98% traust - tvær skýringar

Baráttan gegn kórónuveirunni er í höndum fagfólks. Þríeykið er einn lögreglumaður og tveir læknar. Þríeykið notar vald sitt í hófi. Íslendingar búa við minni röskun á hversdagslífi sínu en þorri annarra þjóða í sambærilegri stöðu.

Þetta er fyrri skýringin á dæmafáu trausti sem opinber aðili nýtur í samfélaginu.

Seinni skýringin er afleidd af þeirri fyrri. Fólk veit að þegar baráttunni lýkur og hættan er liðin hjá færast málefnin í fyrra horf. Víðir verður aftur embættismaður baksviðs og Alma og Þórólfur sitja sín embætti án víðtæks umboðs til að stýra samfélaginu líkt og þau hafa á neyðartíma.  

Aðeins 2% vantreysta heilbrigðisyfirvöldum

Viðskiptaráð fær ekki að sulla með opinbert fé

Viðskiptaráð hélt um tíma að það fengi alræðisvöld á Íslandi, vildi rétta fyrirtækjum ókeypis peningum frá ríkinu og ráðskast með opinbera starfsmenn sem halda grunnþjónustu samfélagsins ganga á tímum sóttkvía og samkomubanns.

Viðskiptaráð tapaði þeirri litlu tiltrú sem þessi hugveita stórfyrirtækja þó hafði.

Ríkisvaldið sá í gegnum brellu hugveitunnar, sem var að mála skrattann á vegginn og boða efnahagslegar hörmungar, en fá í staðinn víðtækt umboð til að skipa öðrum að sitja og standa í þágu stórfyrirtækjanna.

Viðskiptaráð er rúið trausti og ráðleggingar hugveitunnar að engu hafðar. Takmörkunum á meðferð fyrirtækja á almannafé verður mótmælt af Viðskiptaráði. En enginn mun hlusta.

Fyrirtækjum með brúarlán bannað að greiða út arð

RÚV birtir ekki hrós um Ísland

Stöð 2 og RÚV vitnuðu báðar í blaðamannafund yfirmanns sóttvarna í Danmörku. En einn stór munur var á ritstýringu fréttarinnar.

Stöð 2 sagði að Daninn hefði hrósað Íslendingum fyrir skynsamlegar sóttvarnir.

RÚV gat ekki fengið sig til að birta lofsamleg ummæli um Ísland.

RÚV sérhæfir sig í neikvæðum fréttum um land og þjóð. And-íslensk viðhorf eru ráðandi á Efstaleiti. Þjóðin greiðir skylduáskrift til RÚV en fær í staðinn spark í kviðinn frá ölmusufólkinu á Efstaleiti.

Vísindi, veira og samfélag

Vísindi eru það sem vísindamenn segja. Einkenni vísinda er óvissa sem birtist í því að vísindamenn eru ósammála. Vísindi urðu til á tímum Forn-Grikkja þegar menn nenntu ekki lengur að eiga óvissuna undir almættinu. Fyrstu vísindamennirnir voru heimspekingar sem kröfðust mannlegra skýringa á fyrirbrigðum í henni veröld. Ekkert eitt svar er rétt, þótt svörin geti verið misröng.

Kjarni vísinda, þegar helgislepjan er skafin af, er óvissa. Margur heldur að vísindi sé fullvissa. En það er grundvallarmisskilningur. Vísindagrein þar sem allir iðkendur eru sammála er dauður bókstafur, í mesta lagi hugmyndafræði.

Farsóttin sem herjar á heimsbyggðina er ekki vísindalegt álitaefni nema að því leyti að veiran sjálf er til rannsóknar. Kári Stefánsson hóstaði upp vísindagrein á þremur dögum um veiruna. Kann Kári lausnina á farsóttinni? Nei, ekki frekar en nokkur annar vísindamaður. Þeir vísindamenn sem þykjast kunna lausnina eru innbyrðis ósammála. Það er óvissa.

Farsóttin, kórónuveiran sem veldur COVID-19, er staðreynd. Óvissan snýst um viðbrögð við veirunni. 

Sumt er hægt að gera. Til dæmis að reyna sjá til þess að heilbrigðiskerfið kikni ekki undan álaginu. Það er gert með sóttvörnum sem tefja framgang smitsins.

Annað er ekki hægt að gera. Það er ekki hægt að loka landinu og bíða af sér farsóttina. Svarti dauði geisaði í Evrópu um miðja 14. öld en kom hingað í byrjun 15. aldar þegar hún var að mestu gengin um garð í Evrópu.

Í Noregi, líkt og á öðrum byggðum bólum, eru sérvitringar sem leggja til lokun landa á meðan fárið geisar í útlöndum annars vegar og hins vegar á meðan beðið er eftir móteitri. Í lok umfjöllunar dagblaðsins Verdens Gang um álitamálið segir: ,,Ef við bíðum eftir mótefni er ekki víst að við eigum neitt samfélag lengur þegar bólusetning býðst." 

Þeir sem krefjast fullvissu á óvissutímum ættu að leita sér sáluhjálpar í kirkjum. Þær standa hvort eð er auðar. Vísindin veita enga fullvissu. Sérgrein þeirra er óvissan. Besta ráðið við farsóttinni er heilbrigð skynsemi. Stundum sóttvarnir, sjáum til þess að veiran ríði ekki sjúkrahúsum á slig og tileinkum okkur æðruleysi.

Við deyjum öll, - við vitum bara ekki hvenær.

 

 

Vill kalla sóttvarnaráð saman til fundar

Leggjum niður óþörf fyrirtæki, forstjóralaun lækki

Skattfé almennings er notað til að halda uppi fyrirtækjum sem hafa ekki rekstargrundvöll. Forstjórar gjaldþrota fyrirtækja eru á borgaralaunum frá ríkinu.

Það er vitanlega ekki heil brú í þeirri stefnu að nota skattfé almennings til að afætur samfélagsins haldi starfsemi óbreyttri þegar engin eftirspurn er fyrir hendi. Fyrir almenning er sérstaklega móðgandi að forstjórar með hendur í skauti fái borgaralaun. Það er ekki eins og forstjórar séu okkar minnstu og veikustu meðbræður og systur. Er næsta skrefið að borga stjórnum ónýta fyrirtækja öryrkjabætur?

Afætur samfélagsins rotta sig saman í Viðskiptaráði og heimta fórnir frá almenningi til að þær lifi áfram í vellystingum praktuglega. 

 

Fólk í fremstu víglínu verði undanskilið

Viðskiptaráð er óvinur samfélagins

Viðskiptaráð harmar að opinberir starfsmenn fái ekki á sig  kjaraskerðingu vegna kórónuveirunnar. Viðskiptaráð er félagsskapur stærstu fyrirtækja landsins sem fá um 20 milljarða króna gefins frá ríkinu til að borga laun.

Farsóttin leiðir til umframvinnu hjá fjölmennum starfshópum ríkis og sveitarfélaga. Um heilbrigðisstarfsfólk þarf ekki að ræða, jafnvel Viðskiptaráð hlýtur að sjá það. En leik- og grunnskólakennarar eru í framlínunni, útsettir fyrir smit frá heimilum og búa við manneklu vegna sóttkvía og einangrunar. Framhaldsskólakennarar urðu á einni helgi að stokka upp kennsluáætlanir og læra á fjarfundabúnað og skipuleggja rafræn samskipti við nemendur.

Ef eitthvað er ættu opinberir starfsmenn að fá álagsgreiðslur fyrir að leggja á sig meiri vinnu við að halda grunnþjónustu samfélagsins gangandi.

Í Viðskiptaráði er kannski áferðafallegt fólk, - en það er ljótt að innan.

Þríeykið - nýtt sniðmát yfirvalds

Þeir sem vilja vera yfirvald á Íslandi og láta taka mark á sér (sem ekki er sjálfsagður hlutur) leita í smiðju þríeykisins, einkum lögregluhluta þess.

Í félagsmiðlum rífa róttæklingar hár sitt í gremju. Sannfærandi yfirvald er eitur í þeirra beinum.

Fagleg festa þríeykisins er nýmæli yfirvalds á Íslandi sem lengi hefur búið við lausung og óreiðu.

„Ég hlýði Víði“

Óttastjórnun á tímum veiru

Farsóttin kennd við kórónu er tvöföld atlaga að samfélaginu. Líf og heilsu, ásamt heilbrigðiskerfi, annars vegar og hins vegar afkomu og atvinnulífi.

Óttastjórnun er mikilvægasta pólitíska listin á tímum farsóttar. Óttinn þarf að vera nógu mikill til að almenningur láti segjast og fylgi fyrirmælum yfirfalda um sóttvarnir; óstjórnlegur ótti aftur lamar samfélagið og leiðir til öfgaviðbragða sem gera illt verra.

Ótti blandaður reiði lamaði Ísland eftir hrunið. Stjórnmálakerfið splundraðist og öfgar léku lausum hala á Austurvelli.

Ekkert slíkt er á ferðinni núna. Farsóttin er ekki manngerður andskoti blandaður glæpahneigð fárra auðmanna heldur í ætt við náttúruhamfarir, sem enginn gat að gert.

Óttastjórnun verður einfaldari. Verkskipting yfirvalda, í einn stað þríeyki lögreglu og tveggja lækna og í annan stað ríkisstjórnin, tekur á farsóttinni af raunsærri yfirvegun. Í hruninu var hrópað ,,Ónýta Ísland" en nú heitir það ,,Við hlýðum Víði".

 

„Óttumst hið versta en vonum það besta“

Heimsent áfengi og heimsend veira, nei takk

Áfengi er lýðheilsumál. Baráttan við kórónuveiruna er lýðheilsumál. Peningaleg rök veitingamanna fyrir leyfi að selja áfengi með heimsendum mat eru jafn ógild og rökin fyrir því að við ættum ekki að viðhafa neinar varnir gegn kórónuveirunni.

Hugsunin að baki er sú sama: þeir eru svo fáir sem veikjast - og deyja ef til vill. Við sem ekki eru næm á skaðann af áfengi/veiru eigum ekki að sæta ábyrgð vegna þeirra sem fyrirsjáanlega missa heilsuna.

Stjórnvöld sem hlusta á svona hugsun stunda skipulegt skemmdarverk á lýðheilsu.

„Gæti reynst sem plástur á svöðusár“

Glópa-Gummi fær veirupeninga til að berjast gegn vísindum

Umhverfisráðherra fær almannafé til að setja í verkefni sem ,,nýt­ast í bar­átt­unni gegn lofts­lags­breyt­ing­um."

Vísindamenn, sem kunna skil á loftslagsmálum, t.d. Richard Lindzen og Christopher Essex, segja okkur að náttúran ræður ferðinni í loftslagsbreytingum en ekki maðurinn.

Meðalhiti á Íslandi er um 5 gráður. Hér var hlýrra á landsnámsöld en í dag. Fólk deyr fremur af kulda en hita. Loftslagsmál er spurning um þekkingarfræði ekki siðfræði eða pólitík.

Ekkert af þessu skilur Glópa-Gummi sem ætlar að sáldra veirupeningum í vísindaskáldskap um manngert veður.

 

500 milljónir í loftslagsmál