Trump afneitar arfi Napoleóns

Innrás Napoleóns í Egyptaland fyrir 220 árum markar upphaf vestrænnar valdatogstreitu í miðausturlöndum. Vestræn ríki s.s. Frakkland, Bretland og Bandaríkin eftir seinna stríð létu sig málefni miðausturlanda skipta af hernaðarlegum en umfram allt af efnahagslegum ástæðum, sbr. Súez-skurðurinn og olía.

Donald Trump Bandaríkjaforseti afneitar arfi Napoleóns og hyggst draga úr bandarískri íhlutun í miðausturlöndum og jafnvel hætta henni. Á þessa leið er greining í Jerusalem Post.

Valdataka Trump er efni í fleiri stórsögulegar greiningar. Nouriel Roubini, sá sem sagði fyrir efnahagskreppuna 2008, útlistar hvernig Trump mun setja heiminn eins og við þekkjum hann á annan endann með bandarískri einangrunarstefnu. Kenning Roubini er að íhlutun Bandaríkjanna sé forsenda heimsfriðarins síðustu 70 ár.

Napoleón innleiddi í alþjóðapólitík hugmyndir frönsku byltingarinnar um frelsi, bræðralag og jafnrétti. Vestræn mannréttindi eru byggð á þessum grunni. Miðausturlönd keyptu aldrei þessar hugmyndir. Ráðandi hugmyndakerfi þar, kennt við spámanninn frá Mekka, boðar ánauð vantrúaðra, fjandskap og ójafnrétti.

Það er við hæfi að leiðandi vestrænt ríki nenni ekki lengur að halda áfram tilraun Napoleóns að kynna múslímum framandi lífshætti. Eftir 220 ár er það fullreynt. Hvort heimurinn endi fyrir bragðið á ófriðarbáli eru getsakir.

 

Össur talar um allt - nema tap Samfylkingar

Fyrsti formaður Samfylkingar og ráðherra til margra ára, Össur Skarphéðinsson, kennir Vinstri grænum um að smáflokkastjórnin varð ekki að veruleika. Hann ræðir um lífsmöguleika nýrrar stjórnar, efnahagshorfurnar og samvinnu stjórnarandstöðunnar.

En Össur segir ekki eitt aukatekið orð um flokkinn sem árið 2009 fékk 30 prósent fylgi en aðeins 5,7 prósent stuðning í nýafstöðnum þingkosningunum.

Össur sem innanbúðarmaður gæti veitt innsýn í hroðalega stöðu Samfylkingar. En Össur segir pass um það sem hann þekkir best - en er gjöfull á það sem hann veit minna um. Erindi Össurar í pólitíska umræðu ávallt að láta gott af sér leiða. Eins og dæmin sanna.

VG geti sjálfum sér um kennt

Sjálfstæðismenn í uppreisn gegn ESB-stjórn

Sjálfstæðismenn, t.d. Elliði Vignisson og Gunnlaugur Snær Ólafsson, eru fjarri því ánægðir með stjórnarmyndunarviðræður við Viðreisn/Bjarta framtíð. Björn Bjarnason er einnig fullur efasemda.

Viðreisn/Björt framtíð er flokkur ESB-sinna. Ísland er ekki á leiðinni inn í Evrópusambandið. Bæði vegna aðstæðna hér heima, þar sem staðfastur meirihluti í sjö ár er á móti aðild, og ekki síður vegna uppdráttarsýkinnar í ESB, sbr. Brexit og evru-vanda.

Aðeins það eitt að ámálga ESB-aðild ætti að vera frágangssök í stjórnarmyndunarviðræðum.

„Muni ganga í þetta sinn“

Björn Bjarnason afhjúpar fals Viðreisnar og Bjartrar framtíðar

Björn Bjarnason fyrrv. ráðherra kann að lesa í stjórnmálin. Hann tekur fyrir fjölmiðlafléttu Benedikts formanns Viðreisnar:

Greinilegt er af lestri Fréttablaðsins i dag að stuðningsmenn pólitíska tvíhöfðans, Viðreisnar og Bjartrar framtíðar, hafa leikið í blaðið efni sem þeir telja hagstætt fyrir sig í viðræðunum sem hefjast formlega í dag undir forystu Bjarna Benediktssonar eftir að forseti Íslands fól honum öðru sinni föstudaginn 30. desember að reyna stjórnarmyndun.

og

Þetta lofar ekki góðu um andrúmsloft í samstarfi flokka með aðeins eins atkvæðis meirihluta á alþingi. Minna æfingarnar dálítið á það sem gerðist fyrir kosningar 1995 og varð til þess að Davíð Oddsson treysti sér ekki til að vinna áfram með Alþýðuflokknum (með eins atkvæðis meirihluta) og hóf farsælt samstarf við Framsóknarflokkinn sem stóð til 2007.

Sjálfstæðismenn vita af reynslu að fyrrum samflokksmaður þeirra, formaður Viðreisnar, talar með tungum tveim og sitt með hvorri.

Lærir margt með því að lesa blöðin

Vg og Framsókn betri kostur Sjálfstæðisflokks

Miðjustjórn Sjálfstæðisflokks, Vinstri grænna og Framsóknarflokks er betri kostur en hægristjórn Sjálfstæðisflokks, Viðreisnar og Bjartrar framtíðar. Þrjár ástæður eru fyrir því.

Miðjustjórnin yrði með báða vængi pólitíska litrófsins innanborðs. Vinstri grænir eru ásamt Sjálfstæðisflokknum sigurvegarar kosninganna og eiga sterkt pólitískt tilkall til stjórnarsetu.

Í þriðja og síðasta lagi er það sem mest er um vert: miðjustjórnin skapar jafnvægi milli hagsmuna landsbyggðar og höfuðborgarsvæðisins sem hægristjórnin gerir alls ekki.

Framsókn og VG vilja viðræður

Tvenn aldamótamistök þjóðkirkjunnar

11 árum fyrir aldamót gerði þjóðkirkjan kynóðan miðaldra prest að biskupi yfir Íslandi. Eins og afturbatapíka reyndi þjóðkirkjan á nýrri öld að friðþægja öfl er kynntu kynóða biskupinn sem sýnidæmi um kristni.

Þjóðkirkjan er í nokkrum vanda með að útskýra að kristni er ekki annað tveggja pervertismi eða fjölmenning. Vandinn er sjálfskaparvíti og þau eru verst.

„Enginn virðist treysta neinum“

ESB-vinur forsetans, þrjár brennur og fjölmenningin

Í nýársávarpi forsetans er fléttuð saman frásögn af veikum vini Bessastaðabónda og frásögn Njálu af brennunni. Líkt og Skarphéðinn vill vinnurinn ekki leita bjargræðis og glottir þegar burðarbitarnir í Brusselhvoli hrynja.

Kári Sölmundarson, sá sem flýði brennuna og hefndi hennar, fær umsögn sem gæti átt við vinstri græna vini forsetans sem þökkuðu fyrir ESB-brennuleiðangurinn 16. júlí 2009 með stjaksetningu Samfylkingar 29. október 2016.

Frá Brusselhvoli liggur leið forsetans til Kanada að fagna fjölmenningu sýrlenskra múslíma. Ný opinber könnun í Ontaríó-fylki, sem tók á móti 12 þúsund múslímum, segir 75 prósent íbúa fylkisins óttast kvenfyrirlitningu múslíma sem stríði gegn vestrænum gildum. Kanadískt blað segir múslímaandúð í Ontaríó faraldur.

Forsetinn okkar er nýr í starfi og þarf tíma að fóta sig í annarri umræðuhefð en ríkir á Efstaleiti, þar sem hann var álitsgjafi í galdrabrennunni 4. apríl á liðnu ári. Forsetanum er óskað velfarnaðar á nýju ári - og lesendum öllum.

„Faðmaðu heiminn, elskaðu“

Píratar og tvær byltingartilraunir vinstrimanna

Píratar hafna skilgreiningunni vinstri og hægri um þá sjálfa en eru ávallt tilbúnir að nota sömu skilgreiningu um aðra flokka, samanber orð Birgittu Jónsdóttur um væntanlega hægristjórn. Ef Píratar eru í raun hvorki til hægri eða vinstri ættu þeir að geta unnið með öllum flokkum.

En það er ekki tilfellið. Píratar höfnuðu hvorttveggja að vinna með Sjálfstæðisflokknum, sem er til hægri, og miðhægriflokknum Framsókn. Af þessu leiðir eru Píratar sjálfir búnir að skilgreina sig til vinstri.

Líkt og Samfylkingin um aldamótin ætluðu Píratar að verða valkostur við stjórnmálaflokka stöðugleika. Píratar stofnuðu til kosningabandalags vinstriflokkanna fáeinum dögum fyrir kosningar. Tilgangurinn var að sameina fylgi smáflokka í atlögu að stjórnarskránni og undirstöðukerfum samfélagsins.

Samfylkingin freistaði þess eftir hrun, með Vinstri græna sem hækju, að gjörbylta Íslandi með inngöngu í Evrópusambandið og nýrri stjórnarskrá. Byltingartilraunin 2009 til 2013 mistókst með tveim flokkum og nokkur bjartsýni, svo ekki sé meira sagt, að ætla að fjórir til fimm flokkar gætu endurræst ferlið kjörtímabilið 2016 - 2020.

Ástæðan fyrir misheppnuðum byltingartilraunum vinstrimanna er að stórt svæði í pólitísku landslagi á vinstri kanti stjórnmálanna er alls ekki byltingarsinnað. Hægri hlutinn af þessu svæði er kjósendamarkaður Bjartar framtíðar og Viðreisnar en vinstri hlutinn tilheyrir Vinstri grænum. Kjarnasvæði byltingarsinna er Reykjavík 101 þar sem Píratar og Samfylkingin etja kappi um forystu. En þetta er jaðarhópur.

Óhugsandi er að jaðarhópur samfélagsins stýri lýðveldinu inn á braut byltingar. Jafnvel þótt Smári McCarty eigi skammbyssu og kunni að handleika vopn.

 

 

 

Katrínu eða Óttari að kenna?

Auðmýkt Sigurðar Inga skilar Framsókn auðmýkingu

Sigurður Ingi formaður Framsóknarflokksins segist á mbl.is ekkert skilja í því hvers vegna aðrir stjórnmálaflokkar vilji ekki tala við sig um stjórnarmyndun:

[Sigurður Ingi] sagðist ekki hafa skýr­ing­ar á því hvers vegna aðrir flokk­ar hefðu ekki leitað sam­starfs við Fram­sókn­ar­flokk­inn, eng­inn full­trúa hinna flokk­anna hefði sagt við hann hverju það sætti.

Á RÚV kvartar Sigurður Ingi undan forsetanum, sem láti ekki Framsókn fá stjórnarmyndunarumboð þegar fullreynt var að aðrir flokkar náðu ekki saman.

Sigurður Ingi felldi sitjandi formann Framsóknarflokksins, Sigmund Davíð, kortéri fyrir kosningar með auðmýkt sem slagorð. Framsóknarflokkurinn átti að biðjast afsökunar á því að hafa leitt Ísland úr hruni til velsældar.

Stjórnmálaflokkur sem biðst afsökunar á stærstu afrekum sínum uppsker ekki aðdáun heldur fyrirlitningu.

 

Ríkið gegn múslímavæðingu

,,Lýðræði, réttarríkið og þýsk gildi eru vörnin gegn hatursfullum hryðjuverkum," er meginboðskapur Angelu Merkel kanslara Þýskalands, samkvæmt Spiegel. Hatursfullu hryðjuverkin eru að stærstum hluta framkvæmd í nafni múslímatrúar.

Múslímatrú er ekki trú í vestrænum skilningi, segir þýsk-egyptski höfundurinn Hamed Abdel-Samad, heldur lífsháttur. Í bókinni Uppgjör við Múhameð útlistar Abdel-Samad hvernig þrenningin Múhameð, Allah og Kóraninn gegnsýra lifnaðarhætti múslíma. Vestrænn skilningur er að trú sé einkamál hvers og eins. Múslímar skilja trú sem pólitískt og félagslegt samfélag manna þar sem orð spámannsins eru ofar öllum mannasetningum. Vestræn gildi og múslímsk eru ósamrýmanleg. Annað tveggja verður að víkja.

Þjóðverjar eru óðum að átta sig á valkostunum. Trjóuhestur múslímavæðingarinnar heitir fjölmenning. Enda eru þýskir alveg hættir að tala um fjölmenningu. Ríkið ætlar sér að þýskvæða múslíma sem búa í landinu. Kannski tekst það - en kannski ekki.

Svari hryðjuverkum með samheldni