Tungumálið, fjölmenning og jafnrétti

Lengi vel komust karlkyns flóttamenn frá múslímalöndum upp með að læsa eiginkonur sínar inni á heimilinu með þeim rökum fjölmenningar að staður konunnar væri í eldhúsinu.

Múslímakarlinn lærði tungumálið en eiginkonan var ótalandi á vestræna tungu og ól upp börn sem lærðu að konan væri undirgefin karlinum og ætti ekkert erindi út fyrir dyr heimilisins.

Fjölmenningin beið skipbrot vegna þess að hún lagði að jöfnu vestrænt jafnrétti og múslímska kvenfyrirlitningu.

Þurfa að sanna enskukunnáttu

Danskur múslími um kvenfyrirlitningu

Í trúarmenningu múslíma skal konan hlýða karlinum. Hennar staður er heimilið; utan þess er hún á opinberum vettvangi þar sem karlinn ræður ríkjum. Kona sem er utan heimilis og ekki hulin klæðum býður körlum upp á sjálfsafgreiðslu, þeir mega gera við hana hvað þeir vilja.

Á þessa leið skrifar danskur múslími, Naser Khader, sem jafnframt er þingmaður. Tilefnið er umræðan um hegðun múslímskra karlmanna gagnvart vestrænum konum. Khader telur trúarmenningu múslíma uppsprettu kvenfyrirlitningar.

Múslímar, segir Khader, verði að horfast í augu við kvenfyrirlitninguna í trúarmenningunni. Það er forsenda fyrir því að hægt sé að koma í veg fyrir kynferðislegar árásir á konur.

Trúarmenning er seigfljótandi. Breytingar taka áratugi ef ekki árhundruð.  Kahader og Milos Zeman segja í raun sama hlutinn. Múslímsk trúarmenning er ósamrýmanleg vestrænum lífsháttum.

„Nær ómögulegt“ fyrir múslima að aðlagast Evrópu

Uppboðsleiðin í áfengi, ekki í sjávarútvegi

Þingmönnum Sjálfstæðisflokksins, Vilhjálmi Árnasyni og fleirum, finnst sjálfsagt að fara uppboðsleiðina í áfengissölu - leyfa markaðnum að ráða hvernig og hvar fólk nær sér í áfengi.

Þingmenn Sjálfstæðisflokksins, Vilhjálmur meðtalinn, eru á hinn bóginn ekki hlynntir uppboðsleiðinni í sjávarútvegi. Þar skal ríkið úthluta veiðikvóta án þess að markaðurinn ráði verðinu.

Rökin fyrir ríkissölu áfengis og kvótakerfinu eru í grunninn þau sömu. Heildarhagsmunir er settir ofar sérhagsmunum. Fyrirkomulag sem reynslan sýnir og staðfestir að virki á ekki að breyta. Allra síst ef maður er íhaldsmaður.

Ef Vilhjálmur og félagar í Sjálfstæðisflokknum hleypa markaðnum lausum á lýðheilsu landsmanna er hætt við að frjáls markaður éti upp sitthvað fleira. Til dæmis fylgi Sjálfstæðisflokksins.

Sömdu Hagar frumvarpið?

Vesen á veröld - líka í besta landi í heimi

Noregur er besta land í heimi að búa í síðustu fimm ár. skv. alþjóðlegum samanburði. Þegar flótti er brostinn á íbúa besta lands í heimi er ekki kyn að annað sé i ólagi á henni veröld.

Nokkrir rauðir dagar í kauphöllum fá vinstrisinnaða hagspekúlanta til að sjá svart. Þjóðverjar óttast að stjórnmálahreyfingin PEGIDA sé nýja normið í evrópupólitík. Herskáir múslímar gera sig gildandi í Afríku sunnan Sahara en þar ætla Bandaríkin að byggja upp viðveru, með kunnum afleiðingum.

Af Kínverjum eru þær fréttir (óstaðfestar) að þeir hyggist styðja Rússa í baráttunni við Ríki íslams í Sýrlandi og Írak en það eru ábyggilega verstu löndin að búa í.

Í gamla daga bárust færri og slitróttari fréttir af framgangi heimsmála. Tilveran var einfaldari en vafamál er hvort heimurinn hafi verið betri.

Aldrei hafa fleiri flutt frá Noregi

Auðmenn á síldarplani

Samsetningin ,,starfsmaður á plani" er líklega komið frá síldarplani, þ.e. sléttu svæði þar sem síld var söltuð í tunnur. Ólíkt fólki í síldarvinnslu bjuggu verðbréfadrengir ekki til nein verðmæti - þeir söltuðu hvorki í tunnur né frystu fisk eða söltuðu.

Drengirnir í verðbréfaviðskiptum framleiddu tölur í gerviheimi rafrænna viðskipta og þáðu milljónir og milljónatugi fyrir.

Afsökunin ,,starfsmaður á plani" á ekki við heldur þessi: ,,græðgisvæddur og dómgreindarlaus og hugsaði um það eitt að fá bónusinn."

Dægurmenningin slæðist í dómsal

Múslímar á miðaldastigi vísinda og fræða

Háskólar í ríkjum múslíma kenna helst ekki þróunarkenningu Darwins af tillitssemi við Allah og spámanninn. Ein 57 ríki í heiminum eru með múslímskan meirihluta og starfa innan samtaka múslímaríkja OIC.

Innan þessara ríkja býr fjórðungur mannkyns. Frá þessum ríkjum koma aðeins 1,6 prósent einkaleyfa í heiminum, aðeins 6 prósent af vísindagreinum. Ríkin standa aðeins fyrir 2,4 prósentum af framlögum til rannsókna á alþjóðavísu. Aðeins þrír múslímar hafa fengið nóbelsverðlaun.

Tölfræðin hér að ofan er tekin úr grein eftir Nidhal Guessoum and Athar Osama. Þeir hvetja til endurreisnar múslímskrar vísindamenningar. Guessoum boðar nýja múslímska gullöld.

Vesturlönd eru í fararbroddi vísinda og fræða. Þau urðu það á nýöld, þegar veraldarhyggja varð kristni yfirsterkari. Trúarmenning múslíma fæðir ekki af sér múslímska gullöld í vísindum og fræðum nema með því að gera trú að hornkerlingu. Nokkur bið verður á því.

Trump er frjálslynt íhald fremur en teboð

Strandirnar í Bandaríkjunum eru frjálslyndar, t.d. Kalifornía í vestri og New York í austri. Inn til landsins er meiri íhaldssemi og hún róttækari í suðri en norðri.

Stjórnmálamaður eins og Donanld Trump er líklegri að ná atkvæðum íhaldssamra í suðurríkjunum fremur en frjálslyndum við sjávarsíðuna. En þar sem hann er New York-búi er pólitískur farangur hans frjálslyndur.

Í utanríkismálum er Trump trúr uppruna sínum og er Atlantshafssinni fremur en meginlandssinnað teboð.

Wall Street Journal segir Trump geta orðið forsetaframbjóðandi repúblíkana. Það yrði saga til næsta bæjar.

 

New York sendir Cruz fingurinn

Jón Gnarr er huglaust verkfæri JÁJ

Ekkert meira um það að segja.

Jón Gnarr ekki í forsetann

Fjölmenning; Jón og New York Times

Jón Magnússon greinir stöðuna í fjölmenningarumræðunni og segir m.a.

Fjölmenningarhugmyndin í dag segir að lítilsvirðing múslima og ofbeldi gagnvart konum og virðingarleysi fyrir þeim sem aðhyllast aðrar trúarskoðanir, sé hluti fjölmenningarinnar, sem okkur beri að láta afskiptalausa. Þeir sem leyfa sér að hafa aðra skoðun eða menningu minnihlutahópsins eru sakaðir um rasisma eða hatursumræðu.

Í New York Times er yfirlitsgrein um vanda fjölmenningar í Þýskalandi þar sem konur eru niðurlægðar og lítilsvirtar af múslímskum karlmönnum frá menningarheimi sem telur karla æðri konum.

Við hljótum að afþakka fjölmenningu sem færir jafnrétti kynjanna aftur á stig miðalda. Það er hvorki rasismi né hatursorðræða að vísa frá okkur múslímskri trúarmenningu.  

Pakkalausn Úkraína-Sýrland, hvar er Ísland?

Deilur stórveldanna í Úkraínu annars vegar og hins vegar Sýrlandi eiga nákvæmlega ekkert sameiginlegt. Nema að í báðum tilvikum deila stórveldin um forræði í ólíkum heimsálfum, Austur-Evrópu og miðausturlöndum.

Bandaríkin þrengdu að rússneskum hagsmunum í Úkraínu og Rússar svöruðu með því að styrkja stöðu sína í Sýrlandi þar sem Bandaríkin vilja skipta um ríkisstjórn. Núna hittast utanríkisráðherrarnir, Lavrov og Kerry, og freista þess að setja saman pakkalausn. Stórveldapólitík er rekin á þessum forsendum og hefur verið frá Vestfalíufriðnum á 17. öld.

Ísland á aðild að Úkraínudeilunni með því að Gunnar Bragi utanríkisráðherra og embættismenn hans sáu um að Íslendingar settu viðskiptabanni á Rússa. Er ekki upplagt að Gunnar Bragi og snillingarnir hans í ráðuneytinu geri Ísland að málsaðila í Sýrlandsdeilunni?

Í Afríku og Asíu eru líka deilumál sem kalla á afskipti Íslands. Þar er deilt um fullveldi ríkja og landssvæði sem þeim tilheyra. Ertu ekki ábyggilega á leið upp í flugvél, Gunnar Bragi, að leysa heimsmálin með fulltingi samstarfsmanna þinna?

Lavrov og Kerry hittast á fundi