ESB gerir þá ríku ríkari - brauðmolahagfræði

Hlutabréfamarkaður í Evrópu tók kipp þegar tilkynnt var um peningaprentun Seðlabanka Evrópu. Ríkasta fólkið í Evrópu verður ríkara en þeir fátæku, sem ekki eiga hlutabréf, eru verr settir enda mun verðbólga fylgja í kjölfarið og gera lífsnauðsynjar dýrari.

Peningaprentun í ESB, sem heitir magnbundið inngrip á fínna máli, er brauðmolahagfræðin holdi klædd. Eftir að þeir ríku eru búnir að taka til sín ókeypis peninga til kaupa hlutabréf og greiða niður skuldir á vöxtum er hugmyndin að brauðmolar af gnægtarborði þeirra ríku falli þeim fátæku í skaut.

Afleiðingin af inngripum Seðlabanka Evrópu verður meiri ójöfnuður milli ríkra og fátækra.

Svona á að bjarga evrusvæðinu

ESB-sinni mótmælir sjálfum sér

,,Það er ekki hægt að kjósa einhliða um aðild að Evrópusambandinu, ekki frekar enn að kjósa einhliða um aðild að ýmsum viðskiptasamningum eða -blokkum," skrifar Svanfríður Jónasdóttir sem á sinum tíma leiddi Evrópunefnd Samfylkingarinnar.

Svanfríður segir réttilega að engar þjóðir, sem gengið hafa inn í ESB, hafi efnt til sérstakrar þjóðaratkvæðagreiðslu um það hvort hefja ætti inngönguferli inn í ESB.

En það er einmitt krafa Svanfríðar að efnt verði til þjóðaratkvæðagreiðslu um inngönguferlið.

Þegar ESB-sinnar komast í mótsögn við sjálfa sig í stuttum bloggpistlum er deginum ljósara að ekki er heil brú í málflutningi þeirra.

ESB er í stríði, Ísland er í friði

Evrópusambandið er í óopinberu stríði við Rússa um framtíð Úkraínu. ESB-ríki sem næst liggja Rússlandi, til dæmis Litháen, undirbúa borgara sína undir vopnuð átök við Rússa.

Samtímis stríði við Rússa er innanlandsófriður í Evrópusambandinu þar sem tekist er á um evrópsk gildi andspænis trú og menningu múslíma.

Evrópusambandið glímir einnig við stórhættulega stöðu í efnahagsmálum með nær engum hagvexti og býr við gjaldmiðil sem er sagður misheppnaður af fyrrum seðlabankastjóra Þýskalands.

Ísland á hinn bóginn er í friði við nágranna sína, nýtur hagvaxtar og stöðugleika í efnahags- og atvinnumálum.

Samt vilja sumir að Ísland standi í biðröð eftir því að komast í Evrópusambandið.

Hvað gengur mönnum til?

Segir þúsundir rússneskra hermanna í Úkraínu

Launasátt í landinu

Forsenda fyrir breiðri sátt í launamálum þjóðarinnar er upplýsingar. Varla ætti að vera tiltökumál að setja saman og gefa reglulega út laun starfsstétta og einstakra hópa.

Hagstofan gefur reglulega út vísitölur sem mæla hækkun á byggingakostnaði og neysluvörum. Sambærilega vísitölu ætti að vera hægt að reikna fyrir laun fyrir allar helstu starfsgreinar og launahópa, s.s. forstjóra og millistjórnendur.

Samtök atvinnulífsins og Alþýðusamband Íslands eru með það í hendi sér að leggja grunn að sátt um laun í landinu.

Vill víðtæka sátt um ramma

Markaðs-Evrópa fótum treður Félags-Evrópu

Efnahagslegan ójöfnuð í Evrópu má rekja beint til samrunaþróunar Evrópusambandinu. Þetta segir Jason Beckfield prófessor við Harvard í viðtali á RÚV.

Snemma á níunda áratug síðustu aldar óx hraði ESB-samrunans. Félags-Evrópu, sem stóð fyrir velferðarþjónustuna, var fórnað fyrir Markaðs-Evrópu þar sem hagsmunir fyrirtækja eru í öndvegi en hlutur almennings fyrir borð borinn.

Ráðstafanir sem Seðlabanki Evrópu stendur fyrir mun fyrst og fremst leiða til hækkunar á hlutabréfamarkaði - en þar ávaxtar eignafólk pund sitt. Launafólk í ESB býr við stöðugt atvinnuleysi sem þrýstir launum og lífskjörum niður.

Samfylkingin, sem á að heita sósíaldemókratískur flokkur, berst ákaft fyrir því að auka efnahagslega misskiptingu á Íslandi með því að landið verði aðili að Evrópusambandinu. Það er holur hljómur í málflutningi samfylkingarfólks sem þykist hneykslað á efnahagsþróun á Íslandi en vill leiða evrópskan ójöfnuð yfir landsmenn þar sem helst í hendur skert velferð og hátt atvinnuleysi.

„Þetta er hættuleg braut sem við erum á“

Ég er ekki Gústaf

Gústaf Adolf Níelsson er maður rangra skoðana og því skal hann bannaður.

Rangar skoðanir eru einar í dag og aðrar á morgun.

Ég er ekki Gústaf en gæti orðið það ef skoðanir mínar yrðu fyrir samræmdu aðkasti meirihlutans.

Gústafs-málið er dæmi um rafræna múgsefjun og vekur hroll.

 

 

 

Þekktu ekki til afstöðu Gústafs

Vinstrimenn vantreysta lýðræðinu

Tíu vinstriþingmenn leggja fram tillögu undir því yfirskini að auka hlutdeild almennings í lýðræðissamfélaginu. Tillagan er blekking enda ekki gert ráð fyrir aðkomu almennings heldur háskólafólks. Það kemur skýrast fram í því hverjir fá sæti í nefnd um tillögu vinstriþingmannanna, nái hún fram að ganga. 

 Í nefndinni eigi sæti, samkvæmt tilnefningu, fulltrúar skipaðir frá öllum þingflokkum á Alþingi, landskjörstjórn, forsætisráðuneyti og innanríkisráðuneyti, ásamt fulltrúum viðeigandi stofnana innan háskólasamfélagins, svo sem Siðfræðistofnunar, Félagsvísindastofnunar og Stofnunar stjórnsýslufræða og stjórnmála. Kostnaður við störf nefndarinnar greiðist úr ríkissjóði.

Embættismenn og háskólaborgar eiga sem sagt að kokka eitthvað lýðræðiskennt handa almenningi sem fær enga aðkomu að vinnu nefndarinnar.

Tillagan ber með sér að vinstrimenn á alþingi vantreysta fulltrúalýðræðinu og vilja auka völd embættismanna og háskólafólks á kostnað kjörinna fulltrúa þjóðarinnar.

 

Vilja auka þátttöku almennings í ákvörðunum

Geysir Green, Magma og Íslandsbanki

Geysir Green var stofnað af útrásarauðmönnum til að komast yfir orkuauðlindir í almannaeigu. Eftir hrun tók Íslandsbanki að sér að hanna atburðarás þar sem útlendingar voru fengnir til aðstoðar eins og rakið er í færslu frá vorinu 2014

Íslandsbanki hannaði atburðarás í kringum kaupin á HS Orku sem miðar að því að komast yfir eigur almennings. Kennitöluflakk, auðsveipur bæjarstjóri og kanadískur braskari eru aðilar að málinu en stóri gerandinn er Íslandsbanki og Árni Magnússon fyrrverndi ráðherra.

Meðhlauparinn í plotti Íslandsbanka er Ásgeir Margeirsson. Hann var forstjóri þegar Glitnir og FL group, þ.e. Jón Ásgeir Baugsstjóri, Hannes Smárason og fleiri, ætluðu að gera út á íslenskar orkuauðlindir. Þeir fengu með sér þekkta fjárfesta s.s. Ólaf Jóhann rithöfund og Wolfenson-fjölskylduna. 

Í októberhruninu 2008 hrökkluðust fjárfestar frá Geysi Green. Íslandsbanki, sem var reistur á grunni gjaldþrota Glitni, ákvað að halda orkuútrásinni áfram og keypti hlut Ólafs Jóhanns og fleiri. Ásgeir var áfram forstjóri.

Í árslok 2009 þurfti að finna nýja leið í orkuútrásinni. Íslandsbanki og Árni Magnússon höfðu fundið nýjan útlending til að vinna með. Leikrit var sett á svið þar sem Ásgeir Margeirsson sagði upp störfum hjá Geysir Green. Tveim mánuðum síðar er Ásgeir kynntur sem forstjóri Magma á Íslandi.

Íslandsbanki ætlar sér í orkuútrás með auðlindir almennings hvað sem tautar og raular. Bankinn spinnur blekkingarvef og reynir að fela sóðaslóðina. Íslandsbanki getur auðveldlega náð taki á stórskuldugum sveitarstjórnarmönnum sem spiluðu djarft og töpuðu.

28,5 milljarða gjaldþrot GGE

RÚV býr til marga ESB-sinna í Sjálfstæðisflokknum

Fréttastofa RÚV ætlar að stunda ESB-áróður í umfjöllun afturköllun á aðildarumsókn. RÚV skáldar upp andstöðu ,,margra" þingmanna Sjálfstæðisflokksins við afturköllun. Í frétt RÚV segir

Í þingflokki Sjálfstæðisflokksins hafa margir efasemdir um hvort tímabært sé að leggja slíka tillögu fram nú

Þingmenn Sjálfstæðisflokksins eru 19. Ef ,,margir" þingmenn eru á móti afturköllun ESB-umsóknar þá hefur það farið furðu hljótt.

Fréttastofa RÚV vísar ekki í neinar heimildir í fréttinni. Fréttin er tilbúningur í þágu ESB-áróðursins og heldur ekki máli sem fréttamennska.

Dauð umsókn helsta von vinstrimanna

Ríkisstjórn Jóhönnu Sig. gafst upp á ESB-ferlinu áramótin 2012/2013. Í kosningum þá um vorið fengu ESB-flokkarnir Samfylking og Björt framtíð samtals 21 prósent atkvæða (12,8 plús 8,2).

Úrslit þingkosninganna voru að þeir flokkar sem boðuðu afturköllun ESB-umsóknar og að Ísland væri betur komið utan ESB en innan fengu hreinan meirihluta.

Umsóknin sem vinstriflokkarnir lögðu til hliðar þegar þeir voru í meirihluta, 2009 til 2013, er orðin helsta von þeirra í pólitík árið 2015.

Pólitík vinstrimanna er að veifa fremur röngu tré en öngvu. Maður hálfpartinn vorkennir þeim.

Tillaga um slit innan fárra daga