Stefán birtir ekki fundargerð RÚV: vantraust á fréttastofu

Stefán Eiríksson útvarpsstjóri tilkynnti á Bylgjunni 1. nóvember síðast liðinn að hann hygðist hætta er skipunartími hans rennur út eftir hálft annað ár. Sjaldgæft er að forstöðumenn ríkisstofnana gefi út slíka yfirlýsingu með löngum fyrirvara. Bæði stofnu og forstöðumann setur niður. Starfsemin verður ómarkvissari og langtímaáætlanir marklausar ef enginn veit hver stendur í brúnni næstu árin.

Stefán tilkynnti fyrirhugað brotthvarf viku eftir stjórnarfund RÚV 25. október. Fundartímar stjórnar RÚV lúta föstu skipulagi, eru á fjórða miðvikudegi hvers mánaðar. Ekki hefur enn birst fundargerð af októberfundinum á vef RÚV. Óvanalegt er að fundargerðir stjórnar RÚV séu óbirtar sjö vikum eftir fund. Fundurinn þar á undan, 27. september, var sérstakur. Vantrausti var lýst á fréttastofu RÚV. 

Tilfallandi gerði fundargerðina frá 27. september að umtalsefni og sagði

Stefán varð fyrir álitshnekki á stjórnarfundi RÚV 27. september síðast liðinn. Tvö mál, sem útvarpsstjóri setti ekki á dagskrá, voru tekin fyrir undir dagskrárliðnum ,,önnur mál."

Fyrra málið, skattsvik Sigríðar Daggar fréttamanns, hefur tilfallandi bloggað um. Útvarpsstjóri reyndi að þagga málið niður, vildi ekki hafa það á dagskrá fundarins. Ónafngreindur stjórnarmaður tók mál Sigríðar Daggar upp að eigin frumkvæði.

Seinna málið, sem útvarpsstjóri setti ekki á dagskrá, er lögbrot fréttamanna RÚV sem mynduðu einkalóð á leyfis viðkomandi. Tilefnið var frétt um blóðmerarhald. Stefán hafði ekki fyrir því að kynna sér málið, segir í fundargerð.

Í báðum tilvikum er neyðarlegt fyrir útvarpsstjóra að svara fyrir alvarleg mál á fréttastofu RÚV undir liðnum ,,önnur mál." Ef Stefán væri með puttann á púlsinum hefði hann sjálfur sett málin á dagskrá, t.d. undir liðnum ,,minnispunktar útvarpsstjóra." En útvarpsstjóri er æ meira úti á þekju í umræðunni.

Til að ekkert færi á milli mála að traust á útvarpsstjóra færi ört þverrandi lét varaformaður stjórnar RÚV, Ingvar Smári Birgisson (ISB) bóka eftirfarandi í fundargerðina:

ISB árétti mikilvægi þess að fréttastofa starfi í samræmi við lög og virði friðhelgi borgaranna í hvívetna.

Eiturpillunni er beint að fréttastofu RÚV sem er bendluð við alvarlega glæpi, byrlun Páls skipstjóra Steingrímssonar og stuldi á síma hans.

Getur verið að fundargerðin frá októberfundinum sé ofurviðkvæm og þess vegna ekki birt? Hún gæti varpað ljósi á tilkynningu Stefáns viku síður um að hann hygðist hætta störfum á Efstaleiti. Stefán er aðeins útvarpsstjóri að nafninu til eftir tilkynningu um starfslok.

 

Athugasemdir

[Gunnar Heiðarsson, 7.12.2023 kl. 08:10]

Það virðist lítið segja á fréttastofu ruv þó stjórnin árétti að farið skuli að lögum. Er eins og að skvetta vatni á gæs.

Ljósmyndari fréttastofunnar var myndaður á eftirlitsmyndavél, við að reyna að brjótast inn í hús í Grindavík. eftir að íbúum þar hafði verið gert að yfirgefa bæinn. Hvort honum hafði tekist innbrot í önnur hús á svæðinu, áður eða eftir að upptakan náðist, er ekki vitað. Meiri líkur en minni eru þó til þess að þetta hafi ekki verið einangrað tilfelli, frekar að þetta hafi verið eina tilfellið þar sem eftirlitsmyndavél var til staðar og virk.

Hvað gerði lögreglan í málinu? Var myndavélin og efni hennar gert upptækt og rannsakað? Hvað gerði útvarpsstjóri í málinu? Lét hann viðkomandi starfsmann taka poka sinn?

[Ragnhildur Kolka, 7.12.2023 kl. 10:28]

Það hefur eiginlega legið fyrir, frá því mál Páls Steingr. varð uppvíst og viðbrögð Stefáns við því, að tími úrvarpsstjóra væri runnin út. Síðari tíma bomertur hafa aðeins hnikkt á því. Það má svo sem vorkenna honum að þurfa að eiga við þá ljónagryfju sem RUV er en hugleysi/dugleysi er ekki gild ástæða fyrir forstødumann ríkisstofnunar að láta reka á reiðanum. 

Hann fer frá með skømm. 

[Sigurður Kristján Hjaltested, 7.12.2023 kl. 16:56]

Það sem vekur furðu flestra er að svo virðist sem þessi fyrrverandi

lögreglumaður hafi gleymt öllu sem heitir lög og regla og að

með lögum skal land byggja.

RUV er greinilega stórhættulegur vinnustaður ef áhrifin að vinna þar

eru slík að menn verða að glæpamönnum og lögbrjótum.

Löngu kominn tími til að losna við þessa óværu sem RUV er orðið.