Bretar munu standa utan evrulands

Ef evru-samstarf 17 ríkja af 27 ríkjum Evrópusambandsins mun lifa af kreppuna verður það ekki án stóraukins samruna ríkisvalds þessara 17 ríkja. Þau tíu ESB-ríki sem ekki eru í evru-samstarfi verða þar með klofin frá kjarnasamstarfinu. Bretland, Svíþjóð, Danmörk og Pólland eru meðal þeirra ríkja sem standa utan evrulands.

Í liðinni viku hittist Evrópuelían á fundi í Varsjá að ræða framtíðarhorfur sambandsins. Samkvæmt Financial Times var einhugur um nauðsyn samruna til að bjarga evrunni og er það í samræmi viðtekna skoðun. Á fundinum var jafnframt bent á að Þjóðverjar myndu tapa bandamönnum eins og Bretum og Norðurlöndunum tveim gangi evrubjörgunin eftir.

Evruland framtíðar verður í reynd ríkið Stór-Evrópa sem jaðarlönd eins og Bretland og Svíþjóð munu ekki eiga aðild að. Enn síður ætti Ísland heima í Stór-Evrópu.

Hrun evrunnar yrði hörmulegt

Athugasemdir

[Ragnhildur Kolka, 13.11.2011 kl. 16:15]

Gefur þetta Bretum ekki tilefni til að ná aftur til sín valdi í eigin málum? Svo sem dómsmálum og létta á greiðsluskyldu sinni til sambandsins.

[Kolbrún Hilmars, 13.11.2011 kl. 16:59]

Þetta gæti þýtt að gömlu EFTA ríkin; Bretland, Sviss, Noregur, Liechtenstein og Ísland næðu saman aftur með tvíhliða saminga við ESB apparatið.

Hver veit svo nema önnur "ekki-Evru" ríki myndu leita samstarfs við EFTA ríkin?

[Helga Kristjánsdóttir, 13.11.2011 kl. 18:28]

 Hugnast betur að vera í þeirri sambúð Kolbrún,ef kæmumst ekki af einhleyp!