl. 14:17]

Kastljósið mætti beinast oftar að forseta íslands.

Hann mætti leiða oftar umræður í sjónvarssal.

Hvað finnst honum skipta mestu máli í þjóðfélaginu?

Hver er hans forgangsröðun tengt þjóðþrifamálum?