Ólafur Ragnar er kjölfesta; þurfum 4 ár enn

Ólafur Ragnar Grímsson reyndist kjölfesta lýðveldisins á hrunárum. Erlendis var sótt að okkur, þegar Bretar og Hollendingar með aðstoð ESB, ætluðu sér að fá ábyrgð íslensk almennings á skuldir einkabanka.

Innanlands var sótt að stjórnarskránni af upplausnaröflum á vinstri kanti stjórnmálanna. Samfylking, Vinstri grænir og Björt framtíð voru þess albúin að ganga á milli bols og höfuðs á stjórnskipun lýðveldisins. Í beinu framhaldi hefði skapast varanlegt upplausnarástand.

Ólafur Ragnar Grímsson stóð vaktina með sóma; setti Iceavae-samningana í þjóðaratkvæði, ekki einu sinni heldur tvisvar, og kvað í kútinn vinstri atlöguna að stjórnarskránni.

Ólafur Ragnar er fullorðinn á meðal unglinga. Við þurfum 4 ár enn með hann á Bessastöðum.

Tilkynnir um framboð í nýársávarpi

Sósíalismi og frjálshyggja; siðagildi trompa fjármagn

Sósíalismi og frjálshyggja háðu stærstu orusturnar um skipulag efnahagskerfisins. Sósíalisminn boðaði ríkiseign en frjálshyggjan einkaeign. Frjálshyggjan vann með þeim fyrirvara að hún féllst á velferðarríkið, sem í grunninn er sósíalísk hugmynd.

Um síðustu aldamót voru tveir stjórnmálamenn kenndir við ,,þriðju leiðina", sem samþættaði mildar útgáfur af frjálshyggju og sósíalisma. Tony Blair í Bretlandi og Bill Clinton í Bandaríkjunum áttu að reka smiðshöggið á deilur vinstri- og hægrimanna um afstöðuna til fjármagnsins.

Kosning Jeremy Corbyn til formennsku í breska Verkamannaflokknum sýnir svo ekki verður um villst að þriðja leiðin er búin að vera. Corbyn er sósíalisti af gamla skólanum, vill ríkisvæða samgöngur og skattleggja ríkidæmi til að fjármagna millifærslur til þeirra efnaminni.

Í Bandaríkjunum gerir Bernie Sanders það gott í upptakti að forskosningum demókrata. Ian Buruma segir Sanders hófsaman í samanburði við Corbyn.

Fríverslunarsamningar milli Bandaríkjanna og Evrópu, TiPP, eru dæmigert afkvæmi þriðju leiðarinnar í stjórnmálum. Um helgina mættu 150 þúsund manns í Berlín til að mótmæla TIPP. Rökin fyrir fríverslunarsamningnum eru hagvöxtur. Rökin á móti eru að fjármagn eigi ekki að stýra lífi okkar.

Einn af hornsteinum þriðju leiðarinnar var almæli hagfræðinnar, að hagfræðin væri komin með endanleg svör um hvernig hagstjórn skyldi háttað. Kreppan 2008 og viðbrögðin við henni, peningaprentun seðlabanka sérstaklega, valda uppnámi meðal hagfræðinga er tefla fram ólíkum sannindum, sem eru þá ekkert annað en eitt hagfræðiálit gegn öðru.

Pólitík almennt er óðum að breytast frá útfærslupælingum á markaðshagstjórn yfir í deilur um siðagildi. Stórar spurningar sem vestræn menning stendur frammi fyrir, t.d. um afstöðuna til flóttamanna frá mið-austurlöndum, verður ekki svarað með vísun í hagspeki.

Þingmaður á alþingi Íslendinga, Róbert Marshall, reynir að fá umræðuna um flóttmenn til að snúast um krónur og aura. Í þýska stórblaðinu FAZ er fréttafyrirsögn Lygin á tímum flóttamanna. Fréttin fjallar um hvernig reynt er að nota hagfræðiálit til að styðja kröfuna um opin landamæri fyrir flóttamenn. Leiðandi hagfræðingur á sviðinu, Jorge Borjas, varar við misnotkun hagtalna í þágu flóttamannastefnu ,,góða fólksins."

Stjórnmál á forsendum siðagilda eru hatrammari en pólitík um hagstjórn. Siðagildi varða dýpstu sannfæringu fólks, sem gerir allar málamiðlanir erfiðari. 

 

 

 

Haukur var banki Illuga

Haukur Harðarson hjá Orku Energy var banki Illuga Gunnarssonar menntamálaráðherra. Illugi missti stjórn á fjármálum sínum; Haukur keypti af honum íbúðina og veitti lán.

Illugi er ekki sinn eigin maður þegar hann á allt sitt undir Hauki. Og þegar Illugi býður Hauki með í Kínaferð á vegum íslenska ríkisins er það æpandi dæmi um að ráðherra er hættur að gera mun á einkamálum sínum og opinberum störfum.

Hvers vegna fékk Illugi ekki lán frá viðskiptabanka sínum, eins og allt venjulegt fólk?

Neitar að vera fjárhagslega háður Hauki

Múslímar sem Frankenstein

,,Rússar hafa skapað Frankenstein sem þeir geta ekki stjórnað. Með ákalli um heilagt stríð munu hlutirnir breytast. Allir munu gefa sig fram til að berjast, jafnvel múslímar sem sitja á börum. Múslímar eru 1,5 milljarður. Ímyndið ykkur hvað gerist ef 1 prósent þeirra gefur sig fram í baráttuna."

Ofanritað hefur Guardian eftir háttsettum embættismanna í Katar en stjórnvöld þar í landi styðja uppreisnarmenn í Sýrlandi.

Orð múslímska embættismannsins draga athyglina að þeirri staðreynd að múslímar líta á sig sem eina heild, jafnvel þótt þeir standi upp fyrir haus í blóðugri baráttu innbyrðis.

Þjóðverjar, sem ræða samskipti sín við múslíma af nokkurri alvöru þessar vikurnar, eru afgerandi þeirrar skoðunar að múslímar eigi ekki heima í Þýskalandi. Samkvæmt könnun í Die Welt eru 63 prósent Þjóðverja þeirrar sannfæringar að Þýskaland eigi ekki að hýsa múslíma.

Múslímar sýna ítrekað andstyggð sína á vestrænum gildum, t.d. þegar tjáningarfrelsið er notað til að gagnrýna trú þeirra.

Líklega er það rétt hjá embættimanninum frá Katar að í vestrænni menningu eru múslímar eins og Frankenstein.

Nálgast Aleppo óðfluga

Samfylking og Vg vilja Ísland í Stór-Evrópu

Eina leiðin til að bjarga Evrópusambandinu er að setja saman Stór-Evrópu. Leiðandi stjórnmálamenn í álfunni eru sammála um að samruni sé eini valkosturinn við upplausn.

Hér á Íslandi eru tveir flokkar, Samfylkingin með afgerandi hætti en Vg í hljóði, hlynnt stefnu ríkisstjórnar Jóhönnu Sigurðardóttur um að Íslandi skuli inn í Evrópusambandið.

Engin umræða fer fram innan þessara flokka um gjörbreytta stöðu ESB. Vinstriflokkarnir vilja enn að Ísland verði hjálenda Stór-Evrópu.

Samþykki meiri samruna eða hætti

Tvöföld ástæða Illuga að segja af sér

Ráðherrar verða að hafa eldtraust einkafjármál. Án þeirrar forsendu eiga þeir ekkert erindi í stjórnarráðið að taka ákvarðanir um opinber fjármál.

Ráðherrar eiga að gera skýran mun á einkamálum sínum og opinberum málum. Til einkamála teljast bestu vinir.

Illugi Gunnarsson menntamálaráðherra er með allt niður um sig í einkafjármálum. Hann tilkynnir í einkaviðtali að hann hafi tekið besta vin sinn, Hauk Harðarson, með sér til Kína að opna dyr fyrir fyrirtæki Hauks. Besti vinurinn er líka leigusali Illuga; bjargaði ráðherra með því að kaupa íbúðina þegar ráðherra var kominn að fótum fram fjárhagslega.

(Það er aukaatriði í málinu að bestu vinir sem rukka fyrir vinargreiða eru ekki ýkja góðir vinir).

Illugi ætti að segja af sér sem ráðherra í ríkisstjórn Íslands. Með því að sitja áfram grefur hann undan tiltrú þjóðarinnar á stjórnmál. Ríkisstjórnin og Sjálfstæðisflokkurinn gjalda fyrir það að Illugi sitji áfram.   

Bætir örugglega ekki stöðu mína segir Illugi

Auðmaður í áfalli vegna réttlætisins

Auðmaðurinn Ólafur Ólafsson er í áfalli vegna fangelsisdóms sem hann fékk vegna Al-Thani málsins.

Í Al-Thani málinu voru forkólfar Kaupþings dæmdir vegna sýndarviðskipta er höfðu þann tilgang að sýna alþjóðlegt traust á gjaldþrota banka. Traust sogar til sín peninga; sýndarviðskiptin voru gerð til að blekkja íslenska fjárfesta til að setja peninga í Kaupþing.

Afstaða Ólafs til dóms hæstaréttar auglýsir fyrirlitningu hans á réttarríkinu.

Launa-sovétið á Íslandi

Sovét-skipulag er á vinnumarkaðnum. Ríkið og Samtök atvinnulífsins annars vegar og hins vegar lífeyrissjóðir verkalýðshreyfingarinnar eiga og stjórna öllum vinnustöðum á landinu. Mótaðilarnir eru fáein verkalýðsfélög.  

Lygi og ógegnsæi einkennir alla kjarabaráttu á Íslandi þrátt fyrir að völdin til að ákveða launin séu í höndum örfárra manna sem reglulega hittast á fundum með viðsemjendum sínum úr hópi verkalýðsrekenda.

Ef sovétskipulag á vinnumarkaði virkar ekki þá er bara ein leið eftir: bönnum hverskyns samtök á vinnumarkaði, bæði atvinnurekenda og starfsfólks.

Með 30 þúsund krónum lægri laun en ritari

Nató í stríðsleik við Rússa

Nató, með Bandaríkin í fararbroddi, taldi sig réttborið til heimsyfirráða eftir fall Sovétríkjanna. Þrátt fyrir ófarir í Írak 2003 lærði Nató/Bandaríkin ekki af reyslunni og hóf ágenga útrás í Úkraínu sem gagngert var stefnt gegn Rússum.

Rússar, sem eftir fall Sovétríkjanna, áttu nóg með sig og voru til friðs urðu að svara ágengni Nató/Bandaríkjanna við landamærin sín. Hluti af svarinu er færa víglínuna til mið-austurlanda þar sem staða Nató/Bandaríkjanna er veik, einmitt vegna mistakanna í Írak fyrir tylft ára.

Mið-Austurlönd verða fyrirsjáanlega vettvangur þar sem stórveldin reyna fyrir sér í staðgenglastríðum. Óuppgerðar sakir í trúarátökum múslíma, einkum shíta og súnna, auðveldar stórveldunum að leita sér bandamanna. Tvö meginríki, Íran sem er land shíta, og Saudi-Arabía, land súnna, keppa um forræðið. Rússland og Íran eru í bandalagi en Sádar fá stuðning Nató/Bandaríkjanna.

Því miður fyrir almenning í mið-austurlöndum eru allar líkur á að ástandið í heimshlutanum versni nokkuð áður en það skánar.

Rússar valda vandræðum

Opið samfélag þolir móðganir - góða fólkið ekki

Í opnu samfélagi má móðga. Ríkisvaldinu á ekki að beita til að þagga niður skoðanir sem sumum finnst miður að séu uppi. Óæskilegar skoðanir fá þá meðferð sem hæfir; sumar eru ræddar en aðrar falla í grýttan jarðveg og verða aldrei blóm.

Ef ríkisvaldið á að elta uppi skoðanir fólks er samfélagið ekki lengur opið. Það verður einhverjum lokað í dag og öðrum á morgun.

Góða fólkið gáir ekki að sér og gleymir að réttindi til sérvisku hljóta alltaf að ná fyrst til skoðanafrelsis. Án frjálsra skoðana eru öll önnur réttindi í hættu.

„Teljum öll ummælin refsiverð“