Pólitískt handverk ríkisstjórnarinnar og væntingastýring

Eftir pólitískan og efnahagslegan ólgusjó í fjögur ár og þar á undan átta ára útrásarrugl er eftirspurn eftir stöðugleika. Ef ríkisstjórn Sigmundar Davíðs skaffar stöðugleika og sígandi efnahagsbata er stjórnin hólpin.

 Vísbendingar eru um að ríkisstjórnin kunni sitt pólitíska handverk. Stórmáli síðasta kjörtímabils, ESB-umsókn Samfylkingar, er pakkað snoturlega saman og á leið í geymslu. Væntingastýring vegna loforðanna sem Össur og Björn Valur lugu upp á Framsóknarflokkinn er vel heppnuð. 

Verkefni næstu vikur er að fara í gegnum sumarþingið án klúðurs og leggja traustan grunn fyrir næsta vetur þegar málin sem munu skilgreina ríkisstjórnina verða lögð fram.