Nýjar stjórnmálahreyfingar bera dauðan í sér

Ástæðan fyrir því að nýjar stjórnmálahreyfingar bera dauðan í sér er að þegar ómengaðar hugsjónir mæta subbulegum veruleika sýður upp úr. Nýjar stjórnmálahreyfingar, þ.e. ekki klofningur úr starfandi flokkuð eða samruni flokka, eru stofnaðar til höfuðs ,,kerfinu."

Um leið og ný stjórnmálaöfl hefja starf innan kerfisins, t.d. með því að þiggja opinberan stuðning, tapast meydómurinn og kaldur veruleiki málamiðlana tekur við.

Breytingar á kerfinu, að flokkakerfinu meðtöldu, verða að gerast innan frá.

 

Deilur innan Borgarahreyfingarinnar

Athugasemdir

[Guðmundur Ásgeirsson, 27.7.2011 kl. 21:06]

Réttritun: "...bera dauðann í sér"

En hvað gerist þegar subbulegar hugsjónir mæta ómenguðum veruleika?

[Benedikt V. Warén, 28.7.2011 kl. 00:27]

Tja...hvort er réttara Guðmundur?  Þú berð Svein á bakinu, ekki Sveinn. 

[Elle_, 28.7.2011 kl. 00:44]

Dauðinn, dauðann er nafnorðið skrifað.  En kannski meinti Páll e-n dauðan eins og steindauðan stjórnmálaflokk? 

[Helga Kristjánsdóttir, 28.7.2011 kl. 02:07]

  Ég fór í upprifjun,Já n.o.,en ao. ekki stigbr.dauður,dauðari,,,,      
            Hvað er eitt enn milli vina
            í ástríðufullu plati
            hvað með alla hina
            háttvirtu er standa á gati

[Hilmar Þór Hafsteinsson (IP-tala skráð) 28.7.2011 kl. 05:39]

'Breytingar á kerfinu, að flokkakerfinu meðtöldu, verða að gerast innan frá.' Verslunarmannahelgargalsinn kominn í Palla.

[Guðbjörn Guðbjörnsson, 28.7.2011 kl. 08:38]

Víða annarsstaðar en hér á landi hafa nú nýir flokkar orðið að veruleika! Þetta er bull sem einkennist af því að verja það fyrirkomulag sem er til staðar og hefur haldið okkur í gíslingu áratugum saman.

Ég veit að ný framboð eiga sér mikla framboð í þessu landi, en þau þurfa auðvitað að vera eitthvað annað en grínframboð!

[Alfreð K, 28.7.2011 kl. 23:18]

Og réttritunina svo með íslenskum gæsalöppum, takk:  „...bera dauðann í sér.“

[Guðmundur Ásgeirsson, 29.7.2011 kl. 02:35]

Takk fyrir þína prýðilegu ábendingu um greinamerkjasetningu Alfreð K.

Mér til varnar þá hef ég lengst af starfað við hugbúnaðargerð, og í forritskóða eru textastrengir alltaf afmarkaðir með pörum efri gæsalappa.

Samanber: string s = "Þetta er textastrengur."

Þessi ritháttur sem ég hef vanist er auðvitað erlendur að uppruna.