Skósveinar Ólafs Ragnars víða í Evrópu

Skósveinaflokkur Ólafs Ragnars Grímssonar, sem varar við uppgangi öfgamúslíma, er með fulltrúa í borgaralegu pressunni í Svíþjóð og Danmörku og í þingflokki Græningja í Þýskalandi.

Cem Özdemir, einn þekktasti þingmaður Græningja í Þýskalandi, segir hreint út að hann vilji ekki að Sádi-Arabar byggi moskur í Þýskalandi Özdemir er múslími og tekur eftir undanhaldi hófsamra múslíma vegna ágangs þeirra herskáu.

Í Svíþjóð skrifar Ivar Arpi um uppgang herskárra múslíma í Svenska Dagblandet og vitnar í nokkur dæmi um undanhald hófsamra múslíma.

Berlingske í Danmörku segir af innrætingarstefnu Ríkis íslam sem miðar að treysta hryðjuverkamenn í trúinni að þeir vinni þarft verk í þágu spámannsins með drápum á ,,vantrúuðum". Í BT er frétt með heimild í þýsku leyniþjónustunni þess efnis að hryðjuverkamenn komi sem flóttamenn til Evrópu.

Aðeins á Íslandi eru þeir kallaðir talsmenn sundrungar sem vara við uppgangi herskárra múslíma.

Athugasemdir

[Anna Sigríður Guðmundsdóttir, 29.11.2015 kl. 01:28]

Herskáasti hryðjuverka"maður" fyrr og nú, er svikult Páva-Vatíkanabis-svartamarkaðsbrask.

Ef einhver veit betur, þá er rétti tíminn núna til að afhjúpa toppinn á svikapíramídaplaninu. Jafnvel á friðarráðstefnunni Páfastýrðu í Paradís, það er að segja: Par-ís.

Undarlegt vopna-par(ad-ís-is), þetta ísís?

Eða hvað?

M.b.kv.

[Sigurður M Grétarsson, 29.11.2015 kl. 10:33]

Það eru ekki þeir sem vara við öfga múslumum sem eru kallaður talsmenn sundrungar. Það eru þeir sem vilja tengja alla músluma undir hatt öfga músluma og eru jafnvel að tengja byggingu mosku í Sogamýri við þá. Ég held að menn myndu fá ansi ljóta mynd af kristni ef verið væri að tengja kristna menn almenn tið mestu öfga kristnu hópa jarðarinnar. Þar er einnig af nógu að taka bæði í Bandaríkjunum og víða í Afríku.