Evrópa klúðrar mannréttindum

Mannréttindi eru ónýt í Evrópu þar sem dómstóllinn sem á að gæta hagsmuna þeirra er telja á sér brotið er svo til óvirkur - er með yfir hundrað þúsund mál í bið.

Á þessa leið væri yfirlýsing ýmissa bloggara og álitsgjafa hér á landi ef um íslenskan dómstól væri að ræða. Þar stendur Evrópa (les Evrópusambandið) fyrir skilvirkni, skynsemi, hagkvæmni og fleiri góða eiginleika á meðan Ísland stendur fyrir það sem er hallærislegt, ónýtt og vitlaust.

Blæbrigðin tapast oft í umræðunni. Sumt er gott í Evrópu en annað síður og sama gildir um Ísland. Við, sem byggjum landið, berum meiri ábyrgð á orðspori Íslands en álfunnar fyrir austan okkur. Gætum að því, eins og skynsami dálkahöfundurinn á síðustu öld lauk gjarnan máli sínu með.

 

Óhóflegur fjöldi mála bíður