Blaðamaður Baugs

Stjórnlagaþing Samfylkingarinnar er með blaðamann Baugs í oddvitastöðu. Þorvaldur Gylfason skrifaði og skrifar enn lygadálka í Baugstíðindi þar sem hann mærir útrásina og hellir skolpi yfir þá sem reyndu að koma böndum á viðrinin. Í frægum dálki skáldaði Þorvaldur sögu um sjálfan sig og ónefndan heimildarmann sem sagði honum þá sögu að aðförin að Jóni Ásgeiri Baugsstjóra hafi verið skipulögð af Davíð Oddssyni.

Lögreglan kallaði Þorvald til sín í skýrslutöku og þá bar hann við heimildavörn blaðamanna.

Þorvaldur sómir sér vel sem Baugsfylkingarmaður á stjórnlagaþinginu.

Þing allrar þjóðarinnar

Athugasemdir

[Ólafur Ingi Hrólfsson, 30.11.2010 kl. 18:49]

Til hamingju Þorvaldur - nú er niðurlægingin fullkomnuð.

[stefan benediktsson (IP-tala skráð) 30.11.2010 kl. 18:52]

"De er sure" sagði refurinn þegar hann náði ekki í berin.

[Geir (IP-tala skráð) 30.11.2010 kl. 18:53]

Góðan daginn.

Ég er að spá, er vitað hversu margir af þessum 25 eru yfirlýstir ESB sinnar?

Er þetta stjórnlagaþing ekki bara haldið til þess að geta troðið þjóðinni í esb á hennar samþykkis?

[joi (IP-tala skráð) 30.11.2010 kl. 18:55]

Þetta stjórnlagaþing hefur ekkert vald. Það hlýtur að þurfa að njóta stuðnings amk 40% landsmanna, líkt og t.d. með ríkisstjórnina eða borgarstjórnarmeirihluta?

 Það væri amk slöpp byrjun að vera með "minnihlutastjórn" sem ætti að hafa einræðisvald í að semja nýja stjórnaskrá líkt og atkvæðamagnið á bakvið þá sem sitja inni á stjórnlagaþingi. Ekki biði maður í niðurstöðuna.

[Marinó Óskar Gíslason, 30.11.2010 kl. 18:58]

Þetta stjórnlagaþing er runnið undan rifjum kratanna með Jóku í fararbroddi. Þess vegna lítur listinn svona út. Þeir hafa verið duglegir að smala.

Ef maður skoðar listann sér maður undir eins að á honum er allt of stór hluti kommakrata.

[asdis o. (IP-tala skráð) 30.11.2010 kl. 19:12]

Það sem ég tel mikilvægast í nýrri stjórnarskrá eru skýr lög um kynferðislegt ofbeldi.

Samkvæmt konum sem mest vit hafa á kynferðislegu ofbeldi hafa nánast allar konur verið beittar kynferðislegu ofbeldi af einhverju tagi (síðast í dag, til dæmis, sáum við vitnisburð konu sem brotið hafði verið á m.a. með augnaráði sem gaf til kynna að hún væri ekki lengur barn, og setningunni: "þú ert ekki lengur stelpa þú ert kona". Það brot gegn konunni (þessi setning) átti sér stað 11. jan 1986.

Það kynferðisbrot sem fólst í augnaráði sem gaf til kynna að hún, brotaþolinn, væri ekki lengur barn átti sér stað þegar brotaþoli var á bilinu 15 til 19 ára - og væntanlega einnig eftir það.

Fyrst það er svo að nær allar konur hafa verið beittar kynferðislegu ofbeldi af þessu eða öðru tagi þá gefur augaleið að nær allir karlmenn eru sínkt og heilagt að beita þær kynferðislegu ofbeldi. Samt ganga nær allir karlmenn, já allir þessir glæpamenn lausir! Ég spyr: á það að viðgangast endalaust?

[hilmar jónsson, 30.11.2010 kl. 19:12]

Páll: Geturðu ekki nálgast eitt einasta málefni án þess detta í samsærisgírinn ?

[Elle_, 30.11.2010 kl. 19:22]

Landsöluhópur Jóhönnu kominn inn með fastagest Fréttablaðsins og RUV-Egilsins fremstan.  Manninn sem kallaði menn glæpamenn, sem eru andvígir fullveldisafsalinu til Evrópuveldisins.  Og sagði í RUV okkar landsmanna að það væri HOLLT fyrir okkur að borga ICESAVE.  Fylgjast landsmenn í heild ekki með?

[Jón Steinar Ragnarsson, 30.11.2010 kl. 19:40]

Hilmar, ég fæ ekki betur séð á skrifum þínum og kommentum í gegnum tíðina að Páll sé þáttakandi í samsæri "náhirðarinnar".   Er orðið samsæri ígildi orðsins vænisýki í sumum tilfellum en ekki öðrum?  Er það kannski vænisýki að væna menn um samsæriskenningar í sjálfu sér?

Ég væri þakklátur fyrir ítarlega útekt á þessu frá þér.

[hilmar jónsson, 30.11.2010 kl. 19:47]

Jón: Þú klikkar orðið ekki á því að birtast víða á blogginu með alveg ótrúlega súr komment í garð þeirra sem ekki eru þér sammála.

Farðu varlega með hugtök eins og: Rollur í taumi, Þannig lýsing er betur og betur að klessats í andlitið á sjálfum þér. Munurinn er sá einn að þú virðist ganga leiðitamur með spilltum hrunöflunum á meðan aðrir hafa lært sína lexíu...

[hilmar jónsson, 30.11.2010 kl. 19:51]

Rollur í taumi, birtist reyndar frá þér í öðru kommentakerfi Jón, en á svo sem allt eins við hér..

[Jenný Stefanía Jensdóttir, 30.11.2010 kl. 20:14]

Hóst hóst, það er hálf loftlaust hér inni. 

Eru gluggarnir þínir ryðgaðir fastir, Páll?

[Atli (IP-tala skráð) 30.11.2010 kl. 20:16]

Hvað er fólk að væla yfir þessum lista sem fór ekki einu sinni að kjósa? You snooze you lose, þannig er það bara. Það eru þeir sem taka þátt í lýðræðinu sem móta það

[Elle_, 30.11.2010 kl. 20:20]

Ætli það sé þá eins og landsölumaðurinn Þorvaldur komst upp með að halda fram??  Í Fréttablaði Samfylkingarinnar sagði hann að það væru GLÆPAMENN sem væru andstæðir Evrópusambandsinngöngu. 

Hvað kemur það glæpamennsku við, Hilmar, veistu það nokkuð?  Eru það líka GLÆPAMENN sem eru andstæðir fullveldisafsali inn í Bandaríkin eða Kanada??  Vorum við annars nokkuð spurð?

Og hinn sami Þorvaldur komst upp með að ljúga í Egilsþætti RUV OKKAR LANDSMANNA að það væri HOLLT fyrir okkur að borga ICESAVE.  Og viti menn, hann og hinn landsölumaðurinn, Eiríkur Evrópu, komust inn og ætla að skrifa nýja stjórnarskrá fyrir Jóhönnu og Össur og co. og tryggja landsölu Samfylkingarinnar, sem hefur minna en 19% fylgi. 

Ógeðslegt.  

[Jóhann Elíasson, 30.11.2010 kl. 20:37]

Þeir sem völdust á stjórnlagaþing eru að mestu fulltrúar "Silfurs Egils" og þar hafa komið fáir af landsbyggðinni.  Til hamingju Egill Helgason. Sjálfsagt verður það þeirra hlutverk að "koma" ákvæði inn í stjórnarskrána, sem gerir það auðveldara fyrir Heilaga Jóhönnu & co að innlima landið í ESB.  Það var engu líkara en Þorvaldur ætti stjórnlagaþingið skuldlaust þannig talaði hann í "Kastljósinu" í kvöld.

[Flosi Kristjánsson, 30.11.2010 kl. 21:11]

Það er bara gott að fá Þorvald inn í þennan ráðgjafarhóp um ramma grundvallarlaganna. Hann er vel gefinn, eins þótt hann sé krati!

Hins vegar finnst mér hann vera alveg úti í móa að halda því fram að stóru bankarnir þrír hefðu ekki farið á hausinn ef stjórnarskráin væri ekki með þeim hætti sem hún er í dag. Hvaða greinar opnuðu á sjálftöku eigendanna?  Hér er textinn í heild sinni:

     http://www.snerpa.is/net/log/stjornar.htm

Guðmundur Andri Thorsson, annar vel ættaður forystumaður meðal álitsgjafa, kemst vel að orði í Fréttablaðinu í vikunni þegar hann talar um að setja þurfi nýjar reglur til að taka á því fólki sem virðir engar reglur! Þar hittir hann nefnilega naglann á höfuðið. Það þarf nefnilega að fara eftir reglunum og það getur aldrei stýrt góðri lukku ef mat manna á því hvað er þjófnaður og hvað er skattsvik fer eftir því hvaða stjórnmálaflokki menn fylgja að málum!

[Guðmundur 2. Gunnarsson (IP-tala skráð) 30.11.2010 kl. 21:14]

Við hverju býst fólk eiginlega við af þessum sirkusfarsa sem gamalmennið Jóhanna þykist ekkert kannast við að hafa komið nálægt, og hagar sér eins og að fjölmiðlafólk muni aðeins spyrja hana á ensku um kjaftshöggið stóra.  Tekur Samfylkingarstrútinn á málið.  Fólkið sem kaus Þorvald er það sama og myndi hafa kosið Jón Ásgeir í fyrsta sæti ef hann hefði verið í boði. 

[Jakob Andersen (IP-tala skráð) 30.11.2010 kl. 21:45]

Hannes Hólmsteinn skrifar í nafni Skafta og núna líka í nafni Páls? Kemur kannski ekki á óvart. Samsæri...? En Guðmundur 2. Gunnarsson, hver er hann? Eða er það kannski Hannes Hólmsteinn sem kommenta sjálfan sig? Allt saman vefur af samsæri...gegn Johönnu og ESB.

Og svo for eitthvað fram hjá Páli blaðamanni. Baugur for á hausinn mars 2009. Það er eitthvað svo þreitt að tala um "Baugsmiðill". Komma svo, Páll, get a life...

[Helga Kristjánsdóttir, 30.11.2010 kl. 21:54]

 Það er alltaf einhver gruggugur ásetningur í hverju því sem þau,Jóhanna og Steingrímur koma á koppinn.Lái mér hver sem vill að ég segi blákalt, þau misnota valdið sem þau slefuðu naumlega,má kanski orða það þannig að þau "misnoti Ísland".

[Jón Ríkharðsson, 30.11.2010 kl. 22:14]

Ég sver það við allt sem heilagt er og vona að enginn efist um það, að það er Jón Ríkharðsson sem hér skrifar en ekki Hannes Hólmsteinn. Davíð Oddson liggur heldur ekki á öxlinni á mér, ég veit ekkert hvar hann er og ég þekki hann ekki neitt.

Mér líst ekkert á Þorvald Gylfason, maður sem bullar eins og hann er ekki traustsins verður.

Hann hrósaði útrásinni í hástert og kvað fjármálageiran ásamt þjónustu honum tengdum vera framtíðar atvinnuveg íslendinga. Það rættist ekki eins og þekkt er.Ég hvet fólk til að lesa grein sem hann ritaði í Fréttablaðið þann 22/11 árið 2007, hún segir margt um það hversu vel hann sá hrunið fyrir.

Hann leitar í smiðju þess sem samdi stjórnarskrá Suður Afríku, en fátt er sammerkt með Íslandi og því ágæta landi. Þar ríkir sár fátækt ásamt því að spilling grasserar þar í stjórnmálum, það sem við köllum spillingu hér á landi teldist ekki vera neitt tiltökumál þar hjá þeim. Viturlegra hefði verið að skoða stjórnarskrár sambærilegra landa.

Og að gefa það í skyn, eins og hann gerði í Kastljósi í kvöld, að vandaðri stjórnarskrá hefði jafnvel komið í veg fyrir allt þetta hrun, það eru staðlausir stafir.

Finnski bankasérfræðingurinn Kaarlo Jäänari sagði það að engin lög og ekkert eftirlitskerfi gæti komið í veg fyrir gjaldþrot banka.

Stærri gjaldeyrisforði og aukin bindisskylda hefði heldur ekki forðað bönkunum frá hruni, þeir sem áttu bankanna hefðu þá lánað minna til almennings og meira til sín og félögum þeim tengdum. Strangari reglur um lánveitingar til sín, þeir hefðu þeir einfaldlega leyst það með því að kaupa nöfn og kennitölur annarra.

Ekkert af því sem Þorvaldur hefur sagt hefur staðist neina skoðun. Við erum ekki heppin að hafa fengið hann á stjórnlagaþingið, en svona virkar víst lýðræðið. Enda er það ekki fullkomið eins og Churchill benti á, en samt það besta sem við þekkjum.

[H.T. Bjarnason (IP-tala skráð) 30.11.2010 kl. 22:28]

Hættið að þakka Agli Helgasyni.  Hann hefur ekkert með þetta fólk að gera.  Það mætti alveg eins segja að fyrst að allt þetta fólk hefur komið fram í Morgunblaðinu þá er blaðinu að þakka að þetta fólk komst að.  Hvílíkt bull í fullorðnu fólki!!!

[Guðmundur 2. Gunnarsson (IP-tala skráð) 30.11.2010 kl. 22:36]

Brekkan sem skrifar undir skrípanikkinu "Jakob Andersen" er augljósleg engin annar en mávasamalinn kunni Hrannar B(rauði) Arnarson Jóhönnuviðhengið magnaða, sem best er þekktur fyrir heimsku og að hafa borið ábyrgð á  villikattasmölun R - listans í borginni um árið, þar sem hvert fangað dýr lagði sig á um 5 milljónir í kostnað.  Og auðvitað sóðaleg peningaævintýrin.  Geri aðrir betur.   Vonandi verður hann duglegur að láta lítið ljósið blakta okkur til skemmtunar.  Ekki ættu verkefnin sem forsætisráðherrann er að leysa að stela miklum tíma frá kallinum.... (O:

[Elín Sigurðardóttir (IP-tala skráð) 30.11.2010 kl. 22:59]

Leitaði uppi rollukommentið. Held að þetta sé rétt hjá Jóni Steinari.

[Elle_, 30.11.2010 kl. 23:05]

Guðmundur skrifar ekkert líkt og Hannes og hvílík mistök, ellegar lygaþvæla í rökþrota manni.  However, everybody of course absolutely knows I am no-one other than Meryl Streep.  I just studied Icelandic very hard in order to fool everybody all this time.  Got you, haaa, hhhaa.

[Halldór Jónsson, 30.11.2010 kl. 23:26]

Það verður gaman að sjá pródúktið hjá þessu Samfylkingarliði sem hefur valist saman á þetta Stjórnlagaþing. Er nokkur Sjalli þeirra á meðal?

[Helga Kristjánsdóttir, 1.12.2010 kl. 02:21]

   Ég vissi það alltaf Elle!!  Mamma mía.

[Njáll (IP-tala skráð) 1.12.2010 kl. 13:30]

Hér er grein Þorvaldar sem Jón Ríkharðsson vísar í:
http://timarit.is/view_page_init.jsp?issId=277776&pageId=3979937&lang=is&q=Þorvaldur

-------------------------------------------------------- 

Tilvitnun:
"Bankar eiga að vera gróðafyrirtæki,ekki félagsmálastofnanir.Þess vegna voru ríkisbankarnir og fjárfestingarsjóðir ríkisins færðir í einkaeigu eins og gert hafði verið víða annars staðar, svo sem í Austur-Evrópu. Rök og reynsla að utan höfðu sýnt, að einkaframtak gefst yfirleitt betur en ríkisrekstur á fjármálamarkaði líkt og annars staðar að því tilskildu, að samkeppni sé næg. Þetta sjónarmið vó svo þungt, að andstæðingar einkavæðingar urðu að endingu að leggja upp laupana. Landsbankinn, Útvegsbankinn og Búnaðarbankinn hlutu því annaðhvort að loka búðinni líkt og Viðtækjaverzlun ríkisins hafði áður gert eða skipta um eigendur. Einkavæðing bankanna dróst þó lengi, því að viðnám gegn einkavæðingu stendur jafnan í réttu hlutfalli við veldi þeirra, sem óttast að missa spón úr aski sínum. Það tók mörg ár að koma bönkunum í einkaeigu og þá ekki upp á önnur býti en þau, að báðir þáverandi stjórnarflokkar tryggðu sér áfram fótfestu – talsamband eins og það heitir – í bönkunum"

[...]

"Bankarnir hafa í höndum nýrra eigenda tekið stakkaskiptum á örfáum árum. Íslenzk bankaþjónusta er orðin að gróandi útflutningsatvinnuvegi, og bankarnir græða á tá og fingri með því auk annars að taka háa vexti af útlánum hér heima og greiða lága vexti af innlánum. Þetta geta þeir gert í skjóli lítillar samkeppni á innlendum fjármálamarkaði. Að vísu er fákeppni einnig reglan í bankarekstri annarra landa."

[...]

"En bankarnir eru ekki félagsmálastofnanir, það er liðin tíð. Bankar með fullu viðskiptaviti ganga eins langt og þeir geta. Ríkisvaldið þarf að veita þeim aðhald með því að tryggja næga samkeppni. Vandinn liggur þar."

---------------------------------------------------------------

...Íbúðalánasjóður stóð sig vel í samkeppninni a.m.k.  (pun intended).

[Svavar Bjarnason (IP-tala skráð) 2.12.2010 kl. 19:10]

Ég er einn af þeim sem setti Þorvald í fyrsta sæti í kosningunum og er mjög ánægður með hans útkomu. Eftir að útkoman var birt sagði ég við nokkra kunningja mína að nú kæmi dagskipun frá Hádegismóum um að rógbera skuli Þorvald eins og mögulegt er. Ég virðist hafa orðið sannspár, því  allir ógeðfeldustu mykjudreyfarar moggabloggsins eru komnir á fullt. Ég á von á því að allir sem taka þetta til sín eigi eftir að senda mér tóninn, en ég hlýt að þola það!!!

[Jón Ríkharðsson, 2.12.2010 kl. 19:51]

Ímyndunarveiki stuðningsmanna Þorvaldar kristallast í athugasemd Svavars Bjarnasonar hér á síðunni. Það eina sem ég geri, til að þjóna minni réttlætiskennd, er að benda á það sem Þorvaldur hefur gert og sagt.

Hann gaf það út að hann vildi að alþingi fjalli ekki um tillögur stjórnlagaþingsins, heldur vildi hann vísa því til þjóðarinnar.

Það kann vel að vera lýðræðisást hjá honum, en stjórnarskrárbrot engu að síður. Það kann ekki góðri lukku að stýra að byrja á því að brjóta gömlu stjórnarskrána meðan verið er að semja nýja, í besta falli er það kjánaleg fljótfærni.

79. grein stjórnarskrárinnar segir orðrétt;tillögur, hvort sem eru til breytinga eða viðauka á stjórnarskrá þessari, má bera upp bæði á reglulegu alþingi og aukalegu". Tilvitnun líkur, seinna kemur fram í ákvæðinu að leggja skuli tillöguna fyrir dóm þjóðarinnar eftir að alþingi hefur

Það er nauðsynlegt, til að fylgja settum reglum, að alþingi fái fyrst breytingatillögur um stjórnarskrána til umfjöllunar. Ekki gert ráð fyrir að þjóðin fjalli um þær fyrst, heldur fer þær hefðbundnar leiðir og er að lokum staðfest af forseta.

[Svavar Bjarnason (IP-tala skráð) 2.12.2010 kl. 20:55]

Fyrsti kominn. Næsti takk!!

[thin (IP-tala skráð) 3.12.2010 kl. 12:21]

Höfundur pistilsins ætti að sjá sóma sinn, sem blaðamaður, að vitna í einhver ummæli áður en hann lætur þetta á prent. Það er ekki takandi mark á þessum ummælum ella.

[Páll Vilhjálmsson, 3.12.2010 kl. 12:25]

http://www.amx.is/fuglahvisl/16218/