Fyrningarleiðin inn í ESB

Fyrningarleiðin í sjávarútvegi er aðferð til að koma Íslendingum inn í Evrópusambandið. Talsmaður Samfylkingarinnar í sjávarútvegi, Ólína Þorvarðardóttir, telur fyrningarleiðina forsendu fyrir aðild Íslands að ESB. Samkvæmt fréttastofu RÚV

Ólína Þorvarðardóttir, þingmaður Samfylkingar, segir að það sé aðkallandi að flytja fiskveiðiheimildir frá útgerðum í sameiginlegan auðlindasjóð ef Ísland á að ganga í Evrópusambandið.

Samfylkingin hefur lengi haft horn í síðu sjávarútvegs. Flokkurinn er tilbúinn að fórna (eða fyrna) fullveldi Íslendinga og forræði eigin mála til að jafna sakirnar við sjávarútveginn.

 

Ekki betri samningur með Steingrím J.

Steingrímur J. ber ábyrgð á Icesave-samningnum og með hann sem fjármálaráðherra fáum við ekki betri samning. Forsenda þess að við fáum nýjan samning er að ný ríkisstjórnin taki við völdum.

Verkefnið 6. mars er að fella Icesave með afgerandi meirihluta. Skriftin á veggnum segir til um framhaldið.

Íslendingar sagðir hafa gengið af fundi

Nasismi verður grískt umræðuefni

Staðgengill gríska forsætisráðherrans sagði Þjóðverja ekkert eiga með að setja Grikkjum skilyrði þar sem þýskir hefðu stolið gullforða landsins og bera ábyrgð á dauða 300 þús. Grikkja.

Þótt tvær kynslóðir séu liðnar frá seinni heimsstyrjöld er það aðeins augnablik í evrópskri sögu.

Hér má lesa meira um dægurumræðuna í ESB.

Samfykingarlygin afhjúpuð

Skýrsla framkvæmdastjórnar ESB vegna umsóknar Samfylkingarinnar um aðild Íslands afhjúpar samfylkingarlygina um að eftir sem áður myndu Íslendingar fara með yfirráðaréttinn yfir landhelginni.

Orðrétt segir á bls. 69

Iceland will have to accept the principles of exclusive Community competence and freedomof access to waters. Article 17 of the basic CFP Regulation (Council Regulation EC No2371/2002) establishes that a vessel from any Member State has the right of access to anotherMember State’s waters, subject to agreed rules.

Umsóknina ber að draga strax tilbaka.

ESB-vinir gegn hvaða óvinum?

ESB-sjálfstæðismenn halda á lofti þeirri röksemd að við eigum að ganga í Evrópusambandið til að eignast vini. Benedikt Jóhannesson, talsmaður hópsins, hefur í ræðu og riti líkt aðild að ESB við inngöngu okkar í Nato og samning við Bandaríkin um herstöð á Miðnesheiði.

Nató-aðildin og herstöðvarsamningurinn við Bandaríkin voru vegna ógnunar frá Sovétríkjunum. Íslensk stjórnvöld töldu sig nauðbeygð að tryggja hervarnir landsins.

Hvaða nauð rekur okkur í faðm ESB? Í Kastljósviðtali í gær sagði Benedikt að við þyrftum að læra aga, það væri ein ástæðan fyrir inngöngu. Orð Benedikts er ekki hægt að skilja á annan veg en þann að hann telji Íslendinga ekki kunna fótum sínum forráð og þurfi agavald að utan.

Benedikt og sálufélagar hans eru í fullum rétti að gefast upp á eigin þjóð. Við hin teljum farsælla að standa í lappirnar. 

Ísland reiknað niður í lífskjörum

Ísland þarf að borga 2-3 milljarða króna til að laga sig að regluverki Evrópusambandsins. Stjórnvöld leggja út í þessa vitleysu vitandi að þjóðin vill ekki inn í ESB.

Íslendingar yrðu reiknaðir niður í evrópskt meðaltal í ESB, sem þýddi lakari lífskjör en við höfum átt að venjast síðustu áratugi.

Við myndum flytja forræði okkar mála til höfuðborgar ESB sem liggur í 2000 kílómetra fjarlægð.

Feigðarflan Össurar er skipulagt í skjóli hrunsins og mun ekki ná fram að ganga.

 

Gera þarf breytingar en of snemmt að áætla kostnað

Baugur og ESB-deild Sjálfstæðisflokks

Jón Ásgeir Baugsstjóri hefur gefist upp á Samfylkingunni og veðjar á ESB-deild Sjálfstæðisflokksins. Nýi ritstjórinn er aðildarsinni eins og Þorsteinn Pálsson fyrrum ráðherra en hann var til skamms tíma ritstjóri hjá Baugstíðindum.

ESB deild Sjálfstæðisflokksins er minnihlutahópur með tvo þingmenn, Ragnheiði Ríkharðsdóttur og Þorgerði Katrínu Gunnarsdóttur.

Föllnu auðmennirnir og ESB-deildin eiga þrennt sameiginlegt; útrásar-bull, kúlulána-ergelsi og Evrópu-firru.

Ólafur Þ. Stephensen nýr ritstjóri Fréttablaðsins

Ísland dregur umsóknina tilbaka

Um 70 prósent þjóðarinnar er á móti inngöngu. Ríkisstjórnin getur ekki verið í stríði við þjóðarvilja nema um hríð. Á alþingi verður lögð fram þingsályktun um að draga umsóknina tilbaka. Þingmenn Vg verða eftir samþykkt flokksráðs Vg í janúar að samþykkja slíka ályktun.

Þegar Samfylkingin fær skýr skilaboð frá Brussel að tilgangslaust sé að þvinga þjóð í félagsskap sem hún vill ekki fara í mun Samfylkingin lyppast niður.

Umsókn Íslendinga rædd í dag

Steingrímur J. gróf sér gröf

Í Sjónvarpsfréttum í kvöld talaði Steingrímur J. eins og blaðafulltrúi stjórnarandstöðunnar. Tilboðið sem Bretar og Hollendingar sendu okkur var mun betra en samningur Svavars G. og Steingríms J. Fjármálaráðherra er margbúinn að segja að ekki væri hægt að fá betri samning.

Þegar það liggur fyrir að hægt er að fá betri samning verður fjármálaráðherra eins og hver önnur markleysa. Þegar sterkast maður ríkisstjórnarinnar er hundur í bandi stjórnarandstöðunnar ætti sérhverjum að vera ljóst að stjórn Jóhönnu er heiladauð þótt nema megi daufan hjartslátt.

Steingrímur J. og ríkisstjórnin grófu sér gröf drýldnum yfirlýsingum og pólitísku ofbeldi í viðkvæmum málum sem þurfa samstöðu, ESB og Icesave.

Tilboðið ekki ásættanlegt

Alþingi verði vettvangur sátta

Yrði umsókn Íslands um aðild að Evrópusambandinu dregin tilbaka með þingsályktun á alþingi væri rétt fram sáttarhönd. Meirihluti alþingis, ríkisstjórnarmeirihlutinn, hljóp á sig þegar hrapað var að samþykkt tillögunnar 16. júlí um að sækja um inngöngu ESB.

Þjóðin er staðföst í andstöðu sinni gegn inngöngu. Stjórnarmeirihlutinn getur ekki látið eins og umsóknin sé í þágu íslensku þjóðarinnar.

Enginn stór skaði er skeður og því ætti alþingi að samþykkja þingsályktun sem mælir fyrir að umsókn Íslands um inngöngu í Evrópusambandið skuli dregin tilbaka.

 

Væri ráð að draga umsókn til baka?