Er forsetinn með eða á móti þjóðinni?

Þjóðin hafnar Icesave og er tilbúinn að taka slaginn við Breta og Hollendinga. Ríkisstjórnin er beygð og brotin enda liggur samningaklúðrið á hennar borði. Spurningin er hvort forsetinn er með þjóðinni eða ríkisstjórnarómyndinni.

Forsetinn hefur gefið fordæmi fyrir þjóðaratkvæðagreiðslu, samanber eftirfarandi orð sem hann lét falla fyrir fimm árum þegar forseti synjaði fjölmiðlafrumvarpi staðfestingar.

Því miður hefur skort samhljóminn sem þarf að vera milli þings og þjóðar í svo mikilvægu máli. Fjölmiðlarnir eru sá hornsteinn í lýðræðisskipan og menningu okkar Íslendinga að ekki er farsælt að varanlega verði djúp gjá milli þingvilja og þjóðarvilja. Slíka gjá þarf að brúa.

Ef skipt er út fjölmiðlar fyrir greiðslugeta þjóðarbúsins verður sama efnislega niðurstaðan. Er Ólafur Ragnar Grímsson forseti þjóðarinnar eða tilræðismaður gegn þjóðarhagsmunum?

 

 

Forseti synji Icesave

ESB-kratar vita minna í dag en 1995

Alþýðuflokkurinn setti aðild að Evrópusambandinu fyrst á dagskrá kosningarnar 1995. Flokkurinn vildi skilgreina samningsmarkmið Íslendinga þannig að við héldum forræði okkar yfir fisveiðilögsögunni. Þegar utanríkisráðherra Samfylkingarinnar, Össur Skarphéðinsson, skrifaði umsókn til Evrópusambandsins í sumar lét hann undir höfuð leggjast að skilgreina samningsmarkmið.

Samningsmarkmið Íslands hafa enn ekki verið skilgreind, hvorki á vettvangi ríkisstjórnarinnar né samninganefndarinnar.

Ef málið varðaði ekki jafn mikilvæga hagsmuni og raun ber vitni væri hægt að hlægja að umsókn Samfylkingarinnar.

(Stefnuskráin er fengin sem pdf-skjal af bloggi Vilhjálms Þorsteinssonar, sbr. hér. )

 

Skrár tengdar þessari bloggfærslu:

• Stefnuskra Alþýðuflokkur 1995

Arion er ónýtt nafn á ónýtum banka

Raðbilun í dómgreind stjórnenda Arionbanka, áður Kaupþing, lýsir sér í nafngiftinni. Arion safnreikningur var notaður sem felulitur á hlutabréfakaup útrásarauðmanna. Dytti Landsbankanum í hug að taka sér nafnið Icesave?

Ónýtt nafn er eitt, dómgreindarlaus rekstur er annað. Málatilbúnaður Kaupþings/Arion gagnvart Baugsfeðgum og Högum er handvömm frá upphafi til enda. Hefði mátt ætla að stjórnendur bankans myndu hafa lært eitthvað af umræðunni fyrr á árinu um niðurfellingu skulda Björgólfsfeðga: Útrásarauðmenn eiga ekki að fá krónu afskrifaða.

Nei, Baugsfeðgum leyfist að hanga á einokun sinni á íslenskum matvælamarkaði með fullu leyfi ríkisbankans. Baugsfeðgar þyrla upp sögum um útlenda peninga í reksturinn og bankinn gleypir hrátt ævintýrið sem hvert barn sér að er skáldskapur.

 

Halldór daðrar við ímyndað ESB

Halldór Ásgrímsson steig í vænginn við Evrópusambandið sem utanríkisráðherra, ýkti kosti þess að ganga í sambandið og málaði skrattann á vegginn þegar rann upp fyrir honum að Íslendingar væru ekkert á leiðinni inn.

Lífsseig er sú sjálfsblekking Halldórs að Íslandsmið gætu orðið sérstakt fiskverndarsvæði sem lyti íslenskri stjórn. Halldór hélt þessu á lofti í utanríkisráðherratíð sinni og lætur ekki segjast. Í greininni sem Morgunblaðið vitnar til ræðir Halldór um svæðisskiptingu á fiskimiðum. Það er langsótt hugmynd í ljósi nýsamþykkts Lissabonsáttmála. Þar eru fiskveiðar færðar undir altæka stjórn Evrópusambandsins. Aðeins örfá svið eru undir altækri stjórn Sambandsins. Auk fiskveiða eru það tollar, evran, samkeppnisreglur og stefna í viðskiptamálum.

Engar líkur eru á að Evrópusambandið muni gefa frá sér í næstu framtíð altæka stjórnun á fiskveiðimálum.

Hér að neðan er grein 2 B sem útskýrir hvaða svið falla undir altæka stjórnun ESB.

Hér er hlekkur í samninginn, sjá bls. 6.

 

Article 2 B

1. The Union shall have exclusive competence in the following areas:

(a) customs union;

(b) the establishing of the competition rules necessary for the functioning of the internal market;

(c) monetary policy for the Member States whose currency is the euro;

(d) the conservation of marine biological resources under the common fisheries policy;

(e) common commercial policy.

 

 

Brottkast verði bannað í ESB

Byr er útrásarsjóður

Sparisjóðir voru samfélagssjóðir sem áttu viðskiptavini í nágrenni sínu. Á útrásartímabilinu voru sparisjóðir græðgisvæddir af stjórnendum og klíkufólki sem eignaðist stofnfjárbréf. Þetta var gert þrátt við mótmæli og viðvaranir viðskiptavina og löggjafans.

Spron fór til heljar og var það maklegt. Byr á að fara sömu leið og gerir það sjálfkrafa nema ríkisvaldið leggi útrásarsjóðnum til milljarða króna. Ríkisvaldið á ekki að taka peninga frá skattpíndri alþýðu til að halda uppi afgangi útrásar.

Húsleit hjá Byr

Sýndarsekt er eitt, lögbrot annað

Efnislega segir lögmaðurinn að verið sé að klína á Baldur Guðlaugsson fyrrum ráðuneytisstjóra sýndarsekt og þar leiki sérstakur saksóknari lykilhlutverk með því að kyrrsetja eigur Baldurs. Sýndarsekt er hluti af áróðursstríðinu um ábyrgðina á hruninu. Baldur er yfirlýstur sjálfstæðismaður og að honum er sótt á þeim forsendum jafnframt því sem hann fær vörn samherja sinna.

Við skulum hafa eitt á hreinu. Núna þegar stórþrifnaður stendur yfir í samfélaginu er hætt við að ýmsir verði fyrir óþægindum. Allir sanngjarnir menn sjá að Baldur er ekki sekur maður þrátt fyrir að hann þurfi að bera sýndarsekt um tíma. Einnig sjá allir sanngjarnir menn að viðskipti Baldurs með Landsbankabréfin og tímasetningar þeirra voru með þeim hætti full ástæða er til rannsóknar.

Sérstakur saksóknari er undir þrýstingi að klára mál. Skilvirkni og góðir stjórnarhættir skipta höfuðmáli og sem komið er verður ekki efast um valdsmeðferð saksóknara. Beinum ekki reiði okkar að þeim sem síst skyldi.

Lögmanni Baldurs algjörlega ofboðið

Útrásarmenn gefa í góðgerðir

Forstjórinn Fall í föllnum Straumi fetar í fótspor Yngva Arnar Kristinssonar yfirmanns hjá Landsbanka sem ætlar að sækja peninga í gjaldþrotabú og gefa til góðgerðasamtaka.

Jói í Bónus gerir sig ekkert sérstaklega þegar hann stillir sér upp með matvörur komnar á dagstimpil og gefur Mæðrastyrksnefnd. Fall og Yngvi Örn toppa Jóa.

Gefur launin til góðgerðarmála

Leiktjöld í hönnun hjá Arion og Högum

Þegar Jón Ásgeir er bakatil en Jói - ég er bara kaupmaður - er látinn tala veit það á auglýsingaútgáfu feðganna fræknu. Bankinn veit, feðgarnir vita og alþjóð veit að skuldaklafi Haga er slíkur að enginn rekstur stendur undir. Feðgarnir hafa blóðmjólkað öll veð í árafjöld til að fjármagna útrásarfíflagang.

Núna vilja þeir fá afskriftir og halda fyrirtækinu til að taka snúning á ný. Hvers vegna ríkisbanki lætur draga sig endalaust á asnaeyrunum er óskiljanlegt.

Haga á að taka af Baugsfeðgum, brjóta upp og selja í einingum. Engin önnur lausn er boðleg.

Arion fær tilboð um 1998

Ólögvarinn þjófnaður og Hagar

Eignastýringarkonan hjá Kaupþingi virðist samkvæmt fréttinni ekki jafn slyng og karlkyns starfsbræður hennar sem  lögverja þjófnað með stjórnarsamþykktum. Glitnir hafi þann háttinn á þegar stóru hluthafarnir mökuðu krókinn á kostnað smælingjanna. Hæstiréttur staðfesti gjörninginn.

Stærstu eigendur Glitnis sáluga eru feðgar kenndir við Baug og eiga verslunarsamsteypu sem kallast Hagar. Kaupþing, sem nú heitir Arion, ætlar að færa Baugsfeðgum marggjaldþrota Haga á silfurfati; skuldir afskrifaðar og einokun fest í sessi.

Strákarnir sjá um sína.

Fjárdráttur hjá Kaupþingi

Baktjaldamakk Baugsfylkingar

Ríkisbankinn Kaupþing/Arion er enn í útrás og hefur fengið pólitískt leyfi að hlaða undir auðmennina sem settu þjóðina á hliðina með fjármálalegri fíflsku.

Ríkisbankinn er á forræði viðskiptaráðherra og ríkisstjórnarinnar. Baktjaldamakk ætlar að leiða til niðurstöðu sem er hagkvæm fyrir Baugsfylkinguna.

Er ekki næsta skrefið að sameina Ríkisútvarpið og Stöð 2 undir forræði Jóns Ásgeirs?

Ísland verður Baugsland.

Hlutur í Högum ekki til sölu