Sjálfstæðisflokkurinn reddar Birnu

Ef ríkið fær Íslandsbanka, vegna uppgjörs föllnu bankanna, munu laun bankastjórans, Birnu Einarsdóttur, lækka. Núna er Birna með tvöfalt hærri laun en Steinþór Pálsson bankastjóri Landsbanka, sem er í eigu ríkisins.

Steinþór fellur þó varla úr hori, með 1,7 milljónir á mánuði.

Sjálfstæðisflokkur ríka fólksins boðar að Íslandsbanki fari óðara til einkaaðila enda ótækt að bankar séu í samfélagseigu þegar einkaframtakið vill feitan gölt að flá.

Á meðan launafólk gerir sáttmála um hófleg laun er taki mið af stöðu útflutningsgreina boðar Sjálfstæðisflokkurinn nýgræðgisvæðingu auðmanna þar sem laun miðast við hugmyndafræði en ekki efnahagslegan veruleika.

Sjálfstæðisflokkurinn er algerlega úr takti við þjóðlífið. En Birna Einarsdóttir mun ábyggilega greiða flokknum atkvæði sitt.

Laun Birnu gætu lækkað um helming

Athugasemdir

[Ragnhildur Kolka, 28.10.2015 kl. 09:00]

Varstu almennilega vaknaður Páll, þegar þú skrifaðir þennan pistil? Fréttin fjallar um að laun Birnu gætu lækkað en gæti líka gefið í skyn að laun Steindórs gætu tvöfaldast. Í stöðunni er líka möguleiki að annað hvort þeirra gæti misst vinnuna.

það er gott að þvo sér i framan með köldu og fá sér sterkt kaffi áður en maður les blöðin á morgnanna.

[Gunnar Heiðarsson, 28.10.2015 kl. 21:45]

Er ekki líklegra að laun Steinþór verði hækkuð?