Konur kunna ekki með fé að fara

Konur hafa ekki vit á peningum, gæti verið skýring á staðhæfingu fyrirsagnarinnar um fáar konur í fjármálum. Önnur skýring, líklegri, er að konur velji sér aðrar greinar en fjármál.

80 prósent kennara er konur.

Þýðir það að karlar kunni ekki að kenna?

Karlar 91% þeirra sem fara með fé á Íslandi

Mannát sem helgisiður

Forfeður okkar stunduðu mannát, það er vitað. Nýjar fornleifarannsóknir gefa til kynna að mannátið hafi ekki endilega verið til að metta hungur heldur hluti af helgisiðum.

Mannslíkaminn er heldur rýr af kjöti, svona miðað við aðra algenga dýraskrokka, segir Guardian, og vitnar í fornleifafræðinga sem setja fram tilgátu um helgan tilgang mannáts.

Kristni helgisiðurinn að dreypa á blóði Krists og snæða líkama hans gæti verið arfur frá elstu tíð.

Sýrlandsárásin var blekking

Bandaríkin þóttust eyðileggja sýrlenskan flugvöll með loftskeytaárás. En nokkrum klukkustundum eftir árásina tóku sýrlenskar herþotu á loft frá flugvellinum til að herja á andstæðinga Assad forseta.

Loftskeytaárásin var blekking. Hún átti að sýna að Trump væri ekki náinn bandamaður Pútins Rússlandsforseta, sem styður Assad. Stuðningsmenn Trump í Bandaríkjunum nota árásina til að sýna Trump sem hörkutól gagnvart Pútín.

Guardian segir enga heildstæða herfræðilega hugsun á bakvið loftskeytaárásina, sem Trump ákvað eftir að fréttir bárust af mannfalli sýrlenskra borgara vegna eiturefnaárásar.

Skilaboð frá Evrópu til Washington eru að Nató megi ekki undir nokkrum kringumstæðum blanda inn í aukinn hernað gegn Assad í Sýrlandi.

Samantekið: loftskeytaárásin á Sýrland var blekking til að styrkja stöðu Trump heimafyrir.

Sex létust í árásinni

Gunnar Smári rekur sjálfan sig

Formaðurinn í væntanlegum Sósíalistaflokki Íslands, Gunnar Smári Egilsson, rak sjálfan sig úr stól útgáfustjóra Fréttatímans. Valdimar Birgisson framkvæmdastjóri útgáfunnar útskýrir:

Valdi­mar Birg­is­son, fram­kvæmda­stjóri Frétta­tím­ans, veit ekki til þess að Gunn­ari Smára Eg­ils­syni rit­stjóra Frétta­tím­ans hafi verið sagt upp. „Ég veit ekki til þess, enda hef ég ekki vald til þess að reka hann,“ seg­ir Valdi­mar í sam­tali við mbl.is og bend­ir á að Gunn­ar Smári sé bæði eig­andi og út­gef­andi blaðsins.

Af orðum Valdimars má ráða að eigandinn Gunnar Smári hafi rekið útgáfustjórann Gunnar Smára. Með öðrum orðum: kapítalistinn Gunnar Smári rak sósíalistann Gunnar Smára.

Og Sósíalistaflokkur Íslands verður stofnaður á Kleppi.

 

Rak ekki Gunnar Smára

Sósíalisti á flótta undan launþegum

Sósíalistinn Gunnar Smári yfirgefur launþegana á Fréttablaðinu kauplausa en með stór áform um að stofna Sósíalistaflokk.

Það er ekki nóg að reyna að hafa áhrif á umræðuna, við verðum að umbreyta upp­bygg­ingu sam­fé­lags­ins. Það er ekki nóg að benda á hversu spillt valda­stétt­in er og hvernig hún fær­ir eig­ur al­menn­ings til sín og sinna, við verðum að taka völd­in af þessu fólki.

Segir Gunnar Smári, stoltur sósíalisti á flótta frá launþegum sem hann borgaði ekki kaup.

Skip­stjór­inn frá á ög­ur­stundu

Trump er mættur: Sýrland í dag, Úkraína á morgun

Rússum var gert viðvart um árás Bandaríkjanna á Sýrland í nótt, til að forða þeim frá manntjóni, segir Telegraph. Rússar berjast við hlið Assad forseta og Trump vildi ekki rússneskt mannfall.

Líkur eru á að vopnabúnaði herstöðvarinnar hafi verið komið undan áður en árásin var gerð. Sem gerir loftskeytaárásina að táknrænum viðburði. Andstæðingar Assad forseta fagna, t.d. Sádí Arabía, sem dundar sér við að slátra fólki í Yemen. Samherjar Assad, Íranir, fordæma aðgerðina.

Rússar munu svara Trump. Kannski með því að láta uppreisnarmenn í Úkraínu gera bandarísku herliði stjórnarinnar í Kiev skráveifu. En kannski finna þeir staðbundinn uppreisnarhóp í Sýrlandi, sem nýtur stuðnings Bandaríkjanna, til að líða fyrir.

Bandaríkin og Rússland eru bæði kjarnorkuveldi. Staðgenglastríð þeirra í miðausturlöndum og Úkraínu getur stigmagnast og orðið að beinum stríðsátökum. Það er ekki gott fyrir heimsfriðinn.

Bandaríkin gerðu árás í Sýrlandi

Þeim var ég verst...

Eftirfarandi er úr Laxdælu þegar söguhetjan Guðrún Ósvífursdóttir gerir upp ástarmál sín á gamals aldri í samtali við son sinn.

Þá mælti Bolli: "Muntu segja mér það móðir að mér er forvitni á að vita? Hverjum hefir þú manni mest unnt?"
Guðrún svarar: "Þorkell var maður ríkastur og höfðingi mestur en engi var maður gervilegri en Bolli og albetur að sér. Þórður Ingunnarson var maður þeirra vitrastur og lagamaður mestur. Þorvalds get eg að engu."
Þá segir Bolli: "Skil eg þetta gerla hvað þú segir mér frá því hversu hverjum var farið bænda þinna en hitt verður enn ekki sagt hverjum þú unnir mest. Þarftu nú ekki að leyna því lengur."
Guðrún svarar: "Fast skorar þú þetta sonur minn," segir Guðrún, "en ef eg skal það nokkurum segja þá mun eg þig helst velja til þess."
Bolli bað hana svo gera.

Þá mælti Guðrún: "Þeim var eg verst er eg unni mest."

Ekkert torskilið þarna. En til að skilja svarið þarf að lesa söguna. Og kannski það hamli helst ungum íslenskum nemendum. Þeir lesa ekki nóg. 

Fornsögur vinsælli hjá erlendum nemendum

Sósíalisminn tapar málgagni - byltingunni frestað

Fréttatíminn undir forystu Gunnars Smára átti að verða málgagn sósíalistaflokks sem þessi fyrrum viðskiptafélagi auðmanna vinnur að.

Gunnar Smári safnaði jöfnum höndum peningum í útgáfuna og flokksfélögum.

Almenningur sýndi sósíalistaútgáfunni lítinn áhuga. Auðmenn voru kallaðir til verka en ekki gekk dæmið upp.

Nú er höfuðpaurinn orðinn hornkerling og byltingunni er frestað.

Nýir eigendur Fréttatímans

Valdabarátta í Washington

Bandaríkin komast næst því að vera heimslögregla sem ákveður hvað má og hvað ekki í alþjóðasamfélaginu. Lögreglustjórinn þar á bæ er forsetinn.

Trump tók við embætti um áramótin og boðaði nýjar áherslur. Rússar voru ekki lengur höfuðóvinurinn heldur herskáir múslímar. En lögregluliðið, þ.e. embættismannakerfið, býr að langri hefð um að Rússar séu vandræðagemsinn í alþjóðasamfélaginu.

Trump mætti einnig andstöðu hjá öflugum fjölmiðlum, sem ala á þeim grun að forsetinn sé útsendari frá Kreml.

Á meðan valdabarátta geisar í Washington logar fjölþjóðlegt ófriðarbál í miðausturlöndum þar sem Rússland styður shíta múslíma (Assad forseta Sýrlands, Íran) en Bandaríkin súnni múslíma (Sádí Arabía, Tyrkland). Sumir hópar, t.d. Kúrdar, njóta velvildar beggja. Í orði kveðnu standa Rússar og Bandaríkjamenn sameiginlega gegn herskáum múslímum. En aðeins í orði kveðnu. Baráttan um ítök í ríkjaskipun miðausturlanda er í forgrunni.

Valdabaráttan í Washington hverfist um afstöðuna til Rússa. Án samvinnu við Rússa eru litlar líkur að ófriðarbálið í miðausturlöndum verði slökkt. Heimslögreglan ræður ekki ein við verkefnið.

 

Sigur fyrir þjóðaröryggisráðgjafann

Ólafur tekur Valgerði á Dag

Ólafur Ólafsson auðmaður var handgenginn Valgerði Sverrisdóttur og Halldóri Ásgrímssyni sem réðu ferðinni í ráðherraliði Framsóknar þegar Búnaðarbankinn var seldur. Valgerður átti að gæta hagsmuna almennings.

Núna er Ólafur handgenginn Degi B. Eggertssyni borgarstjóra og vinstrimönnum í borgarstjórn Reykjavíkur. Ólafur er á kafi í framkvæmdum borginni og nýtur fyrirgreiðslu og velvilja.

Líkt og hann gerði hjá Valgerði þegar hann eignaðist Búnaðarbankann.

Ráðherra hafði ekki áhuga á málinu