Jákvætt að efnahagshorfur versni

Hrunið kenndi okkur að spenna bogann ekki of hátt. Eftir sjö feit ár koma sjö mögur, segir í gamalli bók, og haft til marks um að efnahagslegur vöxtur er ekki línulegur heldur kemur hann með rykkjum og skrykkjum.

Við teljum okkur trú um að kerfisbreytingar eftir hrun komi í veg fyrir annað hrun. En kerfisbreytingarnar hafa ekki þurft að standast neina prófraun. Kreppan eftir hrun stóð aðeins yfir í fáeina mánuði. Krónan og samstaða á vinnumarkaði komu okkur á beinu brautina í efnahagsmálum.

Pólitíkin glímir aftur enn við afleiðingar hrunsins. Stjórnmál eru brú á milli fortíðar og framtíðar. Samtíminn er á hverjum tíma á miðri brú og sjaldnast glöggt hvers vegna vegferðin var farin og hvert hún stefnir. Stjórnmál eiga að gefa hugmynd um hvað var og hvert stefnir. En þau líkjast meira drukknum manni en allsgáðum á miðri brú sem gæti farið afturábak eða áfram en líka fallið ofan í hyldýpið.  

Fréttir um versnandi efnahagshorfur eru jákvæðar. Við þurfum að prufukeyra lærdóminn af hruninu, hvort við séum með fyrirkomulagi okkar mála og viðhorfum í stakk búin að takast á við samdrátt og mótbyr.

Verri efnahagshorfur

Athugasemdir

[Halldór Egill Guðnason, 20.12.2019 kl. 16:26]

 Tek heilshugar undir hugleidingar síduhafa. Öll kerfi hafa gott af thví ad vera thrýstiprófud af og til, svo kanna megi hvort thau standist thad álag sem tharf.

 Smá samdráttur í efnahagslífinu er ágaetis prófsteinn á styrkleika innvidanna.

 Gódar stundir, med kvedju ad sunnan.