Miðvikudagur, 6. desember 2006
Fríblöð eru láglaunaverkefni
Í viðtali á heimasíðu norsku blaðamannasamtakanna, journalisten.no, segir útgáfustjóri nokkurra norskra fríblaða að forsendan fyrir því að útgerðin geti borið sé að halda launum í lágmarki.
Í viðtalinu viðurkennir Ivar Brynildsen, útgáfustjóri hjá Edda Media, að afkoman fríblaða sé háð því að kostnaði sé haldið í lágmarki og engin leið sé að keppa við launakjör sem áskriftarblöð bjóða blaðamönnum sínum.
Gunnlaugur Júlíusson hagfræðingur var duglegur að vekja athygli á slæmum kjörum blaðbera Fréttablaðsins fyrir nokkrum misserum. Á meðan blaðberar Morgunblaðsins fengu laun samkvæmt kjarasamningi hélt Baugsútgáfan sínu fólki í launalegu skrúfustykki.
Á hinn bóginn hafa ekki borist fréttir af launakjörum blaðamanna á íslensku fríblöðunum.
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.