Trú, von og krónan

Fjármálamarkaðir tikka eftir tiltrú. Um daginn tók Tim Geithner fjármálaráðherra Bandaríkjanna undir sjónarmið um að alþjóðleg mynt gæti verið í sjónmáli - samstundis féll dollarinn gagnvart öðrum gjaldmiðlum. Evran hreyfist upp og niður eftir yfirlýsingum stjórnvalda í Berlín og París.

Íslenska krónan hefur mátt búa við stöðuga ágjöf frá stjórnmálamönnum og forstjórum um langa hríð. Heill stjórnmálaflokkur, raunar sá stærsti í síðustu kosningum, stundar linnulausar árásir á krónuna og þar fer viðskiptaráðherra fremstur í flokki. Forstjórar atvinnufyrirtækja kenna krónunni um lélega afkomu og komast þannig upp með afsakanir sem hvergi á byggðu bóli yrði hlustað á.

Krónan þjónar sínu hlutverki vel. Hún endurspeglar stöðu þjóðarbúsins og hagkerfisins. Íslensk stjórnvöld keyrðu ríkisfjármálin í ruslflokk. Atvinnulífið er í öndunarvél eftir að bófaflokkur kenndur við útrás fór höndum um stór og smá fyriræki.

Krónan er fyrir íslenskt efnahagslíf það sem lýðræðið er fyrir stjórnmál - með sínum göllum en það besta sem völ er á.

 

Fáum í atvinnulífinu hugnast haftaáætlun Seðlabankans

Athugasemdir

[Elín Sigurðardóttir (IP-tala skráð) 30.3.2011 kl. 08:08]

Í kjölfar hryðjuverkalaganna þurfum við skilgreiningu á hugtakinu viðskiptaóvild.

http://is.wikipedia.org/wiki/Viðskiptavild