2010-2020: frjálslyndi tapar, neysla minnkar

Áratugurinn sem er að líða var ömurlegur fyrir frjálslynda, segir frjálslynda útgáfan New Republic. Misheppnað hernaðarbrölt í Afganistan í kjölfar ósigurs í Írak setti stopp á þann draum að móta heiminn í anda vestræns frjálslyndis.

Sigur Trump 2016 markar vatnaskil í bandarískum stjórnmálum. Síðan eru frjálslyndir á flótta. Sama ár og Trump tók Hvíta húsið kusu Bretar að yfirgefa Evrópusambandið, Brexit, og þar með var evrópska útgáfa frjálslyndrar vinstristefnu fyrir bí.

Vinstrafrjálslyndi var fylgifiskur vestrænnar neysluhyggju eftirstríðsáranna. Meira og stærra var boðorðið. Neysla, velmegun og útþensla var frjálslyndum það sem guð, sonur og heilagur andi er kristnum.

Matt Rildley segir almenning á vesturlöndum neyslugrennri á síðasta áratug en áður. Hnignun frjálslyndis helst í hendur við vaxandi hófsemi. 

 

 

Athugasemdir

[Benedikt Halldórsson, 21.12.2019 kl. 09:44]

Það er spennandi sparsamir tímar framundan. 

Bar út moggann sem strákur. Moggapeningarnir voru of snjáðir í nýja seðlaveskið. Bað mömmu að kenna mér að strauja - seðlana. Góð byrjun, en svo kom vondur millikafli, en nú er ég aftur barnslega sparsamur.  

Keypti mér niðursuðugræjur til heimabrúks og fann góðan kennara á youtube.  

Svínabógur (3000kr) fer í 11 krukkur. Ein krukka af kjöti fyrir tvo kostar innan við 300 kr plús niðursoðnar kartöflur og meðlæti. 

Ég sýð 15 krukkur í einu í 90 mínútur við lágan hita. Það eru 454gr x 15 = 6,8kg. 

Engin matarsóun og gríðarlegur orkusparnaður sem við notum til að safna fyrir þotueldneyti sem gerir jörðina svo græna og fallega - og ekki sakar að vera í góðu yfirlæti í sól og hita. 

[Ásgrímur Hartmannsson, 21.12.2019 kl. 21:55]

"Frjálslyndi;" en írónískt orðalag.