Siðareglur verða ósiðlegar

Starfsstéttir setja sér siðareglur um hvernig starf skulið unnið faglega og á viðurkenndan hátt. Hjúkrunarfræðingar, kennarar, blaðamenn og fleiri stéttir búa við siðareglur.

Nýmæli er að vinnustaður setji reglur um mannasiði starfsmanna. Samgöngustofa virðist ætla að ganga skrefinu lengra og skylda starfsmenn að tilkynna ,,siðferðislega ámælisvert" athæfi.

Nýmælið bætir ekki siðferði en býr til valdheimildir sem auðveldlega má misnota. Ef sést í bringuhár karlmanns gæti viðkvæmum starfsfélaga fundist það siðferðislega ámælisvert. Ef einhver sleikir hníf í mötuneytinu stuðar það ábyggilega suma. Ótal slík dæmi mætti telja upp. 

Vegurinn til vítis er varðaður góðum áformum.

Skylt að tilkynna siðferðisleg atvik

Athugasemdir

[Jón Steinar Ragnarsson, 6.2.2019 kl. 12:29]

Þetta minnir á svartari tíma í nærtækri mannkynssögu. Að skylda einhvern til að klaga náunga sinn getur ekki verið löglegt né í valdi fyrirtækis. Eru viðurlög við brot á þessari skyldu?

Ég er undrandi á að starfsmenn kyngi þessu andmælalaust. Þetta er lögleysa sem umboðsmaður alþingis ætti að skoða. Fordæmið er skelfilegt ef ekkert er gert.