Undanþágurnar og vígstaða viðræðusinna

ESB-sinnar á Íslandi hafa alltaf staðið höllum fæti. Fjarska langsótt er að Ísland eigi nokkuð erindi í Evrópusambandið. Þær þjóðir sem liggja næst okkur, Grænlendingar, Færeyingar og Norðmenn eru allar klárar á því að ESB henti þeim ekki.

ESB-sinnar, sem í dag kalla sig viðræðusinna, leggja höfuðáherslu á allar þær frábæru undanþágur sem munu bjóðast í væntanlegum aðildarsamningum. Í stað þess að útmála kosti ESB-aðildar, hverjir sem þeir annars kunna að vera, þá er undanþágum frá meginreglum ESB hampað. 

ESB-sinnar eiga fjarska erfitt að koma hreint fram. Þegar Samfylkingin ákvað að gera aðild að ESB að stefnumáli þá var megn andstaða við það í flokknum. Til að kreista fram þykjustusamstöðu var hönnuð spurning sem flokksmenn skyldu svara og var hún svohljóðandi.

Á það að vera stefna Samfylkingarinnar að Íslendingar skilgreini samningsmarkmið sín, fari fram á viðræður um aðild að Evrópusambandinu og að hugsanlegur samningur verði síðan lagður fyrir þjóðina til samþykktar eða synjunar?

Til að vera á móti og segja nei þurftu flokkmenn í Samfylkingunni haustið 2002 nánast að vera á móti þjóðaratkvæðagreiðslum.  Enda tóku fæstir þátt í þessu sirkuslýðræði. Aðeins rúmlega 20 prósent flokksmanna tók þátt í kosningunni, 85 prósent sögðu já en 15 prósent nei.

ESB-umsókn samfylkingarhluta ríkisvaldsins hefur alltaf liðið fyrir það hversu vanburðugur málfhlutingur ESB-sinna er.

 

Engar varanlegar undanþágur í boði

Athugasemdir

[Bjartur (IP-tala skráð) 22.11.2012 kl. 10:12]

Þeir þurfa því að hysja upp um sig buxurnar og koma umræðunni í gang svo að ESB andstæðingar kaffæri ekki umræðuna, sérstaklega með upphrópunum og skítkasti og almennum leiðindum. Ég vill fara að sjá góða, alvöru umræðu um kosti og galla þess að ganga í ESB. Þetta er mikilvægt mál fyrir okkur sem þjóð og við eigum ekki að rífast, heldur ræða málin af alvöru...Ég hef þá skoðun að sá sem er búin að taka ákvörðun (hvort sem er með eða á móti) nú þegar, hafi í flestum tilvikum ekki skoðað málið nógu vel... Var það ekki Sókrates sem sagði ,,Því meira sem ég veit, því betur geri ég mér grein fyrir því hvað ég veit lítið"...?

[jonasgeir (IP-tala skráð) 22.11.2012 kl. 10:49]

Alveg erud tid magnadir ESB inngøngumennirnir. Bjartir eda ekki bjartir.

Tad er nu yfirleytt tannig ad ef heimspeki Sokratesar a vid er um orædar spurningar ad ræda.

Kanski ekki skrytid ad nihilistiskur tankagangur komi fram hja teim sem eru svo miklir kjanar ad halda ad stadreyndir breytist vid ad ræda malin nogu mikid.

Stadreyndir ESB breytast ekki ur tessu.

[Bjartur (IP-tala skráð) 22.11.2012 kl. 11:06]

Og þú veist allt um kosti og galla þess að fara í ESB Jónas Geir? Búinn að taka ákvörðun sé ég...trúlega búinn að liggja lengi yfir þessu mikilvæga máli, fara yfir staðreyndirnar, skoðað allar hliðar þess, kosti og galla fyrir okkur sem þjóð og þig sem einstakling. Og svo hefurðu líklega tekið meðvitaða ákvörðun eftir langa og góða umhugsun...og meira að segja búinn að gefa þér að ég muni segja já við inngöngu...Sástu það bara svona á augabragði þegar ég skrifaði að ég vildi skoða þetta mikilvæga mál í kjölinn áður en ég tæki ákvörðun?

[Hans Haraldsson (IP-tala skráð) 22.11.2012 kl. 11:25]

Bjartur: Menn eru búnir að vera að ræða þetta fram og til baka í mörg ár.