Waterloo, Verdun og evran

Napoleón vildi sameina Evrópu og lauk þeirri vegferð sunnudag í júní 1815 við smábæinn Waterloo í Belgíu. Evrópa stóða veikari á eftir; í vestri varð til nýtt stórveldi, Bandaríkin, sem skákaði evrópuríkjum frá Suður-Ameríku.

Hundrað árum síðar hófst fyrri heimsstyrjöld vegna þess að stóru Evrópuríkin gátu ekki komið sér saman um skiptingu á Afríku. Í fullkomnu tilgangsleysi var milljónum ungra manna slátrað á víglínu sem náði frá Ermasundi til svissnesku Alpanna. Í austri urðu Sovétríkin til og köstuðu skugga á Evrópu nær alla 20. öldina

Núna eru enn liðin hundrað ár og aftur eru stórveldi Evrópu til vandræða. Lítilræði eins og gjaldmiðill kemur hagkerfum álfunnar  í uppnám. Í grunnin er þetta sambúðarvandamál Evrópuríkja, líkt og fyrri tilvikin sem nefnd eru hér að ofan.

Evrópa er að trappa sig niður í heiminum og hefur verið að því síðan á dögum frönsku byltingarinnar. Hvort Kína eða Indland sigli upp í kjölfarið sem vaxandi stórveldi á kostnað Evrópu er óvíst. Um hitt þarf ekki að deila að Íslandi eru betur borgið utan sambands Evrópuríkja, - rétt eins og einangrunin var okkur öryggi í Napoleónsstyrjöldunum og aftur 1914 til 1918.

Hafa sumarið til að bjarga evrunni