Kannabis, áfengi og líf í fíkn

Samfélagið eyðir peningum í að hamla útbreiðslu fíkniefna sökum þess að þau eyðileggja líf neytendanna. Ráðandi hugmyndir eru að líf í viðjum fíkniefna er óæskilegt.

Í umræðunni um hvort eigi að lögleiða kannabisefni er stundum bent á að áfengi sé ekki síður bölvaldur og spurt hvort ekki eigi að gilda sömu lög um bæði efnin.

Áfengi er fylgifiskur menningarinnar, kom hingað með landnámsmönnum. Ýmsar leiðir voru reyndar í umgengni þjóðarinnar við áfengi. Markaðslausnir, þar sem áfengi var allra er það vildu hafa, algert bann og síðar, það sem sátt varð um, að verslað skyldi með áfengi í sérverslunum í eigu samfélagsins.

Kannabis er nýtt fíkniefni sem samfélagið berst gegn. Reynslan af áfengi kennir að aukið framboð af fíkniefnum og betra aðgengi að þeim eykur skaðann sem þau valda.

Líf í fíkn er ekkert líf heldur sjúdómsástand.

Einangra sig og reykja kannabis

Þjóðverjar óttast að tapa réttarríkinu vegna múslíma

Hópárásir múslímskra karla á þýskar konur í Köln og fleiri borgum Þýskalands tröllríða fjölmiðlum þar í landi. Bæði ríkisstjórn Merkel og fjölmiðlar fá að heyra það óþvegið.

Fjölmiðlar reyndu skipulega að gera lítið úr þeirri staðreynd að árásarmennirnir voru múslímskir karlmenn. Jafnvel talsmenn ríkisstjórnarinnar tala um að fjölmiðlar hafi brugðist skyldu sinni og að logið að almenningi í nafni pólitísks rétttrúnaðar.

Í tilefni múslímsku hópárásanna  birta fjölmiðlar núna fréttir um að lögreglan treysti sér ekki til að halda uppi lögum og reglum á sumum svæðum þar sem múslímar eru fjölmennir. ,,Eru svæði í Þýskalandi handan laga og réttar," spyr FAZ í fyrirsögn.

Merkel kanslari er af fyrrum samstarfsmönnum í Frjálslyndum demókrötum sökuð um að steypa Þýskalandi og Evrópu í stjórnleysi með óábyrgri flóttamannastefnu.

Þjóðverjum er ekki um það gefið að missa tökin á lögum og rétti. Stjórnleysi er eitur í þeirra beinum. Hópárásir múslíma á nýársnótt á þýskar konur munu draga dilk á eftir sér.

 

Olía á eld andstæðinga Merkel

Álfheiður, Jón Baldvin: ónýtir vinstriflokkar

Álfheiður Ingadóttir fyrrum ráðherra Vg og Jón Baldvin Hannibalsson fyrrum formaður Alþýðuflokksins eru sammála um að vinstriflokkarnir eru ónýtir.

Álfheiður óskar sér nýs Reykjavíkurlista vinstrimanna (líklega án Framsóknarflokks) en Jón Baldvin kýs sameiginlegt vinstraframboð um að færa völd frá stjórnmálamönnum til fólksins.

Kjarninn rekur ráðleggingar fyrrum ráðherra til starfandi stjórnmálamanna.

Vestrænar konur gangi með slæðu, séu í fylgd karlmanna

Í trúarmenningu múslíma er konan á forræði karlmanna. Samtök múslímaríkja, OIC, viðurkenna ekki mannréttindasáttmála Sameinuðu þjóðanna sem tryggir konum jafnrétti. Mannréttindi múslímaríkja eru skráð i Kaíró-yfirlýsingunni, en þar er karlinn beinlínis sagður bera ábyrgð á fjölskyldunni (grein 6).

Konur í múslímaríkjum í Norður-Afríku og miðausturlöndum eru á forræði feðra sinna þangað til þær eru gefnar öðrum karlmanni. Framkoma þeirra á að vera hlédræg og þær eiga að hylja sig, í það minnsta með slæðu. Utan dyra eiga konur að vera í fylgd karlmanna, þ.e. föður, bróður eða eiginmanns.

Ungu múslímarnir á lestartorginu í Köln vissu ábyggilega að aðrar reglur gilda um vestrænar konur en múslímskar. En þar sem þeir voru margir og í hátíðarskapi gátu þeir leyft sér að haga sér eins og heima hjá sér. Frakkar konur, sem hylja sig ekki og eru ekki í fylgd karlmanna á almannafæri, kalla yfir sig ágenga hegðum karla. 

Trúarmenning múslíma fóstrar hugmyndir um að konan sé undirgefin karli. Vestrænar hugmyndir um sjálfstæði kvenna eru múslímum framandi.

Eftir hópárásir múslímskra karla á þýskar konur í Köln og Hamborg skrifaði fyrrum ráðherra fjölskyldumála Þýskalands, Kristina Schröder: ,,Lengi hefur verið reynt að þagga niður umræðuna um ofbeldishegðun karlmanna í trúarmenningu múslíma. Þessu þarf að breyta." Ummæli ráðherrans fyrrverandi eru endursögð í FAZ.

Hinn kosturinn er að vestrænar konur taki upp hætti múslímskra kvenna, gangi með slæðu og fari ekki út fyrir hússins dyr nema í fylgd karlmanns.

„Ég krefst skýringa strax“

Baugsbrask lífeyrissjóða

Lífeyrissjóðir landsins gáfu sig á vald auðmönnum og loftköstulum þeirra í útrás. Lífeyrissjóðir settu peninga m.a. í glæfraspil dótturfélags Baugs sem ætlaði að gera sig gildandi á fjölmiðlamarkaði í Danmörku.

Nú liggur fyrir að lífeyrissjóðir töpuðu á Baugi sjálfum.

Ekki liggur fyrir hvort lífeyrissjóðirnir lærðu lexíu af útrás og hruni.

Endurheimtur þrotabús Baugs 2,9%

Breska stjórnin ekki hlynnt ESB-aðild

Það er ekki lengur ríkisstjórnarmál bresku ríkisstjórnarinnar að Bretland verði aðili að Evrópusambandinu. Með því að Cameron forsætisráðherra gefur ráðherrum leyfi að berjast gegn aðild í komandi þjóðaratkvæðagreiðslu er styrkleiki andstæðinga ESB-aðildar í ríkisstjórninni staðfestur.

Cameron hyggst semja við Evrópusambandið um að Bretland fá tilbaka valdheimildir frá Brussel og undanþágur frá íþyngjandi regluverki.

Þjóðaratkvæðagreiðslan verður um það hvort Bretland haldi áfram ESB-aðild eða hverfi úr sambandinu.

Ráðherrar fá að berjast gegn ESB

Þýskar konur áreittar af flóttamönnum

Flóttamenn frá miðausturlöndum og Norður-Afríku eru sagðir gerendur í fjölda kærumála til lögreglunnar í Köln og Hamborg þar sem konur voru áreittar kynferðislega og stolið af þeim verðmætum.

Þýskir fjölmiðlar, t.d. welt, spiegel og faz greina frá atburðunum sem gerðust þegar nýju ári var fagnað. Torg og stræti voru vettvangur atburðanna.

Borgaryfirvöld í Köln boða til neyðarfundar vegna atburðanna sem þykja án fordæma.

Farsi, lýðræði og forsetakosningar

Allir 35 ára og eldri sem ná sér í 1500 til 3000 meðmælendur geta boðið sig fram til forseta Ísalnds.

Vitanlega verða kosningarnar farsi þar sem lukkuriddarar reyna fyrir sér.

En lýðræðið er að hluta farsi og við lifum með því vegna þess að valkosturinn er verri: að hafa ekki lýðræði.

 

Sömu kröfur gerðar frá 1952

Enn ein rökin fyrir Schengen fallin

Fullveldisframsalið í Schengen-samstarfinu var byggt á veikum forsendum. Straumur flóttamanna frá miðausturlöndum og Norður-Afríku afhjúpar veikleika Schegen. Flóttamannastraumurinn fer í gegnum jaðarríki Schengen, t.d. Grikkland, þar sem auðvelt er að sleppa í gegn, og halda þaðan norður á bóginn í leit að velmegun.

Norður-Evrópuríki treysta sér ekki að taka við óheftum straumi flóttamanna og taka upp landamæraeftirlit í trássi við Schengen.

Með því að norrænu ríkin taka upp landamæraeftirlit eru fallin enn ein rökin fyrir aðild Íslands að Scehgen. Íslendingar áttu samkvæmt þeim að taka þátt í ,,norræna vegabréfslausa samstarfinu." Þau Schengen-rök, eins og öll önnur, eru fallin.

 

Danir taka upp landamæraeftirlit

Málfrelsi, trú og mannhelgi

Í stórri alþjóðlegri könnun meðal múslíma kemur fram að um þrír af hverjum fjórum, þ.e. um 75 prósent, múslíma í miðausturlöndum og Norður-Afríku vilja fremur sharíalög - trúarlög - en veraldleg lög.

Í sharíalögum liggur dauðarefsing við trúarskiptum. Trúfrelsi samrýmist ekki trúarmenningu múslíma. Yfir helmingur múslíma í miðausturlöndum og Norður-Afríku, sem telja sharíalög eigi að gilda, telja jafnframt að dauðrefsing sé við hæfi þegar einhver gengur af trúnni.

Á vesturlöndum er trúfrelsi gefið. Sú hugsun að trú eigi fólk er vekur álíka andstyggð á vesturlöndum og þrælahald.

Vestræn gildi eins og málfrelsi og mannhelgi eru algerlega framandi meginþorra múslíma í miðausturlöndum og Norður-Afríku. Samkvæmt áðurnefndri könnun Pew-stofnunarinnar eru heil 91 prósent múslíma í miðausturlöndum og Norður-Afríku þeirrar sannfæringar að nauðsynlegt sé að trúa á guð til að vera siðgæðisvera.

Himinn og haf eru á milli vestrænna gilda og múslímskrar trúarmenningar.

 

Minnast árásanna í sérstakri útgáfu