Andríki mælir fordóma RÚV

Daginn sem Trump sór embættiseiðinn sýndi RÚV 23 sekúndur af innsetningarræðu hans í fréttatíma. Andstæðingur Trump, leikstjórinn Michael Moore, fékk 33 sekúndur á RÚV fyrir sína ræðu og annar andstæðingur, leikarinn Alec Baldwin, var með 15 sekúndna innslag í fréttatíma RÚV.

Andríki gerði okkur þann greiða að mæla boðskapinn frá RÚV.

Jafn ágætir menn og Moore og Baldwin eru ekki handhafar æðsta framkvæmdavalds í Bandaríkjunum. Trump er á hinn bóginn forseti Bandaríkjanna. Trump er í stöðu til að móta utanríkisstefnu sem m.a. gæti haft áhrif á hagsmuni Íslands. Moore og Baldwin eru aukaatriði í því samhengi.

Starfsmönnum RÚV finnst mikilvægara að komast í óvinalið Trump en að stunda hlutlæga fréttamennsku. RÚV miðlar fordómum á kostnað upplýsinga. 

Sakar fjölmiðla um óheiðarleika

Athugasemdir

[Ómar Ragnarsson, 22.1.2017 kl. 09:28]

Einhvern veginn hefur það farið framhjá mörgum að Sjónvarpið sýndi alla ræðu Trumps, sem mæla hefði mátt í næstum því eins mörgum mínútum og mælt var í sekúndum hjá öðrum.

[Vilhjálmur Örn Vilhjálmsson, 22.1.2017 kl. 09:59]

Hagsmunir Íslands???? Heldur þú virkilega Páll Vilhjálmsson, að hagsmunir Íslands séu í höndunum á Trump?

Þú gleymdi að nefna Páfann, sem nú hefur líkt átrúnaðargoði þínu við Hitler. Jú, ég sé hvert þú ert að fara. Þú ert alveg eins og Íslendingarnir sem veðjuðu á Hitler og töldu hagsmuni Íslands vera í höndunum á þeim "stóra" manni.

Það vill nú svo til að RÚV sér ekki um ófrægðarherferð gegn bjargara þínum. Tyrannosaurs Rump sér auðveldlega um það alveg einn og óstuddur.

[Hörður Þormar, 22.1.2017 kl. 11:59]

Eigum við ekki bara að vona að Dónald, sonur hennar Maríu frá Tungu í Ljóðhúsum, Suðureyjum, eigi eftir að verða góður forseti.

Við getum víst ekkert annað gert.

[Helga Kristjánsdóttir, 22.1.2017 kl. 12:48]

Ég horði á þennan stórviðburð á Kínverskustöðinni CGTN.Ég sá aldrei litlu mennina Moore og Baldvin slá um sig,eða nokkur mótmæli gegn forseta Donald Trump.

[Jón Kristján Þorvarðarson, 23.1.2017 kl. 09:15]

Fyrir skeiðklukkuáhugamenn verður fróðlegt að fylgjast með hvað fréttastofa RUV spanderar mörgum sekúndum á Alec Baldwin í framtíðinni.