Miðvikudagur, 17. júní 2015
Rökin fyrir breyttri stjórnarskrá drepin 17. júní 2015
Ný stjórnarskrá var verkefni vinstristjórnar Jóhönnu Sigurðardóttur. Stjórnarskráin var flokkspólitískt verkefni vinstriflokkanna sem rakst á vegg almannaviljans í þingkosningum 2013: Samfylking fékk 12,9 prósent fylgi og Vg 10,9 prósent.
Aðgerðasinnar úr röðum vinstrimanna létu ekki segjast við niðurstöðu lýðræðislegra kosninga og halda áfram að krefjast nýrrar stjórnarskrár.
Núverandi stjórnarskrá er að grunni frá 1874 og fylgt þjóðinni frá torfkofum inn í tækniöld. Engin rök standa til þess að hún sé úrelt.
Aðgerðasinnar í þágu nýrrar stjórnarskrár vanvirða þjóðhátíðardaginn með mótmælum á Austurvelli. Þjóðhátíð er til að minnast þess sem við eigum sameiginlegt. Fólk sem vanvirðir sameign okkar er ekki hæft til að setja þjóðinni stjórnarskrá.
Reynslan sýnir að eftirgjöf í meginmálum veit á uppgjöf. Í fyrirsjáanlegri framtíð á ekki undir neinum kringumstæðum að vekja máls á endurskoðun stjórnarskrárinnar. Það væri uppgjöf fyrir þeim öflum sem vilja stjórnskipun okkar feiga.
Gagnrýnin byggð á misskilningi | |
Tilkynna um óviðeigandi tengingu við frétt |
Miðvikudagur, 17. júní 2015
Mótmæli gegn friðsæld, jafnrétti og velmegun
Á þjóðhátíðardegi friðsælasta lands í heimi, þar sem jafnrétti er meira en í viðri veröld og velmegun sömuleiðis, grípur hópur fólks til mótmæla.
Samfélagið sem mótmælendur óska sér getur ekki verið betra en það sem við höfum.
Líklega mun verra.
Ísland friðsælast 5. árið í röð | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Miðvikudagur, 17. júní 2015
Ísland og ártölin: 930 til 2015
Ártöl Íslandssögunnar stika vegferðina frá landnámi til samtíma. Merkilegustu ártölin eru eftirfarandi:
930, alþingi stofnað
1000, kristnitaka
1262, Gamli sáttmáli, endalok þjóðveldis
1550, siðaskipti, konungsvald Dana verður einrátt á Íslandi
1751, Innréttingarnar stofnaðar, fyrsta tilraunin til nývæðingar
1783, móðuharðindin, þjóðinni fækkar um fimmtung, landið varla talið byggilegt
1811, fæddur Jón Sigurðsson
1848, Hugvekja til Íslendinga, Jón Sigurðsson leggur grunninn að sjálfstæðisbaráttunni
1864, Danir tapa Slésvíkurstríðinu, verða smáþjóð, íhuga að bjóða Ísland Prússum
1874, Ísland fær stjórnarskrá
1904, heimastjórn
1918, Danir samþykkja íslenskt fullveldi, í skiptum fyrir danskar byggðir í Þýskalandi
1944, lýðveldi
1975, landhelgisstríðum lýkur með fullum sigri
2008, Guð-blessi-Ísland hrunið
2009 - 2013, misheppnaðasta stjórnmálatilraun Íslandssögunnar
2015, ESB-umsóknin afturkölluð
Gleðilega þjóðhátíð.
Dægurmál | Slóð | Facebook | Athugasemdir (0)