Ríkisstjórnin viðurkennir forsetann sem leiðtoga

Ólafur Ragnar Grímsson setti saman ríkisstjórn Samfylkingar og Vinstri grænna, þegar hann fékk Framsóknarflokkinn til að veita starfsstjórninni hlutleysi. Viðbrögð Jóhönnu og Steingríms J. við umþóttun forseta sýna að þau viðurkenna forræði Ólafs Ragnars.

Það undirstrikar að Ólafur Ragnar hefur í hendi sér að synja lögunum staðfestingu án þess að espa meirihluta þingsins á móti sér. Stjórnin lúffar fyrir Ólafi Ragnari hvorttveggja vegna þess að hann er hönnuður ríkisstjórnarinnar og ekki síður vegur þungt að stjórnin veikluleg.

Fari Ólafur Ragnar ekki að þjóðarvilja í málinu er hann að samsama sig hryðjuverki veikrar ríkisstjórnar. Ekki beinlínis heppilegt fyrir forseta sem er í stórskuld við þjóðina.

Gleðilegt nýtt ár.

Gerir ekki athugasemd

Árið sem fúll á móti varð überráðherra

Steingrímur Jóhann Sigfússon fjármálaráðherra og formaður Vinstri grænna kom úr tíu ára eyðimerkurgöngu í ár og varð yfirráðherra ríkisstjórnar sem ranglega er kennd við Jóhönnu Sigurðardóttur.

Stökkið sem heiðursfélagi fúll-á-móti-klúbbsins tók á árinu verður í minnum haft. Einn skugga ber þó á; Júdasarsamþykktin 16. júlí.

Gæludýr Steingríms J. segja umsóknina til Brussel djúpt plott til að einangra Samfylkinguna í íslenskri pólitík. Lítill angi af því plotti er að tæta fylgið af Samfylkingunni en halda Vg stöðugu. Síðasta skoðanakönnun Gallup segir ríkisstjórnarflokkana jafn stóra, sem þýðir að fólk yfirgefur Samfylkinguna í hrönnum.

Vonandi verður að ári hægt að mæra Steingrím Jóhann.

Ríkisstjórnin eða þjóðin - síðasta tækifæri ÓRG

Heimadrama forseta Íslands gerir ekki annað en að undirstrika að valið stendur á milli ríkisstjórnarinnar og vilja þjóðarinnar þegar Ólafur Ragnar Grímsson tekur afstöðu til þess hvort hann synjar staðfestingu laganna um ríkisábyrgð á Icesave-reikningunum.

Ólafur Ragnar hefur í frammi leikræna tilburði til það þykjast eiga erfitt með að gera upp hug sinn.

Gamli formaður Alþýðubandalagsins er hins vegar búinn að vita lengi að hann mun standa frammi fyrir þessum kosti.

Ólafur Ragnar stendur frammi fyrir síðasta tækifærinu til að bæta fyrir tjónið sem hann hefur valdið þjóðinni í forsetatíð sinni.

Forseti tekur sér frest

Forsetahálmstráið

Sjaldan hafa jafn margir bundið jafn miklar vonir við mann sem er jafn ólíklegur að standa undir væntingum og forseti lýðveldisins, Ólafur Ragnar Grímsson.

Alþingi samþykkti Icesave

Davíð mælikvarði Jóhönnu á Icesave

Forsætisráðherra segir tap Seðlabankans við tilraunir að bjarga bönkunum síðast liðið ár meira vandamál en fyrirsjáanlegar skuldaklyfjar vegna Icesave-frumvarpsins. Jóhanna Sigurðardóttir skilur ekki að tap Seðlabankans er staðreynd sem ekki verður breytt. Icesave-frumvarpið er ekki orðinn hlutur fyrr en Jóhanna og aðrir þingmenn samþykkja frumvarpið.

Samanburður Jóhönnu á þessum gangólíku málum undirstrikar að hún er blinduð af heift. Þjóðin þarf ekki á forsætisráðherra að halda sem gerir ekki mun á fortíð og framtíð.

Icesave-jafntefli skást í stöðunni

Eina vitræna niðurstaðan í Icesave-málinu er að láta lögin frá í ágúst standa. Þar viðurkenna Íslendingar ábyrgð sína en hafa jafnframt í frammi nauðvörn með fyrirvörum á greiðslugetu þjóðarbúsins.

Frá fyrsta degi hefur ríkisstjórnin klúðrað málinu; samningurinn var ömurlegur og aðferðafræðin við að koma samningnum í gegnum þingið verri en ömurleg.

Sé nokkur skynsemisglóra eftir í kolli forystumanna stjórnarinnar láta þeir frumvarpið falla á jöfnu. Stjórnin getur þá sagt við Breta og Hollendinga að því miður verði ekki komist lengra en með ágústlögunum. Hér heima getur stjórnin haldið áfram eftir jafntefli á þingi.

Guðbjarti misboðið

Aularök ársins fyrir inngöngu í ESB

Baugsútgáfan valdi tvo forstjóra menn ársins í viðskiptalífinu og þýfgaði þá um viðhorfið til inngöngu Íslands í Evrópusambandið. Annar þeirra, Hilmar V. Pétursson forstjóri CCP, segir

Það er partur af samfélaginu sem virðist hafa stóra hagsmuni af því að beita sér gegn ESB og beitir öllum klækjum til að mála það sem vond útlendingasamtök sem vilji koma höndum yfir allt sem hér er. Það stenst enga skoðun," segir Hilmar og bendir á að þótt andstaðan kunni að þjóna sérhagsmunum þá gangi viðhorfið ekki upp.  

Yfir vötnum Hilmars svífur árið 2007 þegar menn atvinnulífsins töluðu aldrei fyrir sérhagsmunum en ávallt fyrir þjóðarhagsmunum. Við vitum hvert það leiddi okkur.

2007-belgingurinn í Hilmari um að hann sem aðildarsinni tali ekki fyrir sérhagsmuni en fullveldissinnar séu sérhagsmunaseggir eru aularök ársins fyrir inngöngu í ESB.

Skotfærin búin hjá stjórninni

Ríkisstjórnin er skotfæralaus í umræðunni um Icesave-frumvarpið. Þau skotfæri sem berast á vígvöllinn þar sem barist er um fjárhagslega framtíð þjóðarinnar falla öll í skaut stjórnarandstöðunnar. Við lok þriðju umræðu fréttist af nýjum gögnum sem þingmenn hafa ekki fengið að sjá og lúta m.a. að undanskoti upplýsinga aðalsamningamanns Íslands gagnvart utanríkisráðherra.

Össur Skarphéðinsson utanríkisráðherra og Steingrímur J. Sigfússon fjármálaráðherra tóku umræðuna fyrir hönd stjórnarinnar í gærkvöldi. Þegar leið á umræðuna lét Össur sig hverfa og Steingrímur J. stóð einni í brúnni. 

Vörn Steingríms J. var til að byrja með að öll nauðsynleg gögn hefðu þegar komið fram í málinu. En hann lenti fljótlega í mótsögn við sjálfan sig þegar hann viðurkenndi að æskilegt væri að upplýsa hvort kynningarfundur í London í vor hafi verið haldinn fyrir utanríkisráðherra til að greina frá valkostum í deilunni við Breta og Hollendinga. Össur segist ekki hafa sótt fundinn en samkvæmt gögnum lögmanna Michon de Reya sat Össur fundinn. Í gögnum lögmannsstofunnar kemur jafnframt fram að Svavar Gestsson aðalsamningamaður Íslands hafi farið fram á að utanríkisráðherra fengi ekki að sjá tiltekin gögn er vörðuðu málið.

Sanngirniskrafa er að skjölin verði kynnt og þingmenn fái tækifæri að meta þau. Enfremur að Svavar Gestsson yrði kallaður á þingnefndarfund til að upplýsa undirlegheitin. Í fyrstu ætlaði ríkisstjórnarmeirihlutinnn ekki að verða við þessum óskum en verð að lokum að lúta í lægra haldi.

Skotfæri stjórnarinnar í Icesave-umræðunni eru á þrotum og málefnastaðan gjörtöpuð. Icesave-frumvarpið bíður eftir náðarhögginu.  

Icesave-umræðu frestað

Fella Icesave til að bjarga Vg

Óbreyttir þingmenn Vinstri grænna bjarga sennilega flokknum frá klofningi með því að fella Icesave-frumvarp ríkisstjórnarinnar. Átakalínan liggur milli hugsjónamanna sem vilja varðveita orðspor Vg um að taka prinsippafstöðu í stórmálum og valdatæknimönnum sem telja fyrir mestu að flokkurinn eigi aðild að ríkisstjórn.

Ögmundur Jónasson fer fyrir hugsjónafólkinu en Steingrímur J. og Árni Þór Sigurðsson liðþjálfi hans fyrir valdatæknimönnum.

Stjórnmálaflokkur sem ætlar að lifa af núverandi ríkisstjórn verður að líta til lengri tímabils en næstu missera. 

Róttækur vinstriflokkur, byggður á hugmyndum um þjóðfrelsi og réttlæti, getur ekki lagst flatur fyrir óbilgjörnum kröfum gamalla nýlenduvelda og teflt efnahagslegri framtíð þjóðarinnar í tvísýnu.

Ef þingmenn Vinstri grænna samþykkja Icesave-frumvarpið á morgun er tilvistargrunnur flokksins eyðilagður.

 

Átök innan Vinstri grænna

Vegvísir til framtíðar

Borgarskipulagsumræða á Vesturlöndum gerir heimaræktun hátt undir höfði. Fólksfækkun víða í Evrópu leyfir að borgarland sé tekið undir kálgarða. Heimaræktun er hagkvæmari, mengar minna og stuðlar að fjölbreytni.

Reykvískir sauðfjárbændur eru í senn arfleifð liðins tíma og boðberar nýsköpunar. Hollur er heimafenginn baggi er speki i dag eins og fyrrum.

Borgaryfirvöld eru ágætlega með á nótunum og úthlutuðu síðast liðið vor grænmetisgörðum til þeirra er vildu hafa.

 

Reykvískar kindur í ástarbríma