Stefán Haukur er ósannindamaður

Aðalsamningamaður Íslands í aðlögunarviðræðum við Evrópusambandið sagði í RÚV-fréttum að Íslendingar gætu gert út á sjóði Evrópusambandsins. Ómögulegt er að skilja Stefán Hauk Jóhannesson á annan veg en þann að Ísland komi út með hagnaði við inngöngu í ESB.

Stefán Haukur sagði í frétt RÚV að ,,miklir sjóðir" stæðu Íslendingum opnir og ættum við að ,,sækja fram."

Í reynd er það þannig að Íslendingar munu greiða með sér til milljaraða króna. Í áætlunum utanríkisráðuneytisins frá liðnu ári er ráðgert að Ísland greiði með sér 15 milljarða króna til ESB og geti vænst styrkja upp á 12 milljarða á móti - þ.e. 3 milljarðar í mínus.

Allar líkur eru á að Ísland myndi tapa tugmilljörðum króna við inngöngu. Bara makrílveiðarnar einar skila um 30 milljörðum árlega og þær færu fyrir lítið ef við álpuðumst inn. Þá yrðum við að taka á okkur stórkostlegar ábyrgðir vegna evru-kreppunnar. Þessum upplýsingum er ekki til skila haldið af embættismönnum sem eiga að starfa í þágu þjóðar en ekki flokkshagsmuna.

Og svo sannarlega halda menn eins og Stefán Haukur ekki því á lofti að varanlegar undanþágur eru ekki í boði frá regluverki Evrópusambandsins.

Aðalsamningamaður Íslands stundar subbulega flokkspólitík Samfylkingar sem með blekkingum og hálfsannleik reynir að fegra málstað ESB-sinna. Stefán Haukur hlýtur að taka pokann sinn þegar Össur skarpi hverfur úr brúnni í utanríkisráðuneytinu. Flokksskrifstofa Samfylkingar er eðlilegur næsti áfangastaður áróðurskennda samningamannsins.

Athugasemdir

[Jón Valur Jensson, 1.9.2012 kl. 09:05]

Vel mælt -- og fullkomin ástæða og tilefni til.

[Helgi (IP-tala skráð) 1.9.2012 kl. 09:09]

Sæll.

Nema þessi ágæti samningamaður hljóti frama innan utanríkisþjónustunnar sem sendiherra einhvers staðar? Verður ekki að verðlauna hann fyrir sín störf?

[Elín Sigurðardóttir (IP-tala skráð) 1.9.2012 kl. 09:15]

Er ekki laus stóll við hliðina á Árna Mathiesen?

[jonasgeir (IP-tala skráð) 1.9.2012 kl. 09:53]

Er ekki betra að hafa dýralækni sem fjármálaráðherra en manneskju alveg án nokkurrar menntunar?  Nú eða jarðfræðing ef í það er farið Helga?

Annars svo sem ekki á því að menntun sé alltaf það allra mikilvægasta.  Það er hægt að skóla í burtu heilbrigða skynsemi.

Það var þá aldeilis að digrir sjóðir standi til boða.  Þvílík endaleysa.  Maðurinn ætti reglulega að skammast sín.  Það er heimsfrægt meira að segja líka á Íslandi að evrópskir sjóðir eru tómir.  Og meira að segja miklu minna í þeim en svo.  

Því miður.  

[Sólbjörg, 1.9.2012 kl. 12:17]

Menntun er því miður engin ávísun á góða skynsemi. Einsleitt viðhorf í menntun af hálfu nemandans gerir jafnvel illt verra vegna vanhæfni að sjá heildarmynd verkefna og framtíðarafleiðingar. Því verður árangur af embættisverkum sjálfumglaðra "menntaeinhyrninga" oftar en ekki til hnjóðs og vansældar.

[Hreinn Sigurðsson, 1.9.2012 kl. 17:21]

Það þarf ekki annað en að skoða það sem helstu álitsgjafar samfylkingarinnar láta frá sér, til að sjá að langskólanám og góð menntun fara alls ekki alltaf saman.