Múslímar, vísindi og trúarrasismi

Þróunarkenningin ásamt eðlisfræði eru forsenda skilnings á náttúrunni og skynveruleikanum. Án þróunarkenningarinnar er ekki hægt að ræða þróun mannsins. Valkosturinn er einhver útgáfa af trúarrasisma sem kennir að guð hafi skapað manninn.

Tyrkland er talið vestrænasta ríkið í múslímaheiminum. Fyrir hundrað árum reyndi landsfaðir lýðveldisins Tyrklands, Kemal Atatürk, að uppræta trúarbábiljurnar sem héldu aftur af nútímavæðingu landsins.

Fréttir að tyrknesk stjórnvöld undir forsetaræði Erdogans banni kennslu þróunarkenningarinnar sýnir að trúarrasismi lifir góðu lífi í menningarheimi múslíma.

Hætta að kenna þróunarkenninguna

Skoðanakúgun og hatursorðræða

Frelsi til að hafa skoðanir á mönnum og málefnum er hornsteinn vestrænna samfélaga. Gagnrýnin hugsun fær ekki þrifist án skoðanafrelsis.

Hugtakið ,,hatursorðræða" er notað af fólki sem vill gera sumar skoðanir ólögmætar. Sjálft hugtakið er fordómafullt. Skoðanir fólks mótast af mörgum tilfinningum; ást, hatri, ótta, minnimáttarkennd, hroka, samúð, hugleysi, dirfsku, spéhræðslu, lífsgleði og svo framvegis.

Að gefa sér að tilteknar skoðanir mótist af hatri og þær skoðanir eigi að banna er yfirlætisfullt svo ekki sé meira sagt.

Það er ekki hægt að binda í lög hvaða tilfinningar fólk eigi að hafa. Á hinn bóginn er hægt að banna tilteknar skoðanir. Nýlega voru felld úr gildi lög sem bönnuðu guðlast. Dómsmálaráðherra, sem þá var þingmaður, benti á tvískinnung þeirra sem vilja afnema bann við guðlasti en banna aðrar skoðanir vegna þess að í þeim sé ,,hatursorðræða". Hvað er guðlast annað en hatur á guði?

Þeir sem nota hugtakið ,,hatursorðræða" eru í raun að biðja um skoðanakúgun. 

 

„Stórhættulegt samfélagsmein“

Bandarískt heimilisböl; Pútín eignast vin í Macron

Talsmaður Trump Bandaríkjaforseta segir deilu Katar við fjögur arabaríki vera heimilisvanda araba. Nær væri að tala um bandarískt heimilisböl þar sem allar fimm þjóðirnar eru bandamenn Bandaríkjanna, Katarar ekki síst.

Á sama tíma eignast Pútín Rússlandsforseta vin í starfsbróður sínum í Frakklandi, Macron, í málefnum miðausturlanda. Samkvæmt Newsweek vill Macron vinna með Pútín við að uppræta samtök herskárra múslíma sem staðið hafa fyrir hryðjuverkum í Frakklandi síðustu misseri.

Bandaríkin og Nató, þar með talið Frakkland, vildu til skamms tíma steypa Assad Sýrlandsforseta af stóli. En Rússland er bakhjarl Assad.

Bandarísk stefnumótun í miðausturlöndum er lömuð, ekki síst vegna þess að Donald Trump forseti á í vök að verjast vegna ásakana um að hann sé strengjabrúða Pútín.

Kunnáttumenn í alþjóðamálum, til dæmis Stephen F. Cohen, telja, líkt og Macron Frakklandsforseti, að Pútín og Rússland ættu að vera bandamenn í málefnum miðausturlanda. En ráðandi viðhorf í Washington er að Pútín sé með horn og klaufar. Það eykur heimilisbölið.

Katarar hafna öllum kröfunum

Viðreisn: samnefnari fyrir vantraust

Viðreisn er flokkur stofnaður á grunni vantrausts. Þegar Sjálfstæðisflokkurinn þurfti á öllu sínu að halda - í ólgu eftirhrunsins - ákváðu nokkrir sjálfstæðismenn að stofna Viðreisn. Meðal þeirra voru fyrrverandi formaður, Þorsteinn Pálsson, og varaformaður, Þorgerður Katrín Gunnarsdóttir. Formaður Viðreisnar, Benedikt Jóhannesson, var sjálfstæðismaður til áratuga.

Og hver var ástæða vantrausts viðreisnarmanna? Jú, stefna Sjálfstæðisflokksins í Evrópumálum. En hvað hefur reynslan sýnt? Jú, að stefna Sjálfstæðisflokksins var hárrétt. Ef Ísland væri aðili að Evrópusambandinu væru öll viðskipti okkar við Bretland í uppnnámi vegna Brexit. Ísland yrði að treysta á að Brussel tryggði okkar viðskipti við Bretland. Hvaða líkur eru á að Brussel tæki mark á íslenskum hagsmunum í Brexit-viðræðum? Engar.

Brexit felur í sér að Evrópusambandið er orðið að félagsskap meginlandsríkja Evrópu. Ísland sem eyland á Norður-Atlantshafi væri þar eins og krækiber í helvíti.

Benedikt Jóhannesson formaður Viðreinsnar kvartar undan tortryggni og reiði innan Sjálfstæðisflokksins. Við hverju bjóst hann? Grunnhugmyndin með stofnun Viðreisnar er dómgreindarlaust rugl, eins og reynslan sýnir svart á hvítu. Á að treysta dómgreindarlausu fólki?

Almenningur treystir ekki Viðreins, svo mikið er víst. Ítrekaðar skoðanakannanir sýna að flokkurinn myndi þurrkast út af þingi yrði kosið núna.

Sjálfstæðismenn treysta ekki Viðreisn, almenningur ekki heldur. Og nú bætast við talsmenn annarra stjórnmálaflokka sem segjast ekki treysta fulltrúa Viðreisnar í nefnd um sjávarútvegsmál.

Ósætti innan veiðigjaldanefndar

Borgaralaun og afnám velferðarríkisins

Borgaralaun er að allir fái tiltekna fjárhæð frá ríkinu, burtséð frá því hvort þeir séu ríkir eða fátækir, atvinnulausir eða í vinnu, heilbrigðir eða öryrkjar. Engar kvaðir fylgja borgaralaunum, ekkert umsóknarferli eða mat á þörf viðtakenda fyrir opinbera framfærslu.

Tilraunir með borgaralaun hafa verið gerðar í Finnlandi og Kanada ætlar að prófa fyrirkomulagið. Hér heima hafa Píratar kynnt hugmyndina, sem ættuð er af vinstri væng stjórnmálanna.

Dálkahöfundur vinstriútgáfunnar Guardian vekur máls á hugveita hægrimanna, kennd við Adam Smith, tekur undir borgaralaun með þeim formerkjum að þau komi í stað velferðarkerfisins.

Borgaralaun í útgáfu frjálshyggjunnar kæmu í staðinn fyrir afskiptasamt ríkisvald sem vegur og metur þörf borgaranna fyrir opinbera framfærslu.

Ef hægrimenn almennt taka undir hugmyndina um borgaralaun gæti myndast breið samstaða um að efna til þeirra og losna í leiðinni við velferðarkerfið. En þá er hætt við að heyrist hljóð úr vinstra horni stjórnmálanna.

 

Benedikt á flótta

Í byrjun viku tilkynnti fjármálaráðherra að tíuþúsundkallinn yrði aflagður. Tilgangurinn var að sverta krónuna. Benedikt fjármálaráðherra hefur alla sína pólitísku ævi verið ESB-sinni.

ESB-sinnar telja krónuna veikasta hlekkinn í efnahagslegu og pólitísku fullveldi landsins og nota hvert tækifæri til að grafa undan henni.

En í lok viku er Benedikt lagður á flótta með afnám tíuþúsundseðilsins.

 

Tíu þúsund kallinn ekki á förum

Lífið er geðrænn vandi

Enginn fer í gegnum lífið án kvíða. Fæstir án þess að verða fyrir smærri og stærri áföllum eins og missi atvinnu, maka, ástvina eða glímu við sjúkdóma og merkingarleysis tilverunnar.

Geðrænn vandi verður til i meðvitundinni. Stundum er hægt að greina efnaferla í heilastarfseminni sem orsök vandans en oftar en ekki eru margir samverkandi þættir ástæðan. 

Að einhverju marki er geðrænn vandi menningarsjúkdómur. Krafan er að sérhver dagur skuli markaður hamingju og vellíðan. Skortur þar á þykir vísbending um erfiðleika á andlega sviðinu.

Annað sem eykur á andlega streitu er krafan að ,,gera það gott lífinu." En - óvart - þá er engin handbók til sem útskýrir hvað það er að ,,gera það gott."

Uppskriftin að fullkomnu lífi er ekki til. Og það eitt getur verið streituvaldur.

Kvíði stúlkna flyst yfir á fullorðinsár

Píratar og endimörk heimskunnar

Píratar reyna skipulega á þolmörk almennings fyrir heimsku á opinberum vettvangi. Meðalgreint fólk veit að límið í samfélaginu er reglur, bæði skráðar og óskráðar. 

Píratar markaðssetja sig á jaðri samfélagsins. Einn daginn boða þeir sósíalisma, þann næsta stjórnleysi og daginn þar á eftir frjálshyggju.

Grunnstef Pírata er ,,fávitanum-mér-finnst"... svo kemur einhver allsherjardella eins og að atvinnuleysi sé allra meina bót, frjáls fíkniefnasala auki velferð og að teppa neyðarlínuna sé réttmæt aðgerð eða eitthvað álíka.

,,Fávitanum-mér-finnst" viðhorfið sprettur af þeirri sannfæringu að sérhverja dellu megi setja fram opinberlega, bara ef einhverjum dettur hún í hug.

Þegar dellan er rekin öfug ofan í Pírata kemur viðkvæðið: ég var bara að djóka.

 

„Neyðarteppan“ að erlendri fyrirmynd

Slúðrað á Stígamótum

Þjóðþrifasamtökin Stígamót taka á sig ýmis einkenni félagshópa sem skilgreina sig á jaðri samfélagsins. Í Stígamótum eru ekki verk- eða vinnureglur heldur lýtur starfsemin einræðisvaldi leiðtoga. Til að halda samheldni innan hópsins eru settar saman goðsögur um samfélagið utan hópsins.

Helga Baldvinsdóttir Bjargardóttir lýsir slúðrinu á Stígamótum þar sem sögur um heimilisofbeldi ,,þjóðþekktra" Íslendinga eru bornar á borð. Líkt og í sértrúarsöfnuðum gengur leiðtoginn ekki undir sínu eiginlega nafni heldur undir viðurnefni: ,,hæstráðandi." Formlegur starfstitill hæstráðanda er hæverskari, ,,talskona."

Sú sem öllu ræður á það til að ,,hella úr skálum reiði sinnar" þegar hlutirnir ganga ekki fram eins og yfirvaldið býður. 

Innsýn í starfshætti Stígamóta er upplýsandi um litla lokaða hópa sem veita hjálpræði undir styrkri forystu ,,hæstráðanda". Ekkert hjálpræði er ókeypis. Spurningin er aðeins á hverjum kostnaðurinn lendir.

Stígamót ekki hafin yfir gagnrýni

Útgerðin lækkar gengið

Gengi krónunnar lækkar upp á síðkastið. Stórfjárfestingar útgerðarinnar í nýsmíði fískiskipa skipta þar án efa nokkru máli. Samhliða hönnuðum fréttum ferðaþjónustunnar um verri afkomu þrýsta fjárfestingar útgerðarinnar genginu niður.

Eftir afnám gjaldeyrishafta lýtur krónan ekki handstýringu heldur lögmáli framboðs og eftirspurnar.

Það veit á gott að útgerðin lítur björtum augum fram á veg.

Tugmilljarða uppbygging