Vinstri grænir sameinast gegn Jóhönnu

Frekjupólitík Jóhönnu Sigurðardóttur ásamt dómgreindarleysi sameinar þingflokk Vinstrihreyfingarinnar græns framboðs og skýtur stoðum undir brú milli Vg og Sjálfstæðisflokks. Upphlaup Jóhönnu vegna stjórnlagaþings og hótanir hennar gagnvart undirstöðuatvinnuvegi þjóðarinnar, þar sem hún fékk samþykkt á flokkfundi Samfylkingar áskorun um að efna til þjóðatkvæðis gegn sjávarútvegi, eru korn sem fylla mæli þolinmæði langlundargeðs.

Samfylkingin er úr leik í íslenskum stjórnmálum. Eftirfarandi atburðarás er möguleg.

Vinstrihreyfingin grænt framboð myndar minnihlutastjórn með stuðningi Sjálfstæðisflokks og Framsóknarflokks og gengið verður til kosninga í byrjun sumars.

Skortur á sanngirni og dómgreind

Athugasemdir

[Margrét (IP-tala skráð) 31.1.2011 kl. 07:59]

Það er ekki þjóðaratkvæði gegn sjávarútvegi, sem Jóhanna vill, heldur þjóðaratkvæði gegn sérhagsmunum útgerðargreifanna sem halda að þeir eigi fiskinn í sjónum. 

Ég hef ekki áttað mig á því fyrr að þú viljir viðhalda óréttlátu kerfi sem skilar ekki arði af sjávarútvegsauðlindinni til þjóðarinnar.

http://www.youtube.com/watch?v=1OeUfzGlu0I

[Páll Vilhjálmsson, 31.1.2011 kl. 08:28]

Tillagan um þjóðaratkvæði er enn eitt gífuryrði af hálfu forsætisráðherra sem fær borgað fyrir að leiða þjóðina saman en ekki sundra. Við eigum að segja henni og Samfylkingunni upp.

[Valdimar Samúelsson, 31.1.2011 kl. 11:07]

Það er eitt sem ég skil ekki með þessa sjávarútvegsstefnu sem er nauðsynlegt að endurskoða. Ef hún fer á þann veg sem Samfylking vill þá er allt opið fyrir ESB en það kemst í gegn. Er Jóhanna meiri landráðamaður en ég hef líst hér áður. Hún er að terroræsa þjóðina. http://skolli.blog.is/blog/skolli/entry/1126470/

[Vilhjálmur Grímsson (IP-tala skráð) 31.1.2011 kl. 20:32]

Sko, Margrét.  Það er bæði eitt og annað sem við verðum að laga í sjávarútveginum, um það þarf ekki að deila. En að segja að ,,núverandi kerfi skili ekki arði af sjávarútvegsauðlundinni til þjóðarinnar" það sum þú skrifar er bara staðfesting á því að þú þarft að kynna þér málin betur.

Staðreynd er að við, þjóðin, höfum mjög mikinn og góðan afrakstur að fiskveiðum, svo eftir er tekið.  En ýmislegt verður að bæta í núverandi kerfi, það er annað mál.

[Skúli (IP-tala skráð) 1.2.2011 kl. 18:20]

Ég tel nú engar líkur á því að VG og Sjálfstæðið taki saman, a.m.k. ekki innan 8 ára!  Það er það langur vegur og mikið óþol þarna á milli að það myndi aldrei ganga, jafnvel þó Framsókn og/eða Hreyfingin kæmi inn í það.  Óþolið milli VG og Samfó er margfalt minna þó menn séu þar orðnir þreyttir og pirraðir á hvor öðrum og allir að fara sínar eigin leiðir.   Frekar held ég að Samfó og Sjálfstæðið myndu mynda ríkisstjórn en þá þyrfti Jóhanna að yfirgefa svæðið og hún virðst ekkert á þeim buxunum.  Því held ég að vinstri stjórnin sé ekkert að fara í bráð.