Vond vika fyrir Vesturlönd

Rússland og einræðisseggir nær og fjær, þar með talinn Assad í Sýrlandi, eru sigurvegarar deilunnar um efnavopn og hvort eigi að refsa fyrir notkun þeirra, segir í leiðara Economist.

Á bakvið sjónarmið leiðarahöfundar glittir í þá hugsun að Vesturlönd (les: stórveldin í Ameríku og Evrópu) eigi að stjórna ferðinni í öðrum heimshlutum. Heimsveldaviðhorfið sem Kipling gerði frægt með ljóðinu White Man's Burden er lífseigt. Í orði kveðnu fallast menn á sjálfsforræði þjóða en gera lítið með það þegar á herðir. Þegar spurt er um völd í alþjóðasamfélaginu er stutt í gömlu nýlenduhugsunina.

Í Sýrlandsdeilunni er enginn kostur góður. Einræðisherra og uppreisnaröfl, múslímska öfgamenn í fararbroddi, takast á um völdin í landinu. Þegar enginn kostur er góður er best að halda að sér höndum.

Skoða vopnalista Sýrlandsstjórnar