Grikkland skjöldur Evrópu gegn innrás múslíma

Innrás múslíma í Evrópu þarf að stöðva í Grikklandi, segir Ursula von der Leyen, for­seti fram­kvæmda­stjórn­ar Everópu­sam­bands­ins. Evrópskir ráðamenn eru herskáir gagnvart Erdogan forseta Tyrklands sem stendur að baki innrásarinnar.

Fyrir sex árum opnaði Merkel kanslari Þýskalands landamæri Evrópu fyrir múslímskum hælisleitendum. Núna heitir það innrás.

Múslímarnir taka með sér trúarmenningu sem virkar ekki. Ríki múslíma loga í óeirðum þar sem takast á stjórnmál og hugmyndafræði er fóru á mis við vestræna upplýsingu og mannréttindavakningu. Trúarmenning múslíma virkar ekki í heimalöndum þeirra og enn síður í Evrópu.

Þess vegna er talað um innrás.

Grikkir fá 700 milljónir evra

Inga Sæland - farðu varlega

Inga Sæland formaður Flokks fólksins skrifar á Facebook í kvöld:

Lang flestu smitin miðað við fólksfjölda á Norðurlöndunum og reyndar í Evrópu að undanskilinni Ítalíu.

Margir aðrir hafa sagt upphátt sömu hugsun. En stöldrum við.

Allir smituðu eru Íslendingar sem komu frá útlöndum. Íslendingar ferðast mikið og varla er það slæmt.

Íslendingar hljóta alltaf að vera velkomnir heim. Þeir eiga þetta land til jafns á við okkur sem heima sitjum.

Fólk ætti ekki, stjórnmálamenn sérstaklega, að gera það tortryggilegt að Íslendingar komi veikir heim frá útlöndum.

Í glímunni við kórónuveiruna eigum við að sýna samstöðu, ekki skapa úlfúð. 

 

Atburðarásin hefur komið á óvart

Sósialistar fara í manninn

Gunnar Smári atyrti samningamann Reykjavíkurborgar. Núna kemur skjólstæðingur formanns Sósíalistaflokksins og krefur borgarstjóra um að hósta upp peningum til að Efling blási af verkföll sem bitna á smælingjum samfélagsins. Hvorttveggja er persónuskítkast í engum tengslum við veruleikann.

Einu sinni kunnu sósíalistar eitthvað í marxískum fræðum um ópersónuleg öfl sem ráða sögulegri framvindu. Núna eru í fyrirsvari miðaldra gelgjur sem fara í manninn og flytja alþjóð marklaust tilfinningaklám.

Verkfall Eflingar í borginni er mistök sem aldrei átti að gera. En þegar miðaldra gelgjur í tilfinningauppnámi taka ákvarðanir hlýtur illa að fara. Heimurinn lýtur ekki hugdettum kjána. 

Vonar að borgarstjóri bregðist við með sæmd

Forysta Eflingar er vandamálið, ekki launin

Félagsmönnum Eflingar býðst sama hækkun launa og samið var um á almenna vinnumarkaðnum með lífskjarasamningum. En sósíalísk forysta Eflingar vill óeirðir og upplausn en ekki samninga. Út á það gengur sósíalisminn.

Sósíalistarnir nota þau rök sem hendi eru næst til að skapa úlfúð. Þeir segja að ófaglærðir starfsmenn leikskóla séu að stærstum hluta konur. Jafnréttismál sé að laun þeirra hækki. En, óvart, þá eru fagmenntaðir leik- og grunnskólakennarar 90 prósent konur. Er líklegt að þær konur sætti sig við að fá sömu laun og ófaglærðar konur? Ó, nei.

Ísland er eitt mesta jafnlaunaland í heimi, samkvæmt alþjóðlegum samanburði. Það verður ekki gengið lengra í að jafna laun nema almenningur fylki sér á bakvið ein laun fyrir öll störf - ríkislaun. 

En það er bara enginn áhugi fyrir ríkislaunum. Allir vita þetta. Nema forysta Eflingar.

Undanþágur dragi úr krafti verkfallsvopnsins

Mótsögn veirufrétta

Líkamlega veikir ættu helst ekki að fá kórónuveiruna. Þeir sem búa við tæpt sálarástand; eru trúgjarnir úr hófi og kunna illa að aðgreina ýkjur frá sannleikskornum ættu helst ekki að heyra af umræðunni.

Hér er mótsögn. Til að verja líkamlega veika frá smiti þarf að láta eins og himinn og jörð séu að farast. En við það tapa sér andlega vanheilir, ekki aðeins samfylkingarfólk.

Yfirvöldum er nokkur vorkunn.

Ber að vernda þá viðkvæmu

Efling ógnar lýðheilsu landsmanna

Efling segir sig úr lögum við samfélagið með því að neita undanþágu fyrir þrif í grunnskólum í blóra við tilmæli sóttvarnalæknis.

Framkvæmdastjóri Eflingar svarar undanþágubeiðninni með þessu orðum:

Við telj­um nokkuð ljóst að rök­semd­irn­ar sem tengj­ast sér­stak­lega þess­um far­aldri eigi ekki við um skóla­starf­semi vegna þess að þar eru ekki þess­ir sér­stak­lega viðkvæmu hóp­ar á ferð

Kórónuveiran er lífshættulegur smitsjúkdómur sem berst á milli fólks án tillits til aldurs. Þeir smituðu eru settir í sóttkví og einangrun, hvort heldur þeir eru ungir eða aldraðir.

Hreinlæti og þrif eru helsta vörnin gegn útbreiðslu veirunnar. Allir sem vettlingi geta valdið leggja sitt af mörkum til að hindra smitleiðir. En Efling segir nei.

Verkalýðsfélög starfa eftir lögum frá alþingi. Í þeim lögum er ekki gefin heimild til að ógna lýðheilsu landsmanna. Alþingi getur sett lög sem banna starfsemi er ógnar líf og heilsu almennings. Sérstakar kringumstæður kalla á sérstök lög. 

 

Mótmæla með því að breyta ráðhúsinu í leikvöll

Sósíalísk læknisfræði stefnir lífi fólks í hættu

Sósíalistar í Eflingu neita Reykjavíkurborg um undanþágu til að þrífa grunnskóla, eins og sóttvarnarlæknir leggur til í baráttunni við kórónuveiruna.

Nei, segja sósíalistar, börn eru ekki í hættu vegna kórónuveirunnar og því óþarfi að þrífa grunnskóla.

Þessi sósíalíska læknisfræði er líklega það alheimskasta sem fullorðin manneskja getur látið út úr sér. Halló Hafnarfjörður, börnin fara heim eftir skóla inn á heimili mömmu og pabba og afa og ömmu. Smit sem börnin gætu tekið með sér úr skóla fylgja þeim en verður ekki eftir þegar skóladegi lýkur.

Hvort eru sósíalistar illa innrættir eða viðáttuheimskir?

Undanþágubeiðni vegna þrifa í grunnskólum hafnað

Veiran, loftslagið og hysterían

Fyrstu 2 mánuði ársins dóu tæplega tíu milljónir manna í heiminum. Af þeim tíu milljónum létust 3000, já þrjú þúsund, af kórónuveirunni. Samt er látið eins og veiran gæti eytt löndum og lýð.

Veiruhysterían er náfrænka loftslagsmóðursýkinnar. Menntaður veðurfræðingur bendir á að það fyrsta sem nemendur í fræðigreininni læra er að óreiða einkennir veðurfar. Allir sem fylgjast með veðri og veðurspám vita að engar spár eru öruggar nema tvo til fjóra daga fram í tímann. Samt er hlustað á Al Gore og Grétu Thunberg sem spá hækkun hitastigs um 1-2 gráður eftir 20 ár.

Gore og Thunberg og ábekingar þeirra þykjast hafa leyst óreiðuna um veðurfar og loftslag og vita það sem enginn annar veit: hvernig veðrið verður eftir 20 ár. Hvers vegna er þekkingin ekki nýtt til að spá fyrir um veðrið næstu sex mánuði eða svo? Jú, svarið er að meint þekking er vísindaskáldskapur.

Hamfarafólkið kemst upp með að neita að svara einföldustu spurningum: hvert er kjörhitastig jarðarinnar? Svarið blasir þó við öllum sem nenna að gefa málinu gaum. Kjörhitastig jarðar er það sem náttúran gefur. Náttúra loftslags er óreiða, sem þó er ekki meiri en svo að hitastig jarðar hefur frá 1880 til dagsins í dag ekki hækkað meira en nemur 0,8 gráðum. 

Veiruhysterían gengur yfir með hækkandi sól, rétt eins og árleg flensa. Kannski, og það er stórt kannski, dregur fólk þann lærdóm að móðursýki blindar okkur fyrir hversdagslegum sannindum.

Íslamskur trúarfasismi gegn Evrópu

Tyrkir gerðu innrás í Sýrland og fara halloka. Þeir beita pólitískri fjárkúgun og hóta að veita flóttamannastraumi til Evrópu fái þeir ekki aðstoð frá Nató.

Tyrkir, undir forystu Edogan forseta, hafa um árabil stutt ógeðslegustu útgáfu íslamsks trúarfasisma, Ríki íslams og fleiri af sama sauðahúsi. Erdogan stefnir að Stór-Tyrklandi með útþenslu landamæra ríkisins.

Frá dögum kalda stríðsins er Tyrkland aðili að Nató. Tyrkland var útvörður Suðaustur Evrópu andspænis Sovétríkjunum. Íslamskur trúarfasismi Erdogan er nýmæli sem ekki á heima í Nató. Í stað þess að hjálpa Tyrkjum væri nær að Nató tæki höndum saman við Kúrda og Sýrlendinga og hrekti Erdogan-hyskið úr Sýrlandi. 

Fasistar eins og Erdogan láta sér ekki segjast fyrr en í fulla hnefana.

Tyrkir hætta að loka landamærum til Evrópu

Veiran og meðalhófið

Á heimsvísu hefur kórónaveiran sýkt 85 þúsund manns og staðfest dauðsföll eru 3000. Af þeim sem sýkjast hafa tæp 40 þúsund náð bata 

Johns Hopkins háskólinn í Bandaríkjunum heldur skrá yfir tilfellin og uppfærir í rauntíma. Upplýsingarnar eru ekki nákvæmar en þær skástu sem bjóðast. Á þeim verður að byggja en ekki ýkjum og gróusögum.

Íslendingar geta ekki lokað landinu við núverandi aðstæður. Það yrði of róttæk aðgerð sem myndi stöðva samfélagið og valda ósætti ef ekki óeirðum. Við þurfum að taka mið af aðgerðum annarra þjóða og gera ráðstafanir sem hvorki eru of né van.

Veiran er dauðans alvara. Ofsahræðsla og öfgaviðbrögð gera illt verra.

 

Ótvíræðar heimildir til að loka landinu