ESB-trúður hjá RÚV

Ríkisútvarpið setti alvarlega niður í kvöld þegar trúðslátum í búningi fræðimennsku var hellt yfir alþjóð í innslagi í Kastljósi þar sem formaður Bændasamtaka Íslands sat fyrir svörum. Trúðurinn sem RÚV telur tilhlýðilegt að kalla upp á dekk heitir Eiríkur Bergmann Einarsson og státar af doktorgráðu frá Baldri Þórhallssyni samsinnungi Eiríks Bergmanns.

Doktorsgráða Eiríks Bergmanns er álíka virði og gráður frá bandarískum kverúlantaskólum sem hafna kenningu Darwins um þróun tegundanna og gera út á bábiljur sem þola ekki fræðilega skoðun.

Eftir Eiríki Bergmann var haft að hann hefði ,,rannsakað" landbúnaðarstefnu ESB og teldi á þeim grunvelli að bændur gætu sótt um styrk til menningarbúmennsku til að vega upp á móti því að afnám tollverndar mun leggja íslenskan landbúnað í rúst.

Eiríkur Bergmann telfdi fram þeirri röksemd á sínum tíma að Ísland ætti að ganga í ESB vegna þess að það yrði auðveldara að versla á netinu eftir inngöngu.

Hver á RÚV ber ábyrgð á þessum trúðslátum?

Ný stjórn Sjálfstæðisflokks og Vg

Sjálfstæðisflokkurinn og Vinstri grænir hafa meðbyr í samfélaginu. Þegar Icesave-málið er frá þarf að stokka upp spilin og þá er rétt að gefa Jóhönnu, Össuri og Samfylkingunni frí.

Ný stjórn dregur tilbaka umsóknina um ESB-aðild, friðmælist við aðalatvinnuveg þjóðarinnar og leggur grunn að skynsamlegu efnahagslífi þar sem ábyrg umgengni við landið helst í hendur við uppbyggingu atvinnulífs.

Eftir ófriðarstjórn Jóhönnu Sig. er kominn tími á sátt milli þjóðar og ríkisstjórnar.

VG stærra en Samfylkingin

Skoðanakönnun: Hrunverjar vilja ESB

Skoðanakönnun Capacent Gallup staðfestir að dæmigerður ESB-sinni sé karl á aldrinum 45-54 ára, býr í Reykjavík eða nágrenni og hefur 800 þús. kr eða meira í mánaðarlaun. Hér eru hrunverjarnir lifandi komnir og þeir hafa fundið sér málstað.

Almennt sýnir nýjasta Capacent könnunin veikari sannfæringu aðildarsinna en fullveldissinna. Í flokknum alfarið hlynntur aðild eru 9,4 prósent en í sama flokki fullveldissinna segjast 28,4 prósent alfarið andvíg aðild. 

Makráðugir hrunverjar vilja inn í Evrópusambandið til að fá fleiri tækifæri til þjóna lund sinni sem er að hætta eigum annarra. Hrunverjarnir fóru með atvinnulíf landsins á hausinn og núna vilja þeir veðsetja fullveldið.

Hér er samantekt á könnun Capacent.

 

Hrunverjar vilja ljúga okkur inn í ESB

Málgagn hrunverja, Fréttablaðið, reynir í leiðara að telja þjóðinni trú um að á ,,lokaspretti viðræðna" við Evrópusambandið fáum við tilboð sem við getum ekki hafnað. Hrunverjar sækjast eftir endurnýjun lífdaga í Evrópusambandinu, gildir það bæði um fallna auðmenn og pólitíkusa með spillingarferil að baki.

Þjóðin krefst þess að umsóknin um aðild verði dregin tilbaka enda fáránlegt að eyða 2-3 milljörðum króna til að reyna komast í félagsskap þar sem viðvarandi atvinnuleysi ungs fólks mælist 30 - 40 prósent.

Umsóknina um aðild að ESB á að draga strax tilbaka.

Atvinnuleysi mælist 9,9% á evrusvæðinu

Óvinirnir innanlands

Icesave-málið varðar þjóðarhagsmuni í bráð og lengd. Niðurstaðan liggur þegar fyrir, þótt hvorki séu komnir samningar né að við höfum fellt Icesave-frumvarpið. Þeir sem stóðu að samningnum um uppgjör á Icesave-reikningum einkabanka Björgólfsfeðga hafa rangt fyrir sér í grundvallaratriði.

Fréttablaðið sem málgagn auðmanna vill að við samþykkjum Icesave; hluti af viðskipta- og hagfræðideild Háskóla Íslands segir það sama (að hluta sama liðið og mærði Icesave-reikningana); Samfylkingin heil og óskipt vill að við samþykkjum óskapnaðinn. Steingrímur J. Sigfússon formaður Vg vill að við samþykkjum.

Einhverjir þurfa að hugsa sinn gang.