Gyðingahatur á Íslandi og vanþekking á helförinni

Ísland sker sig úr í vanþekkingu á helför nasista á hendur gyðingum í seinna stríði, skrifar Vilhjálmur Örn Vilhjálmsson og vitnar í skýrslu UNESCO.

Íslendingar búa að lítilli reynslu í umgengni við gyðinga. Hér er varla hægt að tala um samfélag gyðinga enda fáir þeirrar trúar hérlendis.

Á hinn bóginn er orðræðan um samskipti Ísrael og Palestínumanna sneisafull af gyðingahatri.

Hatur og heimska fylgjast oft að.

Ófriðurinn í Evrópu magnast

Rússar gætu herjað á Eystrasaltslöndin til að kanna þolmmörk Vestur-Evrópu, segir fyrrverandi framkvæmdastjóri Nato, Anders Fogh Rasmussen. Rússar telja sig umkringda ESB og Nato og ætla ekki að gefa tommu eftir í Úkraínu enda er þar barist um stórt ríki á mörkum áhrifasvæða Evrópusambandsins og Rússlands.

Innanríkismál Evrópusambandsins veikja samstöðuna gegn Rússum. Nýir valdhafar í Grikklandi gefa til kynna að þeir muni leggjast á sveif með Rússum fái Grikkir ekki stórfelldan afslátt af skuldum sínum. Forseti Úkraínu nánast grátbiður Grikki að sýna ESB samstöðu.

Úkraína er ónýtt ríki þar sem spilling tröllríður samfélaginu og djúp gjá er staðfest milli vesturhluta landsins, sem hallar sér að ESB, og austurhluta sem hneigist til Rússa.

Ófriður á landamærum Evrópusambandsins og deilur milli evru-ríkja eru upphaf að endurskilgreiningu á valdahlutföllum í álfunni. Slíkar endurskilgreiningar kalla oftar en ekki á stríð.

Reyna að fá Pútín til að skrifa undir

Neyðarástand í Danmörku vegna evru

Danskir stýrivextir eru mínus 0,75 prósent, nýjasta lækkunin er sú fjórða á 18 dögum. Þetta þýðir að danski seðlabankinn tekur refsivexti af þeim sem geyma peninga hjá bankanum.

Danska krónan er fasttengd evrunni en gengi hennar fellur dag frá degi vegna áforma Seðlabanka Evrópu að prenta peninga til að forða efnahagskerfinu frá verðhjöðnun. Verðfall evru leiðir til stórfelldra innkaupa á dönskum krónum sem þrýstir gengi krónunnar upp á við.

Danskir refsivextir eiga að hamla á móti styrkingu dönsku krónunnar enda gæti sterk króna orðið útflutningi Dana erfið. Danski seðlabankinn kaupir ógrynni gjaldeyris til að vega upp á móti krónukaupum fjárfesta sem veðja á styrkingu krónunnar.

Allar líkur eru á að eins fari fyrir Danmörku og Sviss sem var í sömu sporum fyrir nokkrum vikum og varð að hætta við fasttengingu svissneska frankans við evruna. Svissneski seðlabankinn tapaði ótöldum milljörðum í tilraunum að vinna gegn hörmungaráhrifum evrunnar.

Vextirnir lækkaðir í fjórða sinn

Reykvískt ástand á landsvísu - nei, takk

Vinstrimenn stjórna Reykjavíkurborg ekki í þágu almennins og alls ekki í þágu þeirra sem höllustum fæti standa í samfélaginu. Vinstrimenn stjórna höfuðborginni með sértæka hagsmuni miðbæjarelíunnar í huga.

Borgarstjórnar vinstrimanna koma úr 101-Reykjavík; Jón Gnarr og Dagur B. Eggertsson. Borgarfulltrúar vinstrimanna eru allir með tölu hallir undir miðbæjarveruleika.

Skólahald, þjónusta við fatlaða og önnur mál sem ekki eru á áhugasviði vinstrimanna falla í skuggann af vinstriforgangi: regnbogagötum, flugvöllin burt og götur án bíla er framtíðarsýn vinstrimanna.

Reykvískt ástand á landsvínu væri katastrófa.

 

„Við erum gríðarlega ósátt “

Rokk, sex og ósjáfbjarga Grikkir í Stór-Evrópu

Grikkland er án fullveldis og án sjálfsbjargar. Kosningarnar í Aþenu í lok maí voru ekki þingkosningar nema að nafninu til; í reynd voru þetta sveitarstjórnarkosningar í Stór-Evrópu. Ný hreppsnefnd í Grikklandi reynir að dylja veika pólitíska stöðu með glamúr. Fjármálaráðherrann er kynntur sem rokkstjarna og forsætisráðherrann svarar gælunafninu Sexý-Alexí.

Fjármálaráðherrann, Yanis Varoufakis, viðurkennir að Grikkland sé gjaldþrota. En þar sem Grikkland er í evru-samstarfi við 18 önnur ESB-ríki þá krefst hann þess að Grikkjum sé bjargað frá rökréttum afleiðingum gjaldþrots. Varoufakis vill peningasekki frá Brusel, Frankfurt og Berlín til að halda uppi lífskjörum í Grikklandi, sem þó eru betri en Eystrasaltslöndunum og Slóvakíu.

Varoufakis biður um Merkel-áætlun til að bjarga Grikkjum með vísun í Marshall áætlun Bandaríkjanna eftir seinna stríð til að endurreisa Evrópu. Evran er sem sagt búin að leggja Evrópu í rúst, líkt og seinna stríð gerði.

Að hætti rokkstjarna, sem framleiða smell eftir smell, trompar nýjasti yfirlýsingasmellur Varoufakis þann síðasta. Í dag kallar hann kröfur um grískan sparnað Versalasamning með vísun í auðmýkjandi friðarsamning Þjóðverja eftir fyrra heimsstríð.

Úr fjölmiðlum Þjóðverja lekur eitrið. Viðskiptaritstjóri Frankfurter Allgemeine segir þá Grikki sem greiddu fasteignaskatta, og þeir voru ekki margir, hafa misst allan greiðsluvilja enda ríkisstjórn vinstrimanna búin að lofa að lækka skattana.

Rokk og sex borgar hvorki reikninga né heldur efnahagskerfi gangandi. Grikkir eiga eftir að horfast í augu við þá staðreynd að innan evru-svæðisins eru þeir Kópasker.

Peningarnir að klárast hjá Grikkjum

Götur, fatlaðir og forgangur vinstrimanna

Vinstrimenn í Reykjavík dunda sér við að eyða hundruðum milljóna króna í að breyta götum til að þær þoli ekki bílaumferð en virka smart fyrir augað.

Vinstrimenn í Reykjavík geta á hinn bóginn ekki séð til þess að þjónusta við fatlaða sé í sæmilegu lagi.

Forgangsröðun vinstrimanna afhjúpar áherslur þar sem ásýndin er allt en innihaldið ekkert.

Stúlkan sem sat ein í bílnum

Hótel mamma og pabbi banki

Ungt fólk dvelur lengur heima hjá sér, á hótel mömmu; þegar það kaupir sína fyrstu íbúð leggja foreldrar út hluta útborgunarinnar.

Að sumu leyti er þetta rökrétt. Ungt fólk tekur sér lengri tíma að fullorðnast, það er unglingar fram undir þrítugt, og foreldrar þeirra eiga oft og á tíðum rúmgóðar fasteignir. Þá umbunar launakerfið reynslu og menntun, sem þýðir að þeir eldri eru í betri þénustu en þeir yngri.

Þegar stjórnmálamenn segjast ætla að grípa í taumana á húsnæðismarkaðnum er rétt að staldra við og spyrja hvort við færum þá ekki úr öskunni í eldinn.

Nauðsynlegt að breyta um stefnu

Þurfum verkföll til að stöðva þenslu

Hagvöxtur yfir 4% er þensla sem er hættuleg enda skapar hún ójafnvægi milli framleiðsluþátta í hagkerfinu. Þegar er farið að bera á þenslueinkennum s.s. í eignabólu á fasteignamarkaði.

Til að slá á óæskilega þenslu væri gott að fá verkföll, helst allsherjarverkfall í einn eða tvo mánuði, til að kæla hagkerfið.

Ríkisstjórnin ætti að leggja sig fram um auka líkurnar á verkföllum með því að segja ASÍ að éta það sem úti frýs þegar Gylfi og félagar koma með kröfur á ríkissjóð að redda peningum svo að fyrirtæki í eigu lífeyrissjóðanna, t.d. Hagar, geti áfram borgað smánarlaun.

Verkföll myndu slá á ósjálfbæran hagvöxt í tæka tíð og stuðla að jafnvægi í hagkerfinu.

Spá 4¼% hagvexti í ár

ESB-umræða í sex ár: Nei-ið alltaf yfir

Látlaus umræða um ESB-aðild Íslands verður sex ára í sumar þegar afmælis umboðslausu umsóknar Samfylkingar verður minnst með aulahrolli. Þennan tíma eru andstæðingar aðildar Íslands ávallt með meirihluta þjóðarinnar með sér.

ESB-sinnar stunduðu blekkingar frá upphafi til að vinna umsókninni fylgi. Reynt var að telja þjóðinni trú um að óskuldbindandi viðræður við ESB væri í boði. Svo er ekki, aðeins ein leið er inn í Evrópusambandið og það er leið aölögunar. ESB útskýrir hvað aðlögun felur í sér

Hugtakið ,,viðræður" getur verið misvísandi. Aðildarviðræður eru með áherslu á skilyrði og tímasetningar á því hvernig umsóknarríki aðlagar sig að reglum ESB - sem telja 100 þúsund blaðsíður. Og þessar reglur (einnig kallaðar acquis, sem er franska og þýðir ,,það sem hefur verið samþykkt) er ekki hægt að semja um.

Löngu tímabært er að horfast í augu við kaldan pólitískan veruleika ESB-umræðunnar og afturkalla umboðslausu umsóknina.

 

Meirihluti vill ekki í ESB

Illugi til formennsku í Samfylkingu, Helgi hræddur

Illugi Jökulsson kannar stuðning við formannsframboð í Samfylkingunni en sitjandi formaður, Árni Páll Árnason, þykir ekki gera sig. Egill Helgason og Gunnar Smári Egilsson eru áhugasamir um framboð Illuga sem kynnti hugmyndina með færslu á fésinu.

Fésbókarsíða er komin í loftið til að kanna stuðning við framboðið. Þar segir

Þegar Illugi hefur látið undan þrýstingi fjöldans munu hér birtast hvatning hans {til] Samfylkingarfólks og stefnan út úr ógöngum flokks og þjóðar.

Þingmenn Samfylkingarinnar eru í erfiðri stöðu enda stendur flokkurinn illa og líklegt að þingsætum fækki í næstu kosningum. Helgi Hjörvar er þegar farinn að bera í víurnar í óstofnaðan hægriflokk Benedikt Jóhannessonar.

Samfylkingin er þreyttur flokkur enda endurnýjaðist þingmannaliðið ekkert í síðustu kosningum sem skiluðu flokknum 12,9 prósent fylgi.

Illugi Jökulsson er duglegur að smala fólki á Austurvöll til að mótmæla hinu og þessu og gæti þótt heppilegur í fylgissmölun ógæfusama aldamótaflokksins.