Össur fer pólitískum hamförum

Össur hlýtur að hafa einhverja embættismenn í utanríkisráðuneytinu í skotlínu vegna þess að þeir höfðu samskipti við breska og bandaríska starfsbræður sína í aðdraganda Íraksstríðsins fyrir sjö árum. Véfréttarstíll Össurar í morgunútvarpi Rásar 2 verður ekki skilinn á annan veg þann að væntanleg séu stórtíðindi.

Þjóðin bíður með öndina í hálsinum yfir næsta þrekvirki Össurar utanríkisráðherra sem hefur fundið í ráðuneyti sínu gögn sem sýna starfsmenn ráðuneytisins ræða við starfsbræður sína í Bretlandi og Bandaríkjunum.

Þegar Össur hefur hreinsað úr ráðuneytisfjósinu hlýtur að vera stutt í næsta stórpólitíska útspilið. Hver veit, kannski hafa íslenskir embættismenn rætt við rússneska diplómata.

Haldið ykkur fast, bíðið spennt því Össur er rétt að byrja.

Lögðu áherslu á að Ísland styddi hernað

Athugasemdir

[Jóhannes Laxdal Baldvinsson, 25.10.2010 kl. 15:59]

Özzur er maður stórra yfirlýsinga en lítilla aðgerða. Ég held hann verði búinn að gleyma þessu á morgun

[Guðmundur 2. Gunnarsson (IP-tala skráð) 25.10.2010 kl. 16:01]

Sem fyrr vinnur Samfylkingin og Össur eftir því sem Grettir Ásmundsson sagði forðum.:

"Svo skal böl bæta og bíða annað verra...!!!"

Grettir var mikilmenni en Össur smámenni.  Nú er leitað að logandi ljósum að einhverju sem gæti hugsanlega skyggt augnablik á allt bullið sem er í gangi hjá honum sjálfum og ríkisstjórninni.  Tunnubarsmíðarnar augljóslega hræða hugleysingjann sem er orðinn gjörsamlega berrassaður í þessu ESB svikabrölti sínu við þjóðina.  Meirihluti hennar er sem betur fer búinn að átta sig á striplinu.  Fólk er ekki fífl.  

[Sigurður Haraldsson, 25.10.2010 kl. 18:01]

Sælir já og það sem meira er að Össur óttast lýðræðið meir en allt annað vegna þess að hann er fastur í flokksræðinu! Allavega síðast þegar ég sýndi honum lýðræðið endaði ég uppi á húddi á bifreið hans með skiltið í hendinni!

[Elle_, 25.10.2010 kl. 18:32]

Já, lýðræði Össurar og co. er mikið.  Og komst bílstjórinn upp með að keyra þig niður, Sigurður??  Ekki nóg að valta yfir lýðræðið, Össur?  Nú er það nýjasta nýtt að valta yfir menn í orðsins fyllstu merkingu!