Vinstrimenn, veiran og sannleikurinn

Vinstrimenn vildu harðari sóttvarnir en hægrimenn. Vinstrimenn töluðu fyrir samfélagslokunum, veiruvegabréfum og óttastjórnun. Hægrimenn voru varkárari og trúðu ekki eins og nýju neti öllu sem kom frá svokölluðum sérfræðingum sem gátu ekki vitað það sem ekki er þekkt - hvernig farsótt leikur nútímasamfélag.

Nýsjálenska leiðin var fyrirmynd vinstrimanna. Þrátt fyrir meiri og víðtækari lokanir þar syðra en á byggðum bólum er enn allt í tjóni. Gunnar Smári og sósíalistar ákölluðu nýsjálensku leiðina eins og hálfguð. Aðrir vinstrimenn fylgdu í humátt á eftir.

Vinstrimenn eru í sífelldri leit að einum sannleika. Vísindalegur sósíalismi hét það fyrrum, loftslagsbreytingar á seinni tíð. Þegar Kínaveiran skall á þjónuðu vinstrimenn eðli sínu. Þeir töldu einn heilagan sannleik blasa við. Sá sannleikur hlyti að vera með stimpli sérfræðinga og í höndum stóra bróður, ríkisins. Hægrimenn vita aftur að í samfélagsmálum er ekki spurt um sannleikann með ákveðnum greini. Samfélag manna snýst um málamiðlanir, ekki sannleikann. 

Farsóttin mun sitja lengi í vitund fólks. Pólitísku afleiðingarnar verða m.a. þær að vinstrimenn sitja uppi með Svarta-Pétur ríkisforræðis, sérfræðingaveldis og óttastjórnunar. Hægrimenn koma töluvert betur undan farsótt. Eðlilega, þeir eru skynsamari.

Sjá glitta í endalok faraldursins í Evrópu

Athugasemdir

[Sigurður Kristján Hjaltested, 24.1.2022 kl. 15:41]

Vel ordad og svo rétt.

Spurning hvenaer aetlar fólk ad laera hversu

vitlaust thad er ad kjósa thessa vinstri vitleysu endalaust.

[Helga Kristjánsdóttir, 24.1.2022 kl. 20:33]

Jæja Sigurður er það nú allskostar rétt eftir allt? Mér sýnist þurfa ævina til að geta miðlað málum við glóruna sína í kosningum. Það er fokdýrt að leyfa stjórnvöldum að leika kerfi sem einfaldur almúgamaður getur staðfest að er rangur. Þar ægir saman allra átta vitleysa sem smitast af útlendum óttastjórnendum gegnum gysið netið,best að þeir fari í sóttkví með Svarta-Pétri. 

[Ragnhildur Kolka, 24.1.2022 kl. 22:00]

Það er ekki við vinstrimenn að sakast. Þeir fengu mælskuna í vøggugjøf á kostnað vits til að skilja hvað þeir segja.