Gamlingjar afhjúpa svindlið um hlýnun jarðar

Í aldarfjórðung hafa aðgerðarsinnar, vísindamenn sem taka styrki fram yfir sannleikann og ekki síst stjórnmálamenn reynt að telja okkur trú um að jörðin sé að hlýna af mannavöldum. Jörðin verði óbyggileg ef ekki verði gripið í taumana og stórkostlega dregið úr losun gróðurhúsaloftegunda, einkum koltvísýrings.

Að stærstum hluta er hlýnun jarðar af mannavöldum áróður. Nokkrir gamlingjar úr röðum vísindamanna eru öflugir að afhjúpa svindlvísindin um hlýnun jarðar.

Fred Singer er á tíræðisaldri og prófessor í umhverfisvísindum. Hann segir engar sannanir fyrir hlýnun af mannavöldum.

Norsk-ameríski nóbelsverðlaunahafinn Ivar Giaver segir loftslagsvísindin í höndum sértrúarmanna sem brjóti meginreglur vísindanna um að leita sannleikans. Ivar er 88 ára.

Carl-Otto Weiss er þýskur vísindamaður. Hann sýnir fram á að loftslagsbreytingar eru náttúrulegar sveiflur; ekki af mannavöldum. Carl-Otto er 76 ára.

Freeman Dyson prófessor í Princeton er með þrjá yfir nírætt. Leggjum ekki trúnað á reiknilíkönin um að jörðin verði óbyggileg er hans viðhorf. Þvert á móti er jörðin lífvænlegri en áður.

Og hvers vegna eru það gamlingjar sem eru sannir og skýrir í mati sínu á umræðunni um loftslagsbreytingar? Jú, þeir láta ekki kaupa sig annars vegar og hins vegar eru þeir nógu hugaðir til að taka sannleikann fram yfir pólitískan rétttrúnað.

Höfrungahlaup kjaraumræðunnar

Hver eru sanngjörn laun sendiherra? Ríkisendurskoðanda? Þingmanna? Dómara? Talsmenn verkalýðshreyfingarinnar rjúka upp til handa og fóta þegar kjararáð ákveður laun embættismanna.

En í höfrungahlaupi umræðunnar lætur verkalýðshreyfing hjá líða að tefla fram sínum hugmyndum um hver launin ættu að vera.

Verkalýðshreyfingin getur, bæði í krafti samningsumboðs og eignarhalds á stjórnfyrirtækjum í gegnum lífeyrissjóði, haft mótandi áhrif á launaumræðuna. En það gerist ekki með upphrópunum. Vinna betur í SALEK og tala minna í fjölmiðlum væri ágætis byrjun.

Hrundið af stað nýju „höfrungahlaupi“

Múslímaklerkar bannfæra bænahald karla með konum

Frjálslynd moska í Moabit-hverfinu í Berlín fær á sig bannfæringu múslímaklerka í Egyptalandi og trúaryfirvöldum í Tyrklandi fyrir að leyfa sameiginlega tilbeiðslu karla og kvenna.

Fyrsta daginn sem moska var opin var fullt hús. En vegna hótana múslímakarla og klerka fækkaði þeim snarlega sem sóttu bænahald í anda jafnréttis kynjanna.

Guardian segir að stofnandi moskunnar fái 300 stuðningsskilaboð daglega en tífalt fleiri, eða 3000, hótanir m.a. um líflát.

Múslímatrú er karllæg og leyfir ekki að konur taki þátt í helgistund með körlum.

CNN viðurkennir falsfrétt um Trump

Þrír fréttamenn CNN hætta störfum eftir að falsfrétt um samsæri aðstoðarmanns Trump við Rússa var afhjúpuð.

CNN er einn þeirra fjölmiðla sem harðast ganga fram í að draga upp þá mynd að Trump sé handbendi Pútín Rússlandsforseta.

Fréttin birtist á vef CNN en var eytt eftir að í ljós kom að hún reyndist falsfrétt.

Trump heimtar afsökunarbeiðni