Benedikt ráðherrabrandari

Fjármálaráðherra er efni í brandara erlendra viðskiptablaðamanna. Íslenska krónan þarf álíka mikið á festingu að halda og þorskur þarf reiðhljól, skrifa þeir.

Benedikt ráðherra lagði til 1. apríl, af öllum dögum, að krónan yrði fest við annað tveggja evru eða pund.

Þegar Benedikt stofnaði Viðreisn var krónan of veik, sagði hann. Núna er hún of sterk, að dómi ráðherra.

Önnur tillaga Benedikts er að tengja krónuna við meðaltal nokkurra gjaldmiðla, svokallað myntráð. Óráð, segir stórvesír alþjóðlegra fjármála, Mohamed A. El-Erian.

Hvað er til ráða fyrir Benedikt? Jú, kannski að tileinka sér það innsæi að á meðan allir heimsins gjaldmiðlar fljóta sé ekkert sniðugt að festa krónuna við neinn þeirra. Nema, auðvitað, að fjármálaráðherra óski sér að krónan sökkvi.

„Þurfa gengisfestingu eins og þorskur þarf hjól“

ESB styður blóðbað í Sýrlandi

Evrópusambandið vill ekki frið í Sýrlandi. Forgangsverkefni ESB er að skipta um ríkisstjórn í Damaskus, bola Assad forseta frá völdum.

Assad sigraði tvennar síðustu kosningar í Sýrlandi. En ESB þykist vita betur en sýrlenska þjóðin hvernig skuli haga málum.

Bandaríkjamenn undir forystu Trump telja ekki lengur forgangsmál að Assad fari frá völdum. Stríðsþreyta gerir vart við sig í Washington eftir misheppnuð afskipti af málefnum Sýrlands, Írak og Líbýu sem öll eru í heljargreipum ofbeldis og stríðsátaka. Brussel skilur ekkert enn.

Froða úr munni barnanna

Persónulegir hagsmunir þingmanna

Eflaust er Hugarafl góður og þarfur félagasskapur. En það er margur félagsskapurinn í samfélaginu, góðu heilli, og vinna þjóðþrifaverk á mörgum sviðum mannlífsins.

Þingmenn ættu að varast að persónugera þau mál sem þeir fjalla um. Þingmenn eru kjörnir til að vinna að almannahagsmunum en ekki sérgreindra.

Píratar keyra þá pólitík að almannahagsmunir standi ofar sérhagsmunum. En þegar kemur að þeim sjálfum fatast þeim flugið. Eins og dæmin sanna.   

Þetta er algjör svívirða

Pírati biður Ólaf auðmann að bjarga flokknum

Píratar loga stafnanna á milli vegna spillingarumræðu. Í borgarstjórn bera Píratar ábyrgð á því að veita alræmdasta auðmanni landsins, Ólafi Ólafssyni, fyrirgreiðslu sem skilar Ólafi milljörðum í hagnað. Þingmaður flokksins varð að láta af hendi niðurgreitt húsnæði sem hann þáði í gegnum eiginkonu sína.

Halldór Auðar Svansson borgarfulltrúi Pírata skrifar Ólafi Ólafssyni opið bréf þar sem hann biður Ólaf að bjarga flokknum frá spillingarumræðunni. Halldór var áður starfsmaður Ólafs hjá Kaupþingi og hagnaðist á hlutabréfaviðskiptum rétt fyrir hrun, að eigin sögn:

Ég fékk til dæmis hlutabréf í bankanum sem bónus jólin 2007 en seldi fáeinum mánuðum síðar...

Halldór biður Ólaf að stíga fram og hreinsa mannorð sitt til að Píratar geti haldið áfram að veita Ólafi og fyrirtækjum hans svigrúm að græða milljarða. Almenningsáltið er á móti Pírötum og Ólafi og þess vegna þarf að þykjast ,,einlægur." Til að viðskiptin nái fram að ganga.

Opið bréf Halldórs til Ólafs auðmanns sýnir svart á hvítu til hvers Píratar eru í pólitík: til að komast yfir völd og halda þeim. Og nú þarf, samkvæmt Halldóri pírata, smá ,,einlægni" til að lægja öldurnar.

Kaupin á Arion-banka eru blekking

Erlendir eigendur Arion-banka ætla að taka snúning, selja bankann sjálfum sér og færa niður eigið fé bankans og leysa til sín ótalda milljarða til að flytja úr landi.

Framsóknarmenn undir forystu Sigmundar Davíðs benda á mótleik; að ríkið nýti forkaupsréttinn og leysi hlutinn til sín.

Sigmundur Davíð sýndi og sannaði í forsætisráðherratíð sinni að hann kann réttu handtökin í samskiptum við erlenda vogunarsjóði.

Stærri en salan á Búnaðarbankanum

Píratar, vinstrimenn tækla spillingu

Píratar og vinstriflokkarnir gengu til síðustu kosninga með loforð um að ,,tækla" spillingu.

Reykjavíkurborg stjórna Píratar, Vinstri grænir og Samfylkingin. Nú er það komið á daginn að borgin hyglar alræmdum spillingargosa með því að gefa honum lóðir og byggingarleyfi.

Nú vitum við hvernig Píratar og vinstrimenn tækla spillingu: með því að verðlauna hana.

Gagnrýna söluna

Viðreisn tapar vegna Vinstri grænna og Brexit

Viðreisn varð til sem stjórnmálaflokkur af tveim ástæðum. Í fyrsta lagi sem heimili ESB-sinna í röðum sjálfstæðismanna. Í öðru lagi til að verða samstarfsaðili Samfylkingar um frjálslynda vinstripólitík.

Úrsögn Breta úr ESB, Brexit, kippti fótunum undan aðildarsinnum á Íslandi. Bæði sýnir Brexit veikleika ESB og líka hitt að öll viðskipta og hagkvæmnisrök fyrir ESB-aðild hverfa. Eftir Brexit væri Ísland að útiloka sig frá Bretlandi með inngöngu í ESB. Og Bretland er mikilvægasta viðskiptaland Íslands í Evrópu.

Raunir Samfylkingar á vinstri kanti stjórnmálanna veikja Viðreisn. Bandalag Viðreinar og Samfylkingar um frjálslynda pólitík er dauðanum merkt þar sem Vinstri grænir eru stórveldið á vinstri vængnum. Vinstri grænir og Viðreisn blandast álíka vel og olía og vatn.

Í öngum sínum reynir forystufólk Viðreisnar að tala upp evruna og Evrópusambandsaðild. Það er eins og að berja dautt hross til lífs.

Misvísandi skilaboð ráðamanna

Endalok evrunnar - spurning um tíma

Á meðan fjármálaráðherra Íslands óskar eftir evru í stað krónu ræða Þjóðverjar endalok evrunnar. Tilefnið er ný skýrsla Bank of America.

Die Welt birtir línurit um gengisfellingar og gengishækkanir í kjölfar endaloka evrunnar. Nýtt þýskt mark yrði 15 prósent hærra en evran er í dag og nýir gjaldmiðlar Spánar og Grikklands 7,5 prósent lægri. Í reynd yrðu sveiflurnar meiri þar sem trúverðugleiki gjaldmiðlanna yrði ólíkur.

Ástæðan fyrir aukinni umræðu um endalok evrunnar að þessu sinni er ósjálfbær skuldastaða evruríkja í Suður-Evrópu.

Evrópski seðlabankinn rekur núllvaxtastefnu síðustu ár til að halda hjólum atvinnulífsins gangandi. Fyrr heldur en síðar verður að hækka vexti vegna verðbólgu. Fyrirsjáanleg afleiðing er að Suður-Evrópuríki standi ekki undir skuldum sínum.

Stendur ekki til að festa gengið

Benedikt er fangi eigin fávisku

Garðabær gæti gefið út eigin gjaldmiðil og haldið honum stöðugum að tveim forsendum gefnum: í fyrsta lagi að rekstur bæjarsjóðs væri í jafnvægi og í öðru lagi að vöxtur garðbæska hagkerfisins væri eðlilegur. Þriðja atriðið sem gæti leitt til óstöðugleika er að fjármálastjóri bæjarins gæfi út yfirlýsingu um að gjaldmiðillinn væri ekki á vetur setjandi.

Í hagfræðibókmenntum er ekki til nein hámarksstærð gjaldmiðlasvæðis og heldur ekki nein lágmarksstærð. Fjölskylda gæti þess vegna gefið út gjaldmiðil.

Benedikt Jóhannesson formaður Viðreisnar og fjármálaráðherra tileinkaði sér valkvæða heimsku um gjaldmiðla þegar hann ruddi sér braut í stjórnmálum. Heimska Benedikts kemst fyrir í tveim orðum: ónýt króna.

En var norska krónan ónýt þegar hún féll um 24 prósent árið 2014 gagnvart dollara? Var breska pundið ónýtt þegar það féll í fyrra um 17 prósent gagnvart dollara?

Nei, hvorki er norska krónan ónýt né breska pundið. Ástæður hreyfinga gjaldmiðla eru m.a. breytingar á verði mikilvægra framleiðsluþátta, olía í tilfelli Noregs, og pólitískrar óvissu, Brexit sem leiddi til lækkunar pundsins.

Á Íslandi leiðir ofurvöxtur eins framleiðsluþáttar, ferðaþjónustu, til þess að krónan ofrís. ,,Sterkasta og stöðugasta króna heims," segir greiningardeild Arion-banka. Sterkari króna gerir útflutningsgreinum erfitt um vik. Það er pólitískt verkefni að vinna úr þessari stöðu. Hvorki norskir né breskir stjórnmálamenn gáfust upp á sínum gjaldmiðli þegar á bjátaði.

Ef Benedikt væri fjármálastjóri fyrirtækis sem gæfi út skuldabréf og segði að hann efaðist um að skuldbréfin væru nokkurs virði þá yrði fjármálastjórinn einfaldlega rekinn - hann væri ekki starfi sínu vaxinn.

Fjármálaráðherra er eins og flokkurinn sem hann stendur fyrir: rusl með sex prósent fylgi.

Dómgreindarruslið í fjármálaráðuneytinu boðar tvær lausnir í viðtali við Financial Times: tengja krónuna við breska pundið eða evruna. Hvers vegna ekki dollar eða japanskt jen eða kínverskt yuan?

Krónan er ekki ónýt frekar en aðrir gjaldmiðlar. En við sitjum uppi með ónýtan fjármálaráðherra. Og verðum að breyta þeirri stöðu áður en frekari skaði hlýst af.

 

 

Óbreytt ástand „óforsvaranlegt“

Kverúlantavinstrið frá Pírötum til sósíalisma

Í samfélaginu er hópur kverúlanta sem á það sameiginlegt að vera vinstrisinnað, síóánægt og kröfuhart á alla aðra en sig sjálfa.

Til skamms tíma studdu kverúlantarnir Pírata, sem núna eru á fallandi fæti, en þar áður Samfylkinguna. 

Gunnar Smári, fyrrum handlangari auðmanna í fjölmiðlarekstri, síðar félagi í trúflokki múslíma og talsmaður inngöngu Íslands í Noreg, er í óða önn að smala kverúlöntum í sósíalistaflokk.

Marx gamli boðaði að menn ættu að vinna eftir getu og fá það sem þeir þyrftu. Smárasósíalismi gengur út á að kverúlantarnir fái það sem þeir vilja en aðrir borgi.

Möguleiki á sósíalistaflokki