Bjálfi á hverju blaði

Ekki seinna en á síðustu öld var maður að kaupa blað til að skilja heiminn. Washington Post var stærsta blað höfuðborgar annars tveggja heimsvelda og það skipti máli hver stjórnaði blaðinu.

David Halberstam ritaði krónikku blaða- og fjölmiðlastórvelda Ameríku á síðustu öld undir heitinu Varanleg völd (The Powers that be). Einn eftirminnilegasti karakterinn í bókinni er Phil Graham, snjall, hrífandi og þunglyndur útgefandi Washington Post og keypti líka vikuritið Newsweek, sem nýlega gaf upp öndina.

Graham var frjálslyndur demókrati og valdamiðlari á tímum Kennedy forseta. Blaðamenn vikuritsins Time spurðu hann einu sinni hvernig á því stæði að frjálslyndur maður eins og hann væri með íhaldssaman dálkahöfund á borð við George Sokolsky á sínum snærum. Jú, svaraði Graham, mér finnst nauðsynlegt að það sé bjálfi á hverju blaði. (Enska frumútgáfa Halberstam er þessi: ,,I figured that every newspaper needs at least one shit columnist.")

Graham framdi sjálfsmorð með haglabyssu í ágúst  1963. Konan hans, Katharine, tók við stjórnartaumunum, en pabbi hennar hafði átt Wasthington Post. Börn þeirra Phil og Kötu selja núna blaðið sem hefur við í eigu fjölskyldunnar frá 1933.

Stofnandi Amazon kaupir Post