Exista í viðtengingarhætti

Ef þetta og hitt hefði verið gert öðruvísi væri staðan betri; Kaupþing væri enn stórbanki á norræna vísu og Exista ætti fyrir skuldum. En hlutirnir æxluðust þannig að Kaupþing var rúið trausti úti í heimi og alþjóðleg lán gjaldfelld sem leiddi til gjaldþrots er aftur hafði þær afleiðingar að Exista haldið í öndunarvél lánadrottna.

Sigurður Einarsson Kaupþingsstjóri á stóran hlut í uppbyggingu viðskiptaveldis Bakkavararbræðra sem eiga Exista. Bræðurnir guldu Sigurði greiðann með því að kaupa stóran hlut í Kaupþingi.

Saman stunduðu bræðurnir og Sigurður blóðskammarviðskipti þar sem peningar almennings, t.d. lífeyrissjóðanna, voru notaðir til að lána innan sömu klíkunnar, búa til auðævi handa fáum á kostnað fjöldans.

Lýður og aðrir uppskafningar útrásarinnar kunna ekki að skammast sín.

Fengum langmesta höggið

Athugasemdir

[Finnur Bárðarson, 26.8.2009 kl. 17:33]

Ég þurfti varla að lesa meira en fyrirsögnina, vel mælt.

[TH (IP-tala skráð) 26.8.2009 kl. 17:43]

Þeim svíður að hafa ekki getað keypt upp alla bloggara landsins eins og fjölmiðlana. Verða bara að láta sér nægja Pressubloggara sem enginn tekur mark á.

[Jenný Stefanía Jensdóttir, 26.8.2009 kl. 17:47]

Þessar geimverur tala, töluðu, myndu hafa talað, hafa alltaf talað eingöngu í viðtengingarhætti þáskildagatíðar.

[PMG (IP-tala skráð) 26.8.2009 kl. 17:48]

Mikið er hatur fólks. Fer verst með það sjálft.

[Finnur Bárðarson, 26.8.2009 kl. 18:08]

Hatur hvað ? GMP, MGP eða hvað var það.

[Bóndi (IP-tala skráð) 26.8.2009 kl. 19:30]

Eigi er fé fé nema loðið sé. (rússneskur málsháttur, held ég)

[Siggi (IP-tala skráð) 26.8.2009 kl. 19:50]

Er þetta ekki bara óþjóðaLýður..?

held það bara

[Dabbi (IP-tala skráð) 26.8.2009 kl. 20:08]

Fyrsta skipti sem ég er sammála þér

[Óli (IP-tala skráð) 26.8.2009 kl. 21:23]

Uppskafningar er ekki rétta orðið yfir þessa menn, þetta eru hreinræktaðir fjárglæframenn,menn sem töldu sig eiga Ísland og hafa heimild að arðræna banka og hundsa eðlilegt viðskiptaumhverfi, þessa menn ber að ákæra,dæma og fangelsa. Síðan rífa þeir kjaft, að hætti ekta sakamanna.

mér er óglatt.

[Predikarinn - Cacoethes scribendi , 26.8.2009 kl. 22:27]

Heyr heyr.

[Friðrik Hansen Guðmundsson, 26.8.2009 kl. 22:46]

Ég held því miður að þú hafir í þessum stutta pistli þínum hitt naglann á höfuðið.

Þetta virðist vera hrollkaldur veruleikinn.

Þetta teymi rændi síðan og féfletti samfélagið í kappi við klíkurnar sem stjórnuðu hinum bönkunum tveim.

[Svala Jónsdóttir, 27.8.2009 kl. 00:10]

Svei mér þá ef ég er ekki sammála þér - sem gerist ekki oft.

[Valsól (IP-tala skráð) 27.8.2009 kl. 07:07]

Tek undir með Svölu hér að ofan, ég er bara sammála þér, það hlaut að koma að því.