Núpari á Bessastaði

Jón Gnarr skáldaði upp nauðgunum og andlegum hryðjuverkum á Núpi í Dýrafirði til að auglýsa sjálfan sig sem sigurvegara.

Núparinn hótar þjóðinni að stefna á Bessastaði í sumar.

Við skjálfum á beinunum.

Jón Gnarr er „til alls vís“

Lögreglan vill ekki sjá skaufa - aðeins sköp

Lögreglan má ekki sjá getnaðarlim án þess að verða að gjalti. Samkvæmt öðrum fréttum er lögreglan full áköf að skoða sköp stúlkna.

Er ekki óþarfi af lögreglunni að auglýsa kerlingarlegu karlrembuna með dómsmáli?

Ekki lostugt að pissa fyrir framan lögreglumenn

Lág verðbólga - krónan besti gjaldmiðillinn

Krónan er besti gjaldmiðillinn fyrir Ísland. Hún tryggði okkur viðspyrnu úr kreppu og í framhaldi lága verðbólgu.

Tal um nauðsyn þessa að taka upp annan gjaldmiðil er hjáróma þegar reynslan sýnir ótvírætt fram á kosti krónunnar.

Það eru ekki gjaldmiðlar sem slíkir sem ráða velsæld heldur peningamálastjórnun og ríkisfjármál. Og þar sem vinstriflokkarnir eru utan ríkisstjórnar eru þessu málefni í góðum höndum.

 

 

Tvisvar verið lægri á 60 árum

Ónýtt utanríkisráðuneyti

Brjáluðustu hugmyndir íslenskra stjórnmála ýmist verða til eða eru fóstraðar í utanríkisráðuneytinu. Þar á bæ ætluðu menn að kaupa með mútum sæti fyrir Ísland í öryggisráðinu, borga Icesave og innlima Ísland í deyjandi ESB.

Síðasta ruglið úr ráðuneytinu er að hengja Ísland utan í hatursherferð gegn Rússlandi vegna stórveldadeilna um forræðið yfir Úkraínu, sem er Nígería Evrópu.

Utanríkisráðuneytið þjónar ekki hagsmunum Íslands heldur duttlungum embættismanna. Nærtækast er að afleggja ráðuneytið og færa verkefnin, þ.e. önnur en gæluverkefni embættismanna, til ráðuneyta með meiri jarðtengingu.

 

Bannið „ekkert smáhögg“

ESB án Bretlands - Bandaríkin tapa símanúmeri

Hvert er símanúmerið í Evrópu? á Kissinger utanríkisráðherra Bandaríkjanna að hafa spurt. Bandaríkin bjuggu til Evrópusambandið til að vega upp á móti Sovétríkjunum eftir seinna stríð. ESB átti að vera símanúmerið sem valdhafar í Washington gátu hringt í þegar nauðsyn bar til.

Bretar eru á leiðinni út úr Evrópusambandinu á sama tíma og sambandið er í kreppu, m.a. vegna aðildar að misheppnaðri útþensku í austurátt, sbr. Úkraínu-deiluna, misheppnaðs gjaldmiðils og vangetu til að glíma við flóttamannavanda frá múslímaríkjum.

Evrópusambandið mun liklegast liðast í sundur hægt og rólega. Símasambandið við Washington var líka orðið stirt eftir að kalda stríðinu lauk.

ESB-samningur Breta klár í febrúar

Unglingadrykkja í boði Haga og lífeyrissjóða

Þeir sem versla í Bónus og Hagkaup styðja unglingadrykkju. Hagar, sem reka Bónus og Hagkaup, eru með hannaða atburðarás sem miðar að því að knýja fram lagabreytingu á alþingi til að gera matvöruverslunum kleift að selja áfengi.

Einboðið er að unglingadrykkja mun aukast ef matvöruverslanir fá leyfi að selja áfengi.

Stórir eignaraðilar að Högum eru lífeyrissjóðir.

Er ekki til neitt sem heitir siðaskrá lífeyrissjóða? Má búast við að næst geri þeir út á smálánamarkaðinn - svo að unglingarnir eigi pening fyrir bjórnum?

Hagar bjóða upp á Euroshopper-bjór

Niðurgreiðsla til fjölmiðla auðmanna

Flestir fjölmiðlar landsins eru í eigu auðmanna. Hugmyndir um að veita ríkisfé til auðmanna að reka fjölmiðla er ekki í þágu lýðræðislegrar umræðu.

Þar fyrir utan er sú stétt sem hefur lifibrauð af starfi við fjölmiðla, blaðamenn, faglega fátæklegasta starfsstétt landsins. Engin fagleg umræða er meðal stéttarinnar og áróður iðulega fluttur sem fréttir.

Menntamálaráðherra ætti að velja sér verðugra viðfangsefni en að niðurgreiða með opinberu fé metnaðarlausa auðmannamiðla.

Útilokar ekki að ríkið styðji fjölmiðla

Konur áreittar úr opnu rými - aðferð til þöggunar

Trúarmenning múslíma afneitar konum aðild að opinberri umræðu, þar með talinni aðild að stjórnmálum. Samkvæmt mannréttindaskrá múslímaríkja er fjölskyldan hornsteinn samfélagsins og karlmaðurinn ber ábyrgð á fjölskyldunni. Af því leiðir á konan að sitja og standa eins og karlinn skipar.

Múslímskir karlar hafa fundið upp aðferð til að þvinga konur frá aðild að opinberri umræðu. Aðferðin felst í því að gera hópárásir á konur sem hætta sér út fyrir heimilið án fylgdar. Hópárásirnar af þessum toga heita taharrush gamea. Þær eru framkvæmdar þannig að hópur karla einangrar konu sem er niðurlægð og meidd, í sumum tilvikum nauðgað. Myndbönd af aðförunum eru skelfileg.

Í samantekt Bt segir að þessi aðferð karllægrar múslímamenningar að misþyrma konum kemur fram um sama leyti og lýðræðisvakning, kölluð arabíska vorið. Lýðræði er vestrænt fyrirbæri og ekki í hávegum meðal múslíma. Lýðræði sem felur í sér jafnrétti karla og kvenna er beinlínis móðgun við trúarmenningu múslíma.

Hópárásir múslímskra karla á konur,taharrush gamea, eru aðferð til að þagga niður í rödd kvenna á opinberum vettvangi.

 

Icesave-nei var sigur þjóðarinnar á ögurstundu

Icesave-samningar ríkisstjórnar Samfylkingar og Vinstri grænna við Bretland og Holland gerðu þjóðina ábyrga fyrir skuldum einkabanka. Ábyrgðin var tvíþætt; í fyrsta lagi fjárhagsleg og í öðru lagi pólitísk og siðferðileg.

Ráðherrar vinstristjórnarinnar, til dæmis Steingrímur J. Sigfússon, líta algerlega framhjá siðferðislegum og pólitískum þætti Icesave en einblína á þann fjárhagslega.

Icesave-umræðan og tvöfalda þjóðaratkvæðagreiðslan snerist ekki nema að hluta til um peninga. Siðferðislegi og pólitíski þátturinn var til muna veigameiri.

Þegar þjóðin sagði nei í Icesave-þjóðaratkvæði, ekki einu sinni heldur tvisvar, sagði hún líka nei við þeirri ásökun að þjóðin bæri ábyrgð á útrásaróhófi auðmanna og banka.

Þjóðin sagði líka nei við þeim boðskap vinstristjórnar Jóhönnu Sig. og Steingríms J. að Ísland væri ónýtt og yrði að ganga með betlistaf til Brussel og framselja frumburðarréttinn Evrópusambandinu.

Með nei-i fékk þjóðin siðferðilegt þrek til að sameinast í andstöðu við yfirgangsseggi utanlands, Breta og Hollendinga, og úrtöluliðið í stjórnarráðinu. Ef við hefðum látið kúga okkur væri þjóðin brotin og líklega enn með vinstristjórn.  

Bjarni: Lokin á leiðinlegum kafla

Smá-Evrópa í stað Stór-Evrópu?

Evran er ekki notuð í öllum ríkjum Evrópusambandsins. Schengen-samstarfið er heldur ekki með öll ESB-ríki innanborðs. Til að bjarga evru og Schengen gætu tæknikratarnir í Brussel komist að þeirri niðurstöðu að búa til kjarnasamstarf ESB-ríkja, n.k. Smá-Evrópu.

Til þessa hefur hugur sambandssinna í Brussel staðið til þess að smíða utanum um ESB Stór-Evrópu. ESB-ríkin 28 eru ekki tilbúin í slíka tilraun.

Smá-Evrópa nokkurra kjarnaríkja á meginlandi Evrópu gæti verið valkostur við misheppnaða Stór-Evrópu.

Verður til „mini-Schengen“?