Heimsent áfengi og heimsend veira, nei takk

Áfengi er lýðheilsumál. Baráttan við kórónuveiruna er lýðheilsumál. Peningaleg rök veitingamanna fyrir leyfi að selja áfengi með heimsendum mat eru jafn ógild og rökin fyrir því að við ættum ekki að viðhafa neinar varnir gegn kórónuveirunni.

Hugsunin að baki er sú sama: þeir eru svo fáir sem veikjast - og deyja ef til vill. Við sem ekki eru næm á skaðann af áfengi/veiru eigum ekki að sæta ábyrgð vegna þeirra sem fyrirsjáanlega missa heilsuna.

Stjórnvöld sem hlusta á svona hugsun stunda skipulegt skemmdarverk á lýðheilsu.

„Gæti reynst sem plástur á svöðusár“

Athugasemdir

[Þorsteinn Siglaugsson, 26.3.2020 kl. 14:09]

Þetta er ákaflega einkennileg röksemdafærsla. Hvers vegna ætti fólk frekar að smitast fái það heimsent áfengi með matnum? En þú ert kannski að fara fram á að bannað verði að senda fólki mat heim?

[Kolbrún Hilmars, 26.3.2020 kl. 14:29]

Dóp er stærra lýðheilsumál.  Skv. Fréttablaðinu í dag er núna skortur á fíkniefnum í landinu - þökk sé ferðabanni hefur innflutningur stöðvast.
Af tvennu illu er áfengið skárra, svo ekki sé nú talað um hvítt og rautt með matnum.

[Þorsteinn Siglaugsson, 26.3.2020 kl. 14:42]

Veit nú ekki hvernig það verður fyrir "lýðheilsuna" þegar hópar af snarvitlausum dópistum sem fá ekki dópið sitt fara að vaða hér um allt að leita að einhverju í nösina. Ætli þeir spritti sig (útvortis) og haldi tveggja metra fjarlægð?

[Kolbrún Hilmars, 26.3.2020 kl. 14:55]

Ætli forfallnir dópistar fari ekki bara í apotekið og kaupi "kogara".  Undir yfirvarpinu "til sótthreinsunar".  Hlýtur að vera hægt að sniffa hann jafnt og súpa á, allt eftir smekk.  Má líka vera að ÁTVR selji eitthvað samsvarandi að styrkleika.

[Sigurður I B Guðmundsson, 26.3.2020 kl. 16:17]

Svo er það gott fyrir "dópara" að Karl Steinar Valsson yfirlögregluþjónn skuli segja að vegna skammtíma skorts á kókaíni þá fari þeir bara yfir í amfetamín!! En alltaf er það sama sagan að "rónar" koma óorði á áfengið. 

[Benedikt Halldórsson, 26.3.2020 kl. 17:58]

Fyrir börn alkóhólista er heimsendingarþjónusta á áfengi martröð. 

[Þorsteinn Sch Thorsteinsson, 26.3.2020 kl. 18:21]

Sæll Páll karlinn,

Í öllum þesssum áróðri þá drepa þessir heitu drykkir þessa veiru, eða þar sem hún þolir illa heita drykki eins og kaffi og te, nú og sterkt alkahol í prosentum talið er þekkt fyrir að drepa bæði bakteríur og veirur.

"Does alcohol kill germs? Yes, as long as the solution is strong enough"

KV.  

[Gunnar Heiðarsson, 26.3.2020 kl. 19:23]

Undarlegasta röksemdarfærsla þeirra sem vilja auka aðgengi að áfengi og gefa frjálst að auglýsa það, segi að slíkar ráðstafanir auki ekki sölu á því.

Hvers vegna eru fyrirtæki að nota stórfé af sínum rekstri til að auglýsa sínar vörur?  Jú til að auka sölu!

[Ásgrímur Hartmannsson, 26.3.2020 kl. 21:29]

Þetta er alltaf sama nöldrið.  Svona röfluðu allir áður en bjórinn var leyfður.  Þá varð enginn heimsendir.

Það verður enginn heimsendir þó einhver panti sér öl af internetinu.  Ef þú vilt þa ekki, þá er þér frjálst að panta það ekki.

[Þorsteinn Siglaugsson, 26.3.2020 kl. 22:47]

Fyrirtæki auglýsa fyrst og fremst til að ná markaðshlutdeild frá öðrum fyrirtækjum. Auglýsingar stækka ekki markaði endalaust.

[Halldór Egill Guðnason, 26.3.2020 kl. 23:39]

Reynslulausa barnið burt, úr Dómsmálaráðuneytinu.

Góðar stúndir,  með kveðju að sunnan.