Evruland í ruslflokk, gjaldþrot næsti áfangi

Leynilegir raðfundir fjármálaráðherra stærstu evru-ríkjanna, sem þýskir fjölmiðlar afhjúpuðu um helgina,  voru með Grikkland á dagskrá og framtíð evrunnar. Grikkland stendur ekki undir skuldum sínum og er komið í ruslflokk. Grikkland er í reynd gjaldþrota en fær ekki leyfi til að afskrifa skuldir þýskra og franskra banka.

Vandi Þýskalands, Frakklands, Hollendinga, Austurríkismanna og Finna, löndin með lánstraust, er að verði Grikkjum leyft að fara í ,,stýrt" gjaldþrot munu Írar og Portúgalar krefjast sömu meðferðar. Eins og það sé ekki nóg eru Spánverjar og Ítalir handan við hornið, suðrænir og skítblankir.

Írski hagfræðingurinn og álitsgjafinn David McWilliams rekur í nýrri grein hvernig Grikkir geta tekið málin í sínar heldur, farið íslensku leiðina með því að taka upp eigin mynt. McWilliams telur þessa leið ákjósanlega fyrir Íra.

Máttarvöldin í Brussel munu ekki auðvelda Grikkjum að fara úr evru-samstarfinu og kjósa heldur að búa til nýjan björgunarpakka. En það er líklega orðið of seint.

 

Grísk ríkisskuldabréf í ruslflokk

Athugasemdir

[jonasgeir (IP-tala skráð) 9.5.2011 kl. 17:51]

Og það besta við þetta er að beil átið þeirra í Brussel er hannað til að mergsjúga skattborgarana í suðrinu og eyjunni Grænu, á meðan óábyrgir bankar og fjármálastofnanir mið Evrópu njóta góðs af.

Þetta er bara ekki neitt bull hjá honum Timo sanna Finna;

http://www.zerohedge.com/article/true-finns-timo-soini-releases-statement-why-i-wont-support-more-bailouts

[Guðmundur Ásgeirsson, 10.5.2011 kl. 00:13]

Vá annar maðurinn sem ég sé á nokkrum dögum sem les ZeroHedge. Fyrst það eru þó þetta margir vel með á nótunum er það ánægjuleg vísbending.

[Jón Steinar Ragnarsson, 10.5.2011 kl. 00:19]

Hér er fyrilestur sem vert er að halda frammi um Evruna og framtíðarhorfur hennar. Umræðurnar á eftir ekki síður athyglisverðar vegna þeirra, sem koma þar fram.

Af hverju í ósköpunum láta menn enn sem allt sé í fína? Af hverju telja menn jafnvel að ESB lifi af fall Evrunnar?  Það er engin leið.

Enn til að hnykkja á.